興趣嗜好 今日: 3 | 主題: 124521

積分: 4334

201^#

發表於 04-2-18 16:16 |只看該作者

Re: 大家最近在看什麼書？分享下!

Blythmia :

我想生多一個理由, 請比d時間睇. :-P 我唔想花囡長大後, 要一個人去承受家庭壓力, 如我同丈夫有什麼事, 或只死剩一個時, 她真的要去照顧, 除非佢不孝另計. 我記得我結婚時個伴娘, 佢都好想找男友想結婚, 但佢是獨生女, 她表示, 如要嫁人, 一定要帶埋父母同一定要老公都接受她的父母, 因她有責任去照顧她們, 這亦成佢擇偶其中一個阻礙, 當時我睇到有點心酸. 我真的不想這些是發生在花囡身上, 我會覺得自己成為佢包伏.

同在成長路上, 有一個親人幫助始終有一定好處, 雖則你會說朋友都可以, 但當有一些重要決定时, 朋友真的不會幫你作出決定, 冇錯, 就算兄弟姊妹都未必感情好, 但都有1/2機會係好, 咁就睇下我地父母點怎樣教. 我亦唔想花囡長大後要負好重的擔, 好累的.

另一方面, 我同丈夫家人關係不是太好, 而我家只有2個未結婚哥和弟, 他們亦未必會生小孩或很遠的事, 所以花囡會在一個比較孤獨環境下成長, 和易被竉壞, 這亦是我早早送花囡入幼兒園過群體生活原因之一.

可是, 當今經濟環境真的不太容許我多一個小孩, 層樓負資產, 收入減小, 要供養父母, 每月生活費都好緊. 如我同丈夫有一個失業, 生活即成很大問題. 有朋友提議我轉行或做多一份工, 但我便會更少時間比花囡, 咁對佢亦不公平, 因我同丈夫現時可以每日放工睇女, weekend 一齊放假有家庭日等.

還有樣, 我同丈夫自從生了花囡後, 發覺小朋友真的很可愛天真, 2口子工作幾辛苦都好開心, 母性大發. :-P

所以而家好矛盾, 同不開心, 由其聽到朋友和身邊的人再度懷孕消息, 情緒便很低落一陣子. 但亦明白有時真係要接受現實 :-x :-x

你點睇? 我都想找人分享下平衡自己心理呢.

私人傳訊

積分: 4462

202^#

發表於 04-2-18 21:05 |只看該作者

Re: 大家最近在看什麼書？分享下!

花花:

你都要花多D時間睇 :-P

其實我本身好鍾意小朋友,未結婚時已經好喜歡同小朋友玩,冇諗過只生一個.每個人決定生唔生或生幾多個都係好個人既決定,冇對或錯.亦唔好唔開心,世間事邊有件件完美?花囡乖巧已經係父母好大既福氣.

不過,照睇你主要考慮係經濟o者.其實你同你先生都鍾意細路,又肯用心承擔自己既責任,咁我又覺得不妨生多個喎.我唔清楚你年紀,不過要生點都係早好過遲既,若然過左某個時機,可能會麻煩D,多D問題.

我自己就覺得,經濟時好時壞,呢個元素係會時時變既,十年前我地又點估到香港會咁折墮呀?但係風水輪流轉,我地亦估唔到過一二年係咪會好D.好似負資產,我間屋最差時得番一半,呢兩個禮拜真係巴巴聲升左廿萬,又有邊個會估到.既然有好多變數係我地無法掌握既,咁亦無謂想得太多.呢個世界,其實好多野係船到橋到自然直既.只要唔好太執著,一切都好辦.

如果經濟多少係個問題既話,而你地又好想生多個,咁就要有心理準備,細o個個得到既未必有花囡細時咁多,或者而家花囡擁有既野會俾個細分薄.全家人都要睇得通呢樣野,唔好俾呢點影響大家既感情.

假如你都係諗住維持現狀,我又即管試下解答你既疑慮.獨生子女唔駛同兄弟姐妹爭父母既照顧,無論係物質定係精神上佢都會得到多D.至於係咪寵壞,呢點係睇大人點對佢,亦睇父母點教佢,同係咪獨生子女冇必然關係.單獨同孤獨唔同,佢可以係得一個人但係唔感到孤單,反過來講,亦可以周邊成棚人而感到孤獨.其實我個女都係一個同輩既親戚都冇,但係佢一樣有好多朋友,因為佢心胸廣,唔計較,所以都受同學歡迎(重岩岩獲同學選為班長添

).

冇錯,獨生子女要自己一個去承受照顧雙親既壓力.但係自己做父母時可以盡量安排好,將供養父母既壓力減至最低.好似我自己父母,雖然佢地身體重幾好,但係都已經話第時要去老人院住,唔好搞到D仔女.我外公上個月過身,佢有九個仔女,但係講到照顧,始終會有D人唔願意反哺,你推我讓,甚至刮佢老人家D老本.所以我反而覺得,一個有好處,係你既責任,鍾意又好,唔鍾意又好,冇得推.

可能我個人思想同感情比較獨立,雖然有四兄妹,關係都好好,但情感上唔會依靠佢地.我認為每個人都係獨立既個體,即使同手足感情好,開心唔開心,生活上有咩挫折,始終都要靠自己去面對去承擔.所以我唔特別覺得非有兄弟姐妺不可.

唔好唔開心,諗過度過,邊一個選擇係你能力範圍以內,o係有限條件中最適合適當既,就係最好既選擇.好似我做野,俾多一星期我做件job,交出既貨一定好過今日,俾多一個月我做,做得重好添.但係問題係我地身處既世界,係一個有好多局限既世界,唔係完美既世界.要悅納人生中既不完美,先至會開心.

唔知有冇破BK最長氣記錄?

私人傳訊

積分: 4462

203^#

發表於 04-2-19 21:06 |只看該作者

Re: 大家最近在看什麼書？分享下!

花花:

請看PM.

私人傳訊

tsuitung

伯爵府

積分: 18456

204^#

發表於 04-3-1 13:46 |只看該作者

Re: 大家最近在看什麼書？分享下!

請問有無爸爸媽媽已經買左「好爸爸，忘不了」這本書，係唔係有兩個version，一本大（長身），一本細架，因前天我去商務看見不是我想買的那個版本！

請問係唔係有兩個版本呢？

世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)

私人傳訊

yanyi

民房

積分: 66

205^#

發表於 04-3-10 16:05 |只看該作者

Re: 大家最近在看什麼書？分享下!

先打個招呼，大家好，自購入安徒生童話冊後，當初發現文字亦頗多，初段時亦擔心小孩子不喜歡，因我的女兒才五歲半，今年年尾入讀小一，故此，由我向她講述故事內容，發覺此童話書的故事『醜小鴨』雖然耳熟能詳，但此童話冊可能是全文全譯，故此，較一般醜小鴨的內容更詳細描寫，最後亦跟從書的指示答書的問題，與女兒一起討論。我這樣問她，妳覺得自己有甚麼不如人的地方？如果有，妳會讓它繼續，時常給人話柄，還是努力去做到最好，女兒給我答案都幾特別。『老師時常話我食飯慢吾專心，其實我好想快，於是停下來望住小朋友，所以小朋友食得好快，終於都係我最慢』，我再問她，咁想吾想食快D，她回答：「想」。我再問：「咁應該點樣做好呢？」她回答：「望住自己碗飯，不要俾人影響，專心食自己碗飯」。最後翌日結果如何，相信大家都知道。

我都相信童話要自小培養聽，鼓勵討論，小朋友才會入腦，並收到最大幫助。

私人傳訊

Ms.ChanChan

積分: 5482

206^#

發表於 04-3-13 12:26 |只看該作者

Re: 大家最近在看什麼書？分享下!

Blythemia 寫道:
我自問有多少完美主義,而家個女叫做有九十幾分,萬一生多個出來零雞蛋,咁咪拉勻得四十分.

blythemia，

呢樣野我同你有相同諗法。
我見過好多有多過一個小朋友的家庭，多數係一個好乖，跟住另一個就好難搞。我成日覺得我個女係來報恩的，若果再多生一個就是來討債!

花花，

我成日覺得船到橋頭自然直，如果好喜歡多一個小朋友咪生囉! 都諗唔得太多。如果唔再生的話，可以將所有精神心血資源投放在花女身上都幾好丫! 將來老了，我都預備入安老院。我有弟弟，但因為年齡相距甚遠所以家中大小事都是我一力承擔，同獨生子無乜分別，有時係煩d，都無咩野丫!

私人傳訊

積分: 4462

207^#

發表於 04-3-14 11:53 |只看該作者

Re: 大家最近在看什麼書？分享下!

餐餐:

英雌所見大同,見好就收.

花花:

你又唔駛理我地,因為人總會話俾自己聽現狀係最好既,有兩個既會話你聽,兩個好呀,有傾有講,有一個又會話你聽,集中資源,將最好既(時間,心機,物資)俾小朋友.如果唔係認為自己做緊既野係最好最合理既,時時追求D得唔到既野,咁人都顛啦

如果我唔滿足,我又點會快樂.

私人傳訊

積分: 4462

208^#

發表於 04-3-17 23:07 |只看該作者

Re: 大家最近在看什麼書？分享下!

做咩呢排呢度變左圖書館,咁静既?

我睇緊Living Simply with Children,係講點樣o係追求物質既世界裏面,同小朋友生活得自然而簡樸,但心靈富足.

睇左好少,不過有一段好感人,搭緊地鐵都差D喊.作者話911對唔同既人有唔同既反響.但係有一點好相同既.所有係世貿現場或飛機上面知道自己就來死既人,都打電話或寫紙仔俾親人,話佢聽佢有幾愛佢.作者話,係生命就來完結果一刻,大家不約而同,發現最留戀既唔係架靚車或者事業呢D物質.家人或者話愛至係最重要.

私人傳訊

Amigo

複式洋房

積分: 275

209^#

發表於 04-3-25 15:08 |只看該作者

Re: 大家最近在看什麼書？分享下!

昨天在又一城Page One打書釘. 看到一本書, 明窗出版, 陳頌恩寫的"從聖保羅到史丹福". 這本書一位名校生分享她在學業, 學音樂, 讀書, 處世, 教育一點心得. 對小朋友教育分享意見, 值得一讀.

她另一本書"一個香港學生在史丹福的日子", 在一章節裏開頭說:- "生命太短, 生活裏的閒雜太多". 我也有同感, 想到我自己 "時間太少, 愛好太多, 一事無成." 愛好太多不知是不是一種福份, 或是一種浪費. 這也是我一孩政策的原因.

再給大家喜歡買書的朋友一點消息, 旺角城市中心樓上一賣大陸書的書店以1對1人民幣價, 買滿50元9折, 滿100元8折. 近來新到書也不少, 有時間可上去看看, 因為唔知佢折扣會維持多久.

[img align=left]http://www.albumtown.com/data/372d3f309fef061977fb2f7ba36d74d2/tb_1409_p19928.jpg[/img][img align=left]http://www.albumtown.com/data/372d3f309fef061977fb2f7ba36d74d2/tb_1409_p19938.jpg[/img][img align=left]http://www.albumtown.com/data/372d3f309fef061977fb2f7ba36d74d2/tb_1409_p19934.jpg[/img][img align=left]http://www.albumtown.com/data/372d3f309fef061977fb2f7ba36d74d2/tb_1409_p19932.jpg[/img]

私人傳訊

Galaxia

洋房

積分: 176

210^#

發表於 04-3-25 22:37 |只看該作者

Re: 大家最近在看什麼書？分享下!

I've finished reading a book called "The five people you meet in heaven" by Mitch Albom. The story is not long but it's a really good book, I couldn't help crying... very touching.

Be your true mind

私人傳訊

小米米

積分: 7055

211^#

發表於 04-3-25 22:57 |只看該作者

Re: 大家最近在看什麼書？分享下!

hi Galaxia

please click here--->英文小說

如果你喜歡看英文小說,
我想,你會有更多意外的發現
amigo有好多好介紹呢!!!

私人傳訊

Ms.ChanChan

積分: 5482

212^#

發表於 04-4-5 18:02 |只看該作者

Re: 大家最近在看什麼書？分享下!

等我講下最近睇完的兩套書：

1. 二月河 - 康熙大帝
前後看了幾個月，終於在日前完成。最後兩冊講廢立太子，幾位皇子勾心鬥角奪嫡，好緊湊精彩。以往也許受其他電視劇影響，對雍正不大喜歡，看了這套書心態上有少許調整。有些迫不及待想續看雍正，又想抽些時間看看其他書。

2. 翁靜晶 - 瑣見瑣聞
一直對翁小姐無甚好感，覺得她少時幾"囂"。反倒是這幾年對她堅毅自強不息的剛強性格有些佩服。這書記載的都是她日常瑣事，見解未見得十分精闢獨到，字裡行間更流露幾分霸氣，尤其每提起她先生，雖無明言悔意，但處處顯出"委屈"了自己...文筆亦麻麻...不看無甚可惜吧!

私人傳訊

積分: 4462

213^#

發表於 04-4-5 20:06 |只看該作者

Re: 大家最近在看什麼書？分享下!

chanchan,
你幾好嗎?世伯都康復得幾順利嗎?見你有番D心情睇書,都應該萬事大吉

我黎緊呢個周末會三口子去北京,而家睇緊旅遊資料.遲D世伯完全康復可以考慮下同佢去玩下,我諗佢都會好開心.你又可以練下你煲D冬瓜煲成點

私人傳訊

小米米

積分: 7055

214^#

發表於 04-4-5 22:29 |只看該作者

Re: 大家最近在看什麼書？分享下!

chan,
你終於完成!!!!有無打算睇落去 :-P

我尋日買o左晶晶o既<危險人物><------我好鐘意聽呢個節目o架!!本書包括有「八仙飯店」、歐陽炳強紙盒藏屍,滾油殺夫……我好鍾意這類犯罪的書籍,好喜歡聽這類故事,o個陣電台已經晚晚追,大住肚都聽

晶晶o既專欄差不多日日睇,佢d 觀點好有問題( 一時間又舉不到例子)
佢真係一個唔簡單o既女人,有著不惜一切向上爬,改變自己o既勇氣----非常不簡單,不過,我不喜歡她

[size=medium]尤其每提起她先生，雖無明言悔意，但處處顯出"委屈"了自己我反而想知佢點寫 :-P

私人傳訊

Jelly

積分: 2290

215^#

發表於 04-4-6 17:50 |只看該作者

Re: 大家最近在看什麼書？分享下!

昨晚剛完成一本從圖書館借回來的書, 叫做 "小五女生留學日記". 本人並無意兩年後送小五的女兒出國

借這本書回來, 全因好奇, 身邊有些朋友早在孩子八九歲便放洋留學, 恰巧女兒兩位十四五歲的表姐均準備今年暑假出國讀書, 我因而希望從這本書窺探一下出國前小朋友及家長需要什麼心理準備及調整.

本書小作者是十一歲的台灣女孩周寂琦, 她在九九年結束小學五年級課程後, 一個人到南非上了兩個月小學, 00 年夏季再到秘魯過了一年寄居生活, 回台幾月後更負笈美國正式上學. 本書主要分兩部分: (一) 美國篇 --- 記錄小作者跟父母的電郵往返, 讓讀者了解美台兩地的文化差異 (二) 南非篇 --- 由周寂琦的母親丘引女士執筆, 記述送女兒出國前的準備及在國外生活的點滴, 並帶出丘女士的教育觀.

此書讓我欣賞到丘女士跟孩子一起探索, 開發陌生領域的經驗, 也很佩服她早早願意放手去讓孩子發現世界的勇氣; 不過, 如我前文期望, 欲多了解小作者成行前需要什麼心理狀況調整, 本書卻有點兒欠奉, 原因可能是小女孩自小已被培養成非常獨立, 勇於接受挑戰的個體, 一開始她已經充滿活力和信心, 因此不如我想像, 離開父母之前沒有太多的別緒.

丘女士在書末總結她的看法: "教育的方式可以很多元, 每個人都可以嘗試自己想要的方式, 尋求不同的管道, 完成心目中理想教育內涵和品質." 我也需要一點時間, 整理一下思緒, 跟我先生再討論一下我們心目中的理想教育是什麼, 另外, 鋪設在小女前面的有什麼管道 ...

書籍資料:
小五女生留學日記 --- 從南非到美國的學習之路
丘引 / 周寂琦著
ISBN: 986-7894-14-6
出版者: 新手父母出版

私人傳訊

Jelly

積分: 2290

216^#

發表於 04-4-6 18:05 |只看該作者

Re: 大家最近在看什麼書？分享下!

ChanChan / 米米:
我都對翁小姐無甚好感, 印象中讀過一篇星島專欄, 大致講佢如何盡心盡責做個劉家好媳婦, 安排清明定重陽的祭祀, 不過劉師傅生性自卑小器, 誤以為翁小姐只顧娘家, 睇不起男家, 對其家中事務不聞不問, 翁小姐遂扯曬火, 後來唔記得點收科 ...

真的處處顯出 "委屈", 枉她平日刻意塑造心高氣傲貴氣形象, 公開如此踩自家男人, 跟我等小婦人比, 心胸似乎更陝

私人傳訊

xellos

積分: 1587

217^#

發表於 04-4-7 11:57 |只看該作者

Re: 大家最近在看什麼書？分享下!

我最近看的書是"培養小孩的挫折忍受力"
雖不是什麼新奇方法，作者所提出的意見都是我們平時沒有留意到，如果跟著他的方法去改善自己對小朋友的表達方式又真的有些見效，所以值得一看。

想看中文目錄，可以按"培養小孩的挫折忍受力"
英文版可click下面個link:Raising Resilient Children

Blythemia 寫道:
Parenting with Love and Logic 已經看完,同意myw的看法,其實可以濃縮一點,特別是pearls的部分.不過也不失為一本有啟發的書,我尤其喜歡前面直升機父母和警官父母的比喻,很生動又很貼切.我常引以為戒.

現在斷斷續續的在看Nuturing Resilience in Our Children. 作者是Robert Brooks和Sam Goldstein.這是他們第二本同一主題的書,第一本叫Raising Resilient Children,我在Page One見過,不過未買.現在這本是在英國買的,不知香港有沒有.

resilience其實本是物理科的用語,在心理學上是指面對困難挫折打擊創傷等等之後回彈的力量.我覺得現今的小朋友往往不能面對失敗.自己女兒多少也有這方面的問題.而我深深覺得一個人能否生活得開心,感覺圓滿,resilience有很大的關係.

這本書主要以問答形式寫成,所以斷斷續續地看也不成問題.我也期望從中找到一些幫助女兒接受挫折的方法.

讀書只係人生一部份,
孩子有良好心理質數, 才可勇往直前。

私人傳訊

Ms.ChanChan

積分: 5482

218^#

發表於 04-4-8 23:02 |只看該作者

Re: 大家最近在看什麼書？分享下!

o者喱，

我正是讀這篇讀到火起!
書中不只一篇這樣"踩"家中男人 :-x

私人傳訊

小米米