piggiejai 發表於 12-2-1 12:42 
Why 想搵新工？我依稀記得你話你份工 hea hea 地，最啱你
其實有少少為啖氣，但此時此刻都好嬲。無錯份工都真係幾他條，
但我manager剛剛俾人炒咗，好大可能我其實都會俾人炒，但因為另一個秘書放病假，
Office冇人做嘢，我一個頂埋佢果份，我仲要係佢明日放假我今日至知，
佢要做手術仲要休息三個月，要我做埋唔應該咁遲同我講，
或者我有plan放假呢，但總之就係覺得我係火燭鬼例必救火咁。
道火線係我細佬今年12月結婚，我要番香港飲，於是上星期入紙攞假，
我想攞12日假，夾埋D星期六日我可以留港約3星期，我入紙時仲講埋原因地點，
大老闆話太長唔批，我問咁最多幾多日，佢居然話5日，
但放緊病假果個同事（老闆秘書）每年所有長假都霸晒，我一定冇得放，
年年聖誕呢個8婆都放成兩個星期。我入公司7年未放過長過5日嘅假，
放5日都多數係病假或仔仔病（兩次手足口會傳染唔返得工），老闆居然講唔可以放多過5日，
因為其他人要放，成個Office只要有一個秘書坐鎮就得，除咗我就係佢秘書啦，
咁你話要留返俾邊個放？明眼人都知係要就佢個秘書啦，
上年老細講過如果有兩個人要同時放，就會批年資長D果個，
我做咗7年，佢秘書做咗20年，咁係咪即係有佢一日我都冇得放？
今次咁sound嘅理由都唔批我，我留返喺度仲有咩意思喎，所以而家就積極少少搵下工。
我都知如果我搵到工，第一年都未必會攞到假，但我真係好唔順氣，
咁再做落去都冇癮。我或者會等到個同事返嚟，睇下老細會唔會layoff我，
係就好囉，攞到個package（應該都有4個月人工）又唔駛諗放假，
但我都驚搵唔到工，到時可能要做FT湊仔婆。
花旗太太生活在花旗國，留意時差，你問我未必即時答到。
mouth:).
發表於 
返回列表
