烹飪搵食

跳至

首頁

尾頁
   1


大宅

積分: 2358


201#
發表於 03-10-16 01:18 |只看該作者

Re: 買左個新焗爐,點用呢?

Blythemia,

嘩...我正想問你點解今日咁夜仲未


用戶要求終止服務

積分: 6954


202#
發表於 03-10-16 09:20 |只看該作者

Re: 買左個新焗爐,點用呢?

海綿蛋糕真係好難成功,好多人都失敗過,我都失敗左無數次,有幾次變左蛋餅,好似pancake咁,但都好好味喎,仔女照單全收:-P

可以試下尼個receipt,好似成功機會大d.

Ricky蛋糕底 (copied from cookeasy)

我一向用開全蛋法,個人覺得較易控制
份量: 蛋10oz
牛油2oz
低筋麵粉4oz
糖3oz

預熱焗爐至200度
做法:先將牛油煮滾待用,再將旦,糖混合打旦器速打至企身,跟住改用中速加面粉最後加入牛油,用手將蛋漿由下至上攪兩三下使材料完全混合,把蛋漿倒入模中。 焗至面頭脹起同有金黃色收至180至170度大約20-30分鐘



~~~~~~~~~~~~~~~~~~~~


大宅

積分: 2106


203#
發表於 03-10-16 11:54 |只看該作者

Re: 買左個新焗爐,點用呢?

其實如果戚風易做,唔知可唔可以係戚風上面git cream都得呢?咁樣成功率會大d呀!可惜blythemia的蛋糕係送比朋友啦!如果唔係真係好想睇下蕃shu蛋糕個芯係點的,紫色一定好靚!

另外我想請教下各位,果d中間有旋風花紋(係咪叫雲石紋??)的蛋糕,同埋個面都有d花紋的蛋糕係點整的呢?我覺得好靚又好味呀! 係咪落模之後liu出來的呢?有咩技考?

siupak01, crystal & zen,
買齊野開工未呢?祝成功!

zen,
你個receipe好似真係幾容易喎,但係用oz量度會唔會好難呢?我都想試試做海綿蛋糕,如果變左個pancake都冇所謂呀!pancake好味呀!


大宅

積分: 4462


204#
發表於 03-10-16 14:36 |只看該作者

Re: 買左個新焗爐,點用呢?

係我做蕃薯戚風之前,我都以為會粉紫色好靚,但係焗出來變成灰綠色,我估可能用日本紫心蕃薯會好少少,不過成十幾蚊得個兩舊仔,本來我係諗住自己食既,所以唔捨得買 :-P

而家重有一細杯紫紅色既蕃薯茸,今晚會用來裝飾,重會敏d甜忌廉上去,(戚風當然可以git cream啦)睇下會唔會好d.

至於旋風紋好多時會係朱古力漿或咖啡開水,差唔多係最後一步,倒落個麵糊輕輕搞幾下就會出到好靚既雲石紋.


用戶要求終止服務

積分: 6954


205#
發表於 03-10-16 14:38 |只看該作者

Re: 買左個新焗爐,點用呢?

Dau

威風cake承托力比較差,不能鋪太多生果上面.下面的receipt是台灣一個網友傳授的做法.

生日蛋糕體的雪紡蛋糕.支撐力較好

1/ 蛋黃....4隻
2/ 砂糖....40克
3/ 沙拉油.....50克最好不要用牛油代替,否則就失去雪訪蛋糕輕柔健康的特點了
4/ 水或橙汁....50克用牛奶也可以.這個部分盡量不要用凍的.要用室溫或略加溫
5/ 低筋粉......100克
6/ 發粉...1小匙如果烤箱較細的話.可用1/2或3/4小匙就好.
7/ 雲尼拿油....少許
8/ 蛋白......4隻
9/ 糖......60克
10/ 鹽....少許或cream of tartar....1/4小匙

**1-6項材料一順序加入攪勻就好.再加7攪勻.

**用另一個容器先放入蛋白和鹽或它它粉.打到有大泡泡後再分2-3次加入糖.打到乾性發泡.就是拉起打蛋器之後.蛋白霜的尖端成尖角直立狀.

**先挖1/3蛋白霜倒蛋黃麵糊裡攪勻.再加入剩下的蛋白.用刮刀輕輕的用切拌的方式攪勻.就可以入爐烘烤了(160度,焗40分鐘).進爐時要在桌上敲一下.出爐時也要先敲一下再倒扣放涼.

是把蛋糕糊裝到模子裡.然後拿著模子在桌上敲兩.三下.這是為了讓麵糊能充分的佈滿整個模子.並且讓較大的泡泡冒出來.讓成品的組織更均勻

第二次敲是出爐後.馬上拿出來在桌上敲一下.讓熱空氣排出.這一下是因為如果你不敲的話.那麼熱空氣會積在蛋糕裡.各位有聽過熱脹冷縮吧.隨著溫度越低.蛋糕裡面的空氣因為接近真空(各位都知道蛋糕的組織是一個一個泡泡組成的吧).所以會越來越縮.就會把蛋糕往回拉.即使你有倒扣.蛋糕仍會在中間有一點下陷.如果你用的是中空模.感覺比較不明顯.如果要做生日蛋糕底.用的一般甩底圓模.那就會很明顯.所以當我們用力敲那麼一下.會把蛋糕的泡泡震破.熱空氣會排出來.但是會將冷空氣吸進去.所以蛋糕裡面仍然會有空氣支撐著.就不會往回縮了.然後接著再倒扣放涼的動作.就純粹只是因為地球引力的關係而已了

**打蛋白的容器和工具.一定不能沾到水和油.所以分蛋時要小心.就算只有一些些蛋黃滴進去都會打不發.要倒進蛋白的那份糖.也一樣不能用有水分或油份的容器裝著.

**事先將蛋冰涼的話.會比較容易分開.也比較容易打發.

**盡量不要在烘烤途中打開爐門.如過要放錫紙在上面.至少等烤20分鐘以後再放.而且要快.如果你第一次烤時需要放錫紙.那麼記得是烤溫太高.下次降個10-15度去烤.


大理石蛋糕 版權

1.白油 80公克
奶油 80公克
細砂糖 200公克
鹽 3/4小匙
2.蛋 180公克
3.低筋麵粉 200公克
泡打粉 1/2小匙
4.奶粉 1大匙
水 40c.c.
5.可可粉 10公克
小蘇打粉 1/4小匙
熱水 3大匙
6.白麵糊 200公克
份量:槽狀模型(中) 2個

(1)將材料1拌勻,用打蛋器打發至體積稍膨脹而顏色轉白。
(2)蛋分3次加入拌勻。
(3)材料3過篩後亦加入用橡皮刮刀拌勻。
(4)奶粉先溶於水後,再加入作法(3)材料中拌勻,此即白麵糊。
(5)由白麵糊中取出200公克備用,材料5事先拌勻後再加入200公克白麵糊中拌勻成為黑麵糊。
(6)將1/2份量的白麵糊先倒入烤模,再倒入所有黑麵糊,最後再倒入剩餘的1/2白麵糊抹平,入烤箱以170℃烤約40分鐘即可。

加入黑麵糊中的小蘇打粉必須按配方份量加入,過量會使蛋糕組織粗大,並產生肥皂味。


another receipt of 奶油大理石蛋糕

http://photos.gznet.com/photos/1190951/1190951-svQI$C7IjO.jpg

1盎司(oz)=28.35 克



~~~~~~~~~~~~~~~~~~~~


複式洋房

積分: 193


206#
發表於 03-10-16 16:00 |只看該作者

Re: 買左個新焗爐,點用呢?

Dau,
你可以用焗爐紙做蛋糕的lining,蛋糕底紙應底片大小小。如果你的蛋糕是送俾人,就可以用入盒前,在底部用張靚靚的花邊紙。

依家Jusco supermarket有佳能焗爐紙特價,$8.9。

Bigbaby
[img align=left]http://us.f2.yahoofs.com/users/3f27cc30_115c7/bc/Bakery/__sr_/Vivian%27s+B-day+cake.jpg?[/img]


大宅

積分: 1159


207#
發表於 03-10-16 23:49 |只看該作者

Re: 買左個新焗爐,點用呢?

dear all,
唔該晒你地,解答晒我d問題~~

Blythemia,
張新簽名相係咪蕃薯戚風蛋糕?


大宅

積分: 4462


208#
發表於 03-10-16 23:59 |只看該作者

Re: 買左個新焗爐,點用呢?

這是剛完成的蕃薯戚風蛋糕,請多多指教

忌廉內有蕃薯茸,所以微微帶淺紫紅色,但不夠明顯.因為不是純白色,再唧花或刮花紋也不會起眼,所以算數,隨手把上星期用剩的麥提沙用來裝飾.我把蛋糕切開一半,中間再多放一層蕃薯茸和忌廉,這樣吃時會多一種口感.

Crystal,
你咁快既,我都未整好段留言就俾你見到喇. :-P


大宅

積分: 1159


209#
發表於 03-10-17 02:01 |只看該作者

Re: 買左個新焗爐,點用呢?

我今日做呢個cookie失敗左呀,d麵團直頭係散晒,雪完之後都係咁,一碌佢就散晒,係咪因為我用左o個d軟牛油,所以d麵團先會散晒呢?有冇人可以幫到我,話比我知我係邊一度出錯:-( ,thx~~

Earl Grey Cookie

做原味時加入少許雲尼拿香油,減去紅茶包。
做朱古力味時加入10g可可粉,減去薄力粉10g和紅茶包。

材料:
無鹽牛油 70g
糖粉 60g
鹽 少少
蛋黃 1個
薄力粉 150g
紅茶包 2個

準備: 牛油切丁放置室溫,薄力粉師兩次,紅茶包倒出茶葉。

做法:
1. 牛油拌軟,糖粉分3次加入牛油中拌至奶白色Cream狀。
2. 拌入鹽和紅茶葉再加入蛋黃拌勻。
3. 加入1/3 的薄力粉,輕輕拌勻。
4. 再倒入餘下之薄力粉,輕輕拌勻,用保鮮紙包好放入雪櫃1小時。
5. 預熱焗爐180度。
6. 取出壓平,用模按出形狀。
7. 用180度焗10~12分鐘。

Blythemia,
我頭先岩岩上bk就見到你張新簽名相啦~ ,你好叻呀,個蛋糕好靚,係蛋糕面o個d忌廉係咪係自已整架?我都好想學整戚風蛋糕,我想係12月我老公生日o個陣整黎送比佢~ :-P ,你可唔可以教我整戚風?

dau,
我今晚開左工啦,分別整左muffin,朱古力cookie,呢2種整完出黎我老公話好好味~ ,不過牛油cookie失敗左呀 :-(


大宅

積分: 2106


210#
發表於 03-10-17 10:00 |只看該作者

Re: 買左個新焗爐,點用呢?

Blythemia,
你個新作好靚呀,等我今朝晨早流流見到就好肚餓啦!你朋友收到後一定好開心!
請問你盛蛋糕個底盤响邊到買呢?貴唔貴?另外有一問題請教,其實戚風係咪用你呢隻中間有個hole的模做會好d呢?會鬆軟d?仲有就係你點拿出去送比朋友呢?好高難度啊!我都好想整cake同朋友分享,但係就唔知點樣拿出街,所以只敢做cookie & muffin.tks!

crystal,
文哥好有口福啊!佢係咪好lum呢? 你用左邊隻牛油?要用好似磚頭果d先得ga,不過等佢放在室温,tan軟佢先用,你下次試下用番呢d牛油應該ok!我look面團時初初都有d散散地,但係用下陰力look多幾次又得喎,不過可能你主要係牛油問題所以咁散啦!下次再努力過!

bigbaby,
唔該哂,我完全明白啦!

zen,
tks,我好興趣整大理石蛋糕呀! 另外我唔係好明之前blythemia教你整蛋糕的方法:

重有如果趕唔切做忌廉裝飾,可以審糖霜上去,你可以剪定d星形心形或幾何圖形,甚至happy birthday之類既字,舖係蛋糕面,洒下白色既糖霜,再拎返起d紙樣,就會出現好靚既圖案架啦.(蛋糕深色會比較起眼)

係咪即係整一個深色的蛋糕,然後做個紙模,sum d白色糖霜上去呢?咁係咪即係要搵d有用可可粉做的cake呢?tks!


用戶要求終止服務

積分: 6954


211#
發表於 03-10-17 10:29 |只看該作者

Re: 買左個新焗爐,點用呢?

Bylthemia

妳個蛋糕好靚呀!!!


Crystal

妳要用磚塊牛油的.


Dau

原味蛋糕都得架,當然深色蛋糕洒糖粉會起眼d,字或公仔都挑通花,放在蛋糕面,洒糖粉,然後取起紙模.

~~~~~~~~~~~~~~~~~~~~


大宅

積分: 4462


212#
發表於 03-10-17 14:07 |只看該作者

Re: 買左個新焗爐,點用呢?

多謝大家過獎,今晚食完至知掂唔掂架.

Dau,

如果個蛋糕比較淺色,可改用可可粉,一樣好靚架.

典型既戚風蛋糕係中間有個loong,個模底有條柱芯,焗好之後反轉個蛋糕放涼.等佢d組織唔會沉底,會鬆軟一d.我覺得因為中間多個圈,可以幫助受熱均勻,減少唔會出現四圍烤焦而中間唔熟既情況.對蛋糕發起亦應該有幫助.

其實相裏面個盤有個透明盒蓋,連埋有手挽可以拎出街架,真係好正,我就係靠哂佢至可以拎俾朋友食咋.呢個可放8吋圓形蛋糕既手提盒只係12大元(就算記錯都一定唔過20元),好好用,又可以循環再用,冇紙盒咁哂,係紅磡個間二德惠公司買架,聞說佢會搬去油麻地,如果有興趣,一定要去行一轉,包你唔捨得走,連蛋糕圍邊個d膠紙都有得買,重印哂公仔添.

我係街盲,完全講唔出街名位置,不過你可以上佢個網(去search 二德惠就得架啦)睇下先,除左地址電話個資料外,重有佢d貨既相架.


大宅

積分: 3627


213#
發表於 03-10-17 14:21 |只看該作者

Re: 買左個新焗爐,點用呢?


Blythemia,

你次次整親 d cream cake 都好掂喎! :-P

我就冇鬼用啦,話咗整 cream cake 成幾個月,到而家都未整,又試比阿仔哦! :-(

一於的起心肝今個星期整,不過我想問吓你用邊隻牌子嚟打 cream?我驚住趕唔切去新信興 or ニ得惠!用返 president 係咪會冇咁實淨? Thanks!!


大宅

積分: 1159


214#
發表於 03-10-17 15:40 |只看該作者

Re: 買左個新焗爐,點用呢?

zen,
我唔知整3樣野食要用咁多牛油,前日我買得一磚牛油返屋企咋 :-P

dau,
我用左花嘜軟牛油,我屋企o個頭d士多得軟牛油賣咋,咪諗住買黎試下囉,點知真係整唔到 :-( ,下次我會睇左個食譜要用幾多材料先至去買料,咁就包唔會買溜野 ,今次好似小白食得開心過我老公 :-P ,我請左小小muffin比小白食,佢食到唔肯行開不停咁問我羅黎食呀~


大宅

積分: 2106


215#
發表於 03-10-17 16:22 |只看該作者

Re: 買左個新焗爐,點用呢?

crystal,,
小白發達啦!你有冇請呀花食?不過記住唔好比朱古力佢地食呀!因為人食的朱古力係對狗有害,分分鍾會冇命ga!小心小心!

blythemia,
個蛋糕盤真係好抵,我一定要揾日去二德惠掃貨先得,有好多野想買呀,唧咀,唧袋,蛋糕盤,戚風模,甜忌廉同埋"文"cream果把刀,我剛剛搵到二德惠個地址啦!tks!

紅磡公司(批發部)
地址: 香港九龍紅磡榮光街50號G座地下
電話: (852)2333 2445
傳真: (852)2362 5917

油麻地零售部
地址: 香港九龍油麻地上海街395-397號安業商業大廈10字樓
電話: (852)8111 3080

jmum,
整完記住影張相上來比我地欣賞下呀!


大宅

積分: 3627


216#
發表於 03-10-17 16:41 |只看該作者

Re: 買左個新焗爐,點用呢?

Dau 寫道:
jmum,
整完記住影張相上來比我地欣賞下呀!


Dau,

呢個真係大 project 呀!整到先算啦!


大宅

積分: 4462


217#
發表於 03-10-17 23:15 |只看該作者

Re: 買左個新焗爐,點用呢?

Jmum 寫道:
我想問吓你用邊隻牌子嚟打 cream?我驚住趕唔切去新信興 or ニ得惠!用返 president 係咪會冇咁實淨? Thanks!!


本身我係二德惠買左一罐愛護牌放係冰格.上星期我整朱古力戚風就係因為趕唔切解凍,唯有係百佳買盒President,加D糖,都打到既,不過真係比較軟,感覺比較稀薄,敏起上來冇甜忌廉咁順手.如果想唧花可能效果冇咁理想.因為隻忌廉比較薄身,立體效果唔係太夠.另外易溶都係一個問題.若然係屋企食問題都唔太大,要拎出街既話就真係比較牙煙.


大宅

積分: 2358


218#
發表於 03-10-17 23:24 |只看該作者

Re: 買左個新焗爐,點用呢?

Dear all,

好開心呀! 我剛剛返黎吾夠十分鐘就send email俾你地喇!因為見到Blythemia你online緊,所以急不及待要話俾你聽.我终於出左Causeway Bay Jusco十蚊店買左好多野呀!


大宅

積分: 4462


219#
發表於 03-10-17 23:53 |只看該作者

Re: 買左個新焗爐,點用呢?

siupak01,

恭喜你做big spender,銅鑼灣吉之島越來越多做蛋糕既用工具用品,你有冇見到個D好靚既鐵罐仔,我諗用來裝住D曲奇送禮,人地一定會以為係街買返黎o者.

有冇諗住幾時擇個好日動工呀?整邊樣先呢?


男爵府

積分: 9191


220#
發表於 03-10-18 00:04 |只看該作者

Re: 買左個新焗爐,點用呢?

Blythemia,
見到妳個蛋糕, 真係好靚, 仲好刺激, 搞到我心思思, 想學整返個添。

首頁

尾頁

跳至
Presslogic Logo
Baby Kingdom Logo