香港18區媽媽會 今日: 0 | 主題: 156994

積分: 1211

201^#

發表於 07-2-16 09:42 |只看該作者

Re: 有無住在富康花園媽咪呀?

doris:

好呀,我吔下次留意有冇位呀..
係呀,都係唱吓歌仔做吓努作咁囉..
我囡囡都係大你囝囝半個月,應該都okay ,
其實我都係想俾佢同多d小朋友一齊學習吓d群體生活,
因為屋企此終得佢一個我諗佢真係會好悶架... :cry:
雖然佢每個sunday 都有返pg,但都係1 hrs.都係好小時間..
所以我唯有帶佢可以見多d小朋友囉...

私人傳訊

積分: 3196

202^#

發表於 07-2-16 10:16 |只看該作者

Re: 有無住在富康花園媽咪呀?

Dear Hollycircle & hellomimi

Thank you and hope we can play together sometime later.

Doris

私人傳訊

積分: 2026

203^#

發表於 07-2-16 23:08 |只看該作者

Re: 有無住在富康花園媽咪呀?

Hollycircle 寫道:
Hellomimi:

係囉,我吔真係啱啱相反,你知嘛..上完playgroup之後我就
同yuki妹係中心個商場到兩個玩到八點幾才返屋企,我都可
以搞掂佢,但一返屋企就慘啦,我做嘢都做唔到呀
:-( 因為佢dad嗰日公司食annual dinner,我要等到我老公
好夜返黎時先可以做屋企嘢 :-( :-(

下!? Yuki係屋企咁勁架 ? 佢會係度做咩野呀? 我個仔係屋企如果我想行開行埋去下廚房做d野, 開隻twins兒歌vcd or 反斗車王vcd比佢睇都頂到一陣架~ 平時佢最鍾意玩下車仔(推下推下咁), 睇下電視, 追住我隻老狗(15歲lu~), 都好少攪事, 一出街就麻煩啦~ 佢會走~走~走~ 我好似個傻婆咁追住佢.

私人傳訊

積分: 2026

204^#

發表於 07-2-20 22:32 |只看該作者

Re: 有無住在富康花園媽咪呀?

今日落街撞啱見到2座36樓火燭, 仲有個人企左出窗, 嚇c我. 我見咁驚險, 企係樓下睇左一陣, 我老公猛叫我"走啦~ 走啦~ 仲睇, 一陣跌落黎走唔切呀~" 咁又係喎~ 我抱住個仔, 不過我個仔見到咁多消防車好興奮............

好彩最後企出窗果個人冇事攞~

私人傳訊

積分: 3196

205^#

發表於 07-2-21 10:37 |只看該作者

Re: 有無住在富康花園媽咪呀?

新年發生這樣的事呀?

各位媽咪今天(大年初四)要不要上班呀? 我公司今天就開工啦, 只是放紅日.

私人傳訊

積分: 1211

206^#

發表於 07-2-22 10:16 |只看該作者

Re: 有無住在富康花園媽咪呀?

係呀,嗰日我真係唔知到火燭喎,不過我D屋企人就車輪轉咁
打電話黎俾我...因為之前我吔出咗去拜年之後回家就同呀囡老公三個抱頭大睡喇....

好彩冇人有事唓...
我今日先要開工,今個新年同Yuki妹可以係屋企住咗六日五睌,除咗坐月嘅時侯,呢嗰新年佢就住得最耐嘅一次啦...
所以琴日下午送完佢返婆婆到,夜晚得我同老公係到時,
真係好唔慣,好miss隻衰妹仔添... :cry:

私人傳訊

積分: 1211

207^#

發表於 07-2-22 10:27 |只看該作者

Re: 有無住在富康花園媽咪呀?

Hellomimi:

哎,我隻衰豬好鬼煩架,因為我嗰單位係中size,
嗰廚房係聽入面,我一入去佢就見唔到我就走入黎架啦...
如果我好似你咁開兒歌vcd 俾佢睇佢係要有人陪住佢睇架,
如果我一行開佢就要跟住我...同埋就四圍搞嘢真係睇小陣
都唔得架
:-(

私人傳訊

積分: 3196

208^#

發表於 07-2-22 10:31 |只看該作者

Re: 有無住在富康花園媽咪呀?

我都有同感呀, 返工見不到個仔都好掛住他的. 我在這個新年假期都同阿仔有不少快樂的時光, 令我不想返工tim呀. :cry:

私人傳訊

積分: 2026

209^#

發表於 07-2-22 23:51 |只看該作者

Re: 有無住在富康花園媽咪呀?

我地都係week-end媽媽喎~

呢個新年d天氣好怪呀可? 年初一熱到著短袖, 年初二又凍番, 呢幾日又好似時凍時熱, 真係好煩呀~ 我個仔似乎中招喇~ 奶奶話我個仔琴晚半夜點幾開始嘔到4點幾, 成屋人醒晒, 是關佢嘔濕左我奶奶張床單, 奶奶要叫醒我姑仔換床單, 轉頭又嘔濕我老爺張床單(老爺讓左個床位比我個仔訓佢要訓地), 玩到4點幾先有得訓. 今朝一早同佢睇醫生, 醫生話佢好多肚風(有肚風同嘔有咩野關係呢!?), 拍落個肚度"卜~卜~"聲, 奶奶話止左嘔之後又好似冇咩野, 但到左頭先9點幾, 又有d燒(38度), 睇黎又吽大牙又作病喇~ (佢吽親牙都好麻煩架!!!)

早幾晚咁熱, 你地BB訓得好唔好? 我覺得太熱太濕佢訓得唔係幾好, 成晚轉黎轉去, 之後忍唔住開左1晚冷氣佢就好好訓.

私人傳訊

積分: 2026

210^#

發表於 07-2-23 00:09 |只看該作者

Re: 有無住在富康花園媽咪呀?

Doris,
睇你個仔張相呢, 佢額前留碎陰喎~ 係咪你同佢剪架? 剪得幾好呀~ 我個仔d頭髮係我幫佢剪, 我覺得我依家都剪得幾好架喇~ 初初幫佢剪剪得好恐怖, 我老公話似狗咬裝(一忽忽), 是關佢係唔會停既~ 所以都敢出街比人剪, 奶奶幫佢剪仲得人驚, 好似湯碗咁, 我唯有頂硬上, 依家我可以幫佢一路行我一路剪架! 除左剪耳仔邊啦~ 一定要令佢停低先剪到.

其實我長期幫我隻狗剪毛, 所以初初剪出狗咬裝一d都唔出奇喎~

私人傳訊

積分: 1211

211^#

發表於 07-2-23 09:41 |只看該作者

Re: 有無住在富康花園媽咪呀?

咦,你囝囝嘅case yuki妹都試過,醫生都話佢好多肚風
,不過佢仲大劑又嘔又屙,一日嘔同屙成十幾次,d衫同床單
都係一日換到刻呀...佢差唔多都成十日先至完全好番晒...
係呢,嗰醫生教我吔煲白粥再加片果皮再加小小salt俾
yuki妹食,你暫時要俾囝囝食清小小呀...等佢嗰腸胃唔好負荷
太重...希望你囝囝快d冇事啦....take care..

Hellomimi112 寫道:
我地都係week-end媽媽喎~

呢個新年d天氣好怪呀可? 年初一熱到著短袖, 年初二又凍番, 呢幾日又好似時凍時熱, 真係好煩呀~ 我個仔似乎中招喇~ 奶奶話我個仔琴晚半夜點幾開始嘔到4點幾, 成屋人醒晒, 是關佢嘔濕左我奶奶張床單, 奶奶要叫醒我姑仔換床單, 轉頭又嘔濕我老爺張床單(老爺讓左個床位比我個仔訓佢要訓地), 玩到4點幾先有得訓. 今朝一早同佢睇醫生, 醫生話佢好多肚風(有肚風同嘔有咩野關係呢!?), 拍落個肚度"卜~卜~"聲, 奶奶話止左嘔之後又好似冇咩野, 但到左頭先9點幾, 又有d燒(38度), 睇黎又吽大牙又作病喇~ (佢吽親牙都好麻煩架!!!)

早幾晚咁熱, 你地BB訓得好唔好? 我覺得太熱太濕佢訓得唔係幾好, 成晚轉黎轉去, 之後忍唔住開左1晚冷氣佢就好好訓.

私人傳訊

積分: 3196

212^#

發表於 07-2-23 14:31 |只看該作者

Re: 有無住在富康花園媽咪呀?

Hellomimi

你真是講得好好笑呀, "狗咬裝 ...........長期幫我隻狗剪毛, 所以初初剪出狗咬裝一d都唔出奇喎"

我個仔d頭髮係我daddy(阿公)幫佢剪的, 我唔敢剪呀, 但初時剪完都好似湯碗咁, 過了一輪才好看d.

最近d天氣又真是幾怪, d bb真的好易中招, 但我無開air-con, before sleep 開抽濕, 覺得清爽d, 舒服d.

希望你仔仔快d好番啦, 否則你返工都心掛掛.

Doris

私人傳訊

積分: 2026

213^#

發表於 07-2-24 16:09 |只看該作者

Re: 有無住在富康花園媽咪呀?

Holly,

我今日冇去playgroup呀~ 個仔真係屙, d Bu~ Bu~ 黃色好似糊仔咁, 佢屙果陣仲發出巨響呀~~ 我企離開佢6呎以上都聽得好清楚

差d爆晒出片, 我驚佢屙起上黎得我自己攪唔掂, 所以都係唔去玩喇~ 可能佢午睡之後同老公一齊帶佢去反斗城行下一陣就算lu~ (叫做去過下街啦!)

係呢, 你個女果陣係咪咁架? 要十幾日先好呀!?

我今晚都係比粥粥佢食喇~
其實佢咁既情況應該只食正餐唔比其他野佢食好d定係少食多餐好d呢? 只食正餐又食得唔多, 少食多餐個胃又好似冇得休息喎~

私人傳訊

積分: 1211

214^#

發表於 07-2-26 10:28 |只看該作者

Re: 有無住在富康花園媽咪呀?

Hellomimi:

你囝囝冇事嗎?嗰日見你吔冇蒲頭已經心知不妙喇

yuki妹嗰時係照跟佢平時嘅schedule黎食囉,
但其實佢吔都會冇胃口架...食得好少囉..
白粥...每餐佢都係食到三湯匙咁上下咋,而奶每餐都係食到
2-3oz到醫生叫開稀少少..佢第三日到開始到精靈番,
冇嘔但屙都真係要成十日先真係無晒事,我總記得佢訓到半
夜我聞到好臭原來隻衰妹屙到我吔d床都係,
嘩,佢就成身都係添,佢連底衫都有,而且仲係body黎,如果
同佢除就連頭仔都會有Bu~ Bu~,最後唯有用較剪剪爛件衫
黎玩添.....其實我諗你最好用d隔尿墊鋪係將床會好d..
而防萬一`嘛....(你唔駛擔心啦,囝囝精靈番就會好快冇事架啦..._ take care...

私人傳訊

積分: 2026

215^#

發表於 07-2-26 21:35 |只看該作者

Re: 有無住在富康花園媽咪呀?

唉~ 連我都中招喇! 琴晚12點幾開始勁嘔, 嘔到兩點幾3點仲未嘔完, 我老公要落街幫我買藥(去7仔買喇叭), 食左d藥都想嘔反出黎架! 我同自己講連d藥都嘔出黎唔掂, 唯有忍住唔嘔, 不過訓唔到覺攞, 成晚轆黎轆去個胃頂住頂住咁. 結果今日冇返工呀, 走去地鐵站睇醫生, 行去果條路約5-6分鐘之麻, 但我行得好辛苦攞, 真係腳仔軟呀~

我個仔應該好番喇~ 不過佢一係肚痾, 一係就兩日冇得痾攞. ?-(

私人傳訊

積分: 1211

216^#

發表於 07-2-27 09:44 |只看該作者

Re: 有無住在富康花園媽咪呀?

Hellomimi:

你囝囝好番就好喇...

唔知點解我吔d細路的病情咁似嘅!
其實上次yuki妹有事嘅第二日,我同佢公公&大舅父都中咗招,
都係又屙又嘔,不過我吔就冇諗係隻衰豬傳染我吔,
可能係食錯嘢,因為湊佢嘅婆婆就冇事囉...
嗰次我都要訓足成日呀,又暈陀陀又成身軟( 賴賴),我都明白你真係又幾咁辛苦,好彩你囝囝好番喇,,咁你起碼唔駛担心他嘛..好好抖吓(好快會冇事架...)

私人傳訊

積分: 2026

217^#

發表於 07-2-27 21:00 |只看該作者

Re: 有無住在富康花園媽咪呀?

Hi~
今日我好d喇~ 起碼返到工先啦~ 雖然冇咩胃口, 擋減肥

不過我生完仔之後身體差左, 身邊一有人病我會好快跟住病.

你地有冇上####.hk個綱呀? 今期有個playgroup係將軍澳體育館(公共泳池隔離), 時間係3月18日(SUN)14:00-15:00 FOR 1-3 YEARS 小朋友, 內容係- BB communication/Physical Fitness/Game/Music/Dance, 好似parants都可以一齊玩架. $50蚊一堂.

如果我果日係得閑我都會報.

私人傳訊

積分: 2026

218^#

發表於 07-2-27 21:02 |只看該作者

Re: 有無住在富康花園媽咪呀?

個綱名係 :　####. h k
點解出唔到個名?

私人傳訊

積分: 3196

219^#

發表於 07-2-27 23:15 |只看該作者

Re: 有無住在富康花園媽咪呀?

私人傳訊