夫婦情感今日: 0|主題: 42774

收藏本版

發帖

返回列表

跳至頁

樓主: manman333

小三們，可上來講下嗎？ [複製鏈接]

7 8 9 1011

foooli

別墅

積分: 916

201^#

發表於 13-9-26 18:36 |只看該作者

回覆 manman333 的帖子

我都分享下...
我都做過第三者/小三... 男人O既心態我都好明白...
我唔係貪人錢,D男人從冇比過錢我. 我第一次做第三者,係工作上認識,一開始都知佢有個十年女友,但唔知點解佢對我特別好,咁我對佢都有D好感,咁一路曖昧一段時間,最後都有上床,上完之後又開始避開我喎,咁我咪自己離開,關係就此完了.

之後,偶然O既機會識到一個男人,撞O岩果排唔開心,咁我地發展得好快,好快上左床.我初頭都諗住佢係都係果D趙完鬆啦,對佢都冇寄望,冇特別上心.點知佢之後都KEEP住搵我,仲要只係食飯睇戲,沒做那回事,又拖我出去同D佢D朋友介紹.我以為終於我有個正常人啦,都愛上左佢. 點知過左兩三個月,我親眼見到佢同佢老婆,(因為佢住我隔離大廈).... 就係咁我就做左小三喇... 呢一刻仲叫做一齊... 真係會唔捨得,因為已經放左個心落去喇.但我從來冇要求D咩,我都覺得有D內疚... 但總係的唔起心肝放手... 佢而家一星期左右會陪下我一次囉... 其實都唔係成日搵成日見架...

我番工接觸好多男人, 好多男人表面都好好先生, 日日番屋企食飯, 但背後就算唔搵小三都有叫雞/打飛機.
我覺得大多數男人對住另一半耐左係悶啦,所以心痕,但我接觸O既真係玩女人玩到屋企都唔番O既真係少數.
佢地出去都係for fun 多, 有時一見到D 女人痴身D 就已經即閃, 男人係好怕麻煩O既. 如果要佢放棄自己個家,再去適應另一個人,諗下都知煩. 所以如果唔係同老婆本身有好大問題,(例如,老婆好煩,管得太緊,冇性生活)一般都唔會走左去.

我見得太多男人O既陰暗面,佢地點玩,點呃老婆我都知...對男人冇晒信心.