，其實我讀小學時係舊屋都有呢d野，不過果時細，唔識驚，以前舊屋同爸爸、媽媽、哥哥同婆婆一齊住，係旺角既舊樓，3房單位, 有次咁岩爸媽返大陸2天，得婆婆照顧我地，我同哥由細到大乜都爭，今次就係猜包剪dup蠃左可以訓爸媽間房，因雙人床咁大又舒服又有電視，果日亞哥猜羸左，當晚佢訓完弟2日我又叫佢猜，睇下今晚又到邊個訓，點知亞哥竟然話唔猜，讓比我訓，心諗咁好，當晚訓到半夜成身晤郁得，感覺好涷，張被蓋到腰，腰對上到膊頭勁涷，但唔郁得，我償試慢慢拉張被上心囗，發現張被一拉上去心囗又比人拉返落腰，我再次拉上心口時又比人扯返落腰，如是者我再拉上心口同唔放手，點知張被又一下比人扯落小腿，今次知道驚，立即大叫救命婆婆救我，當時我大叫但叫晤出聲，爭扎左一陣我心入面念主禱文（因以為小學日日返學都會念），最後就訓返，弟2日爸媽返來我即刻同佢講之前一晚既事，佢地話我發夢，但我好肯定唔係囉，隔左一排，爸媽又返大陸，我問亞哥點解唔再爭訓爸媽間房，佢先同我講上㳄佢猜羸左果晚，訓到半夜成身好痛，好似訓緊釘床咁, 當佢痛醒開眼發現自己唔郁得，平訓緊但個身升左上半空，佢嚇到儍，以後唔再係呢間房訓
其實呢間屋我由細住到大，直至到屋企人買左另一間屋，舊屋就再裝修分成2個單位出租，其中一邊1房1廳單位就係我爸媽間房，之前放租比2公婆，2公婆住左2年左右就話因為有左BB換大間d要搬走，到搬屋果日我爸爸去同佢攪埋d租約既野，個男租客拉我爸一邊講你間屋有野，我爸再同媽講個租客咁講，媽媽竟然話有見過個女人扎左條辨既背住佢坐床邊，佢以為係我嫲嫲，以為自己人唔洗驚，點知佢形容比爸聽，爸已經話呢個根本唔係佢媽(嫲嫲），其實呢間房仲有好多奇怪事
發表於 
追
返回列表
