Re: 今日食乜粥
mandymfl,
紫草蓉涼架，所以我一個月只會比一至兩次個仔飲，每次份量都係5安咁上下，但係解毒好好，當清下腸胃，如果你比囡囡飲可以先試兩安，睇下有冇問題先，煲左你同你老公都可以一齊飲架，買$5蚊分兩次，記得加糖冬瓜。准山杞子蓮子百合瘦肉比盈盈飲冇問題，但係杞子唔好落太多，或者唔落都冇問題，可以落乾海底椰，重滋潤，你買定d乾海底椰同乾百合係屋企，平日煲湯都可以加d落去，兩樣都好潤架。准山我間唔中都有比個仔食，唔好比新鮮，比乾果d好d，新鮮果d好寒涼架，唔適宜咁細食，我冇特登磨粉，通常係煲開湯剪碎加落飯到一齊食，每樣野都比佢食下，適可以止我覺得冇問題，如果樣樣都唔比佢試，第日大左就唔肯食架喇，而且營養都唔均衡，不過你老爺唔比佢食你都冇辨法，聽你口氣你老爺都係一個幾麻煩的人，係咪？會唔會考慮請個工人，自己點安排都得？唔好怪我多事喎！ 
我諗想佢地開胃要整d有味d送先得，例如蒜蓉蒸銀鱈魚，可以買定放係雪櫃，加蒜蓉又有d味又有益，或者芝士蕃茄旦旦'no'飯or'no'意粉，肉碎豆腐薯蓉都得架，盈盈食牛肉味呀？如果食可以用牛肉代替朱肉呀！
angel'syy,
食完西藥冇乜野你可以煲一次涼野囡囡飲，清下d燥熱。流淡汗係身體有問題或虛弱，飲鷓鴣冇問題，滋保麻對身體好架，坐飲多d就岩，岩岩好番煲啦唔好燉，你飲左喉嚨痛，你係煲定燉？只要你囡囡食完西藥冇乜野，就可以比d潤的湯水佢飲。
chingbb,
由一歲開始就比亞仔食燕窩，每朝空肚食一spoon，食三星期停一星期，但預到唔舒服就會停食，直至好番先會繼續。
http://hk.myblog.yahoo.com/pupple108
發表於 
幾大先比 
返回列表
