吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 其他親子社群› 有無做傳媒工作的媽咪

其他親子社群今日: 0|主題: 1218

發帖

跳至頁

樓主: 錢綽芝媽咪

有無做傳媒工作的媽咪 [複製鏈接]

110 111112113 114...179

積分: 1205

2221^#

發表於 06-8-3 23:01 |只看該作者

Re: 有無做傳媒工作的媽咪

十月,

啱啱tum咗2隻嘢瞓，得閒啲嘞!浸幼9月4日開學，網上都有媽咪話佢k2成功插班，其實我諗最緊要睇有冇位，有冇人轉校，講真呢間學校真的不錯，透明度又高，有大學配合資源真係勝人一籌，加上有中小學做後盾，要彈就真係英文唔夠強，學費唔平，同你認唔認同佢個套理念，阿女嗰份評估剩係下學期都成15頁，真係多元全面乜都有，至頂癮連每個學生啲軼事連佢嘅對白都記載埋兼做分析，真係花唔小少心思時間，係嘞，係咪你有朋友想轉校?

私人傳訊

YY（芝芝媽咪）

積分: 8369

2222^#

發表於 06-8-3 23:18 |只看該作者

Re: 有無做傳媒工作的媽咪

dear all:
如果有舊書不要，可以捐出俾以下機構用作慈善義賣，所有收益撥捐仁濟醫院緊急援助基金。

愛心．動力在荃灣舊書義賣為仁濟
主辦：愛心．動力 L.P.G Volunteer、荃灣青年會
收集日期：即日起至8月14日
地點：各協辦團體會址或管理處（好多架....詳情可致電查詢）
書籍：教科書、參考書、消閑書及圖書（不包括練習及雜誌）

義賣活動
日期：8月19日
時間：中午12時至下午7時
地點：荃灣綠楊坊（荃灣地鐵站旁）
售價：每本書籍一律售五元，善款撥捐仁濟醫院緊急援助基金

查詢：2419 9387 劉小姐

私人傳訊

YY（芝芝媽咪）

積分: 8369

2223^#

發表於 06-8-3 23:19 |只看該作者

Re: 有無做傳媒工作的媽咪

十月：
你心郁郁想幫婷婷轉校？

私人傳訊

積分: 9256

2224^#

發表於 06-8-4 07:59 |只看該作者

Re: 有無做傳媒工作的媽咪

sunmoon & yy,

唔係呀, 係我唔知點解, 越唻越對蘇幼無乜信心呀, 阿女越唻越大, 我就越唻越覺得, 佢係應該響一d 活動教學, 能夠啟發佢思維既學校讀書...而睇番蘇幼, 除左普通話強之外, 課外活動欠奉, 有d家長仲話, 如果小朋友響課堂上多多野問, 老師會唔like架, 咁就c啦, 我個女好多野問架, 聯想力又豐富, 好多時見到一樣野, 佢會聯想起好多樣野, 仲要講番晒出唻, 等人應左佢, 佢先心息架! 如果去到蘇幼, 遇著個變態既老師, 唔畀佢發問, 唔畀佢諗咁多野, 要佢乖乖坐響度齋聽...唉...我諗下都想c呀!

早排同個中國老師食飯, 佢講開, 原來佢兩個女都係讀啟小幼, 再升啟小, 佢話兩個小朋友都係好多問題會問, 想像力豐富, 同埋真係唔怕舉手問問題架! 但睇番蘇幼, 唉...好傳統呀, 點算呢? 我直覺上, 會扼殺左阿女現有既天"褲"本錢呀!

至於點解我考慮番浸幼唔考慮啟小幼呢...你地知啦, 啟小幼我連留位費都交埋, 但最後臨門一腳, 就踢左個波入蘇幼個龍門, 咁若然k1呢年阿女讀果陣有咩依郁, 我想番轉頭入啟小幼, 好瘀皮架嘛, 所以咪問定, 睇下浸幼有冇機會插班囉!

不過都可能係我杞人憂天既啫...或者阿女適應力強, 又遇到個好老師呢...但如果佢真係遇著個衰老師, 兼且同班有太多生番的話 (我地果日去交第一個月學費果陣, 真係見到好多生番, 好恐怖, d父母...唉...同啟小幼or浸幼果d比, 相差好遠呀, 救命, 有個老豆, 聽到話要自己出去買書, 竟然大大聲講句粗口, 真係

, 佢地d仔女...唉...唔敢諗, 唔敢諗), 我真係唔會理咁多, 一定會盡我所能, 同佢轉校架!

講唻講去...你地會唔會覺得我有"阿女入學前恐懼症兼憂慮症"呀?

私人傳訊

YY（芝芝媽咪）

積分: 8369

2225^#

發表於 06-8-4 09:53 |只看該作者

Re: 有無做傳媒工作的媽咪

十月：
我明白你的感受，因為芝芝都是好發問的小朋友，但我覺得現時的KG未能完全配合，雖然已經不似以前般傳統，但發揮想像力、創造力等還是較弱。好多時都要小朋友依循老師所做，包括唱歌和講故事的動作、畫畫........

故此我才不考慮升讀其聯繫小學。

插班>>>我諗真係好視乎學校有無空缺。

私人傳訊

積分: 9256

2226^#

發表於 06-8-6 08:50 |只看該作者

Re: 有無做傳媒工作的媽咪

yy,
咁你覺得, 呢三年入面, 芝芝既天賦既本錢, 有冇因為學校既限制, 而令到佢既本錢減少左or抹殺左呢?

同埋如果係咁, 應該培僑會比沙官更適合芝芝呀!

至於插班, 我都係問定先既啫, 而家就求神拜佛個女可以安然渡過, 可以遇到一個好似佢讀N1果陣咁好, 咁有耐性, 咁有愛心既老師啦, 仲有就係佢班同學...希望班入面唔好太多生番, 咪我真係驚自己好似孟母三遷咁, 轉校又轉校呀!

私人傳訊

YY（芝芝媽咪）

積分: 8369

2227^#

發表於 06-8-7 12:02 |只看該作者

Re: 有無做傳媒工作的媽咪

十月：
我覺得芝芝的脾氣愈來愈臭，少少嘢就發老皮，以前不是這樣的。

其實我都覺培僑適合芝芝多d，而且我和學校的理念比較接近，所以真係好希望獲得取錄。

私人傳訊

積分: 9256

2228^#

發表於 06-8-9 08:17 |只看該作者

Re: 有無做傳媒工作的媽咪

YY,
會唔會係因為聖心要芝芝坐定定聽書, 咁佢既"脾氣"響學校發洩唔到出唻, 所以返到屋企, 就對住你發晒出唻呀?

同我做FACIAL個老闆娘, 佢個大仔讀馬鞍山主風小學, 細女就響培僑小學, 佢話兩兄妹, 真係好大分別! 主風就係果種連小息都唔畀小朋友跑下跳下既學校, 最搞笑係, 佢個仔話, 小息果陣, 人有三急, 想跑去廁所, 若然畀風紀見到, 都會畀佢地記名架, 真係人都癲! 好多規矩要守既呢! 我諗沙官都會係咁!

而培僑呢...哈...大大不同, 一放小息, 就任小朋友又跑又跳又玩, 小朋友既能量, 可以響小息時間盡情咁釋放, 只要你唔過份, 係無人會記你名, 話你犯乜乜校規的!

所以佢兩兄妹返到屋企果陣, 佢地媽咪分析既結果係...哥哥因為響學校要守好多規矩, 老師上堂果陣, 呢樣又唔准, 果樣又唔准, 連小息行快步都被記名, 好多情緒上既問題, 響學校發洩唔到, 於是返到屋企, 好多時, 小小野就向妹妹呀, 父母呀唻發洩, 果真是臭脾氣果種!

相反, 妹妹響培僑, MAYBE比較FREE, 有咩都響學校發洩晒出唻, 咁返到屋企之後, 就無哥哥咁容易發脾氣, 同埋亦都比較講道理!

當然, 我諗兩兄妹性格有分別就固之然係因素之一, 但學校個教學模式, 我諗影響都係存在的!

所以, 真係希望芝芝考到培僑, 咁就一天光晒咯! (雖然要交學費, 哈)

我有時都會諗, 若然響蘇幼讀完, 阿女既脾氣真係臭左, 我都會考慮培僑呢D, 不過就要搬番沙田咯!

私人傳訊

積分: 383

2229^#

發表於 06-8-9 17:23 |只看該作者

Re: 有無做傳媒工作的媽咪

各位
我靈魂終於返來了！星期六日當日要賣書人山人海就黎想死，老細要我們賣二千蚊書，我竟賣了七千多，結果得八十蚊收番，企到腳都軟，星期日原本認承幫朋友手去做義工，但都頂唔順，所以最後都推了，好辛苦呀！星期一仲要著得靚靚做評判，仲要臨時拉闊上台講野，好彩我地做呢行有番急才，唔係俾佢地跣一穫！

私人傳訊

YY（芝芝媽咪）

積分: 8369

2230^#

發表於 06-8-9 23:19 |只看該作者

Re: 有無做傳媒工作的媽咪

魔鬼：
嘩！勁呀！

急才>>>我要向你好好學習啦！

十月：
我估都有關。
雖然培僑要俾學費，但相對其他直資�私校而言已很大眾化。今日我才跟我頂頭個主任講起揀小學的時，他說此校會愈來愈多人爭入學，學校除了睇家境，還很重視小朋友的實力。 :-(

今個月好多野做，九月中又要返大陸啦∼希望趕得切做好份profile。

私人傳訊

積分: 9256

2231^#

發表於 06-8-10 09:00 |只看該作者

Re: 有無做傳媒工作的媽咪

魔鬼,
嘩, 你好勁呀, 當初你仲擔心做唔到二千蚊, 而家做到七千, 老細無聲出啦!

yy,
係呀, 正因為佢既價錢大眾化, 口啤又越唻越好, 所以真係越唻越多人爭呀, 但以芝芝既實力, 應該無問題既, 畀d信心佢啦!

話時話, 你有冇做profile既sample呀? 等我可以用多少少時間準備下, 諗下點做阿女個profile嘛!

私人傳訊

YY（芝芝媽咪）

積分: 8369

2232^#

發表於 06-8-10 14:07 |只看該作者

Re: 有無做傳媒工作的媽咪

十月：
我都只係睇過朋友做的profile，跟住參考天書的做法。我定了目標，今個月內要完成份profile，目前已列好每頁的內容，打好芝芝和我兩公婆的個人資料，正在寫自薦信。

私人傳訊

積分: 9256

2233^#

發表於 06-8-10 14:32 |只看該作者

Re: 有無做傳媒工作的媽咪

YY,
咁唐突問下...你做好之後, 可唔可以MAKE個PHOTO COPY唻LOOK LOOK呀?

私人傳訊

YY（芝芝媽咪）

積分: 8369

2234^#

發表於 06-8-10 15:46 |只看該作者

Re: 有無做傳媒工作的媽咪

十月：
我整好之後再告訴你。

不過「沙田媽咪會」有媽咪說，現在很多學校並非只睇profile有幾多內容，而是重視家長寫的自薦信，校方希望了解家長為何選擇該校，以及家長與學校的教學理念是否相符合。平日我打稿�信，很快就可以寫好，但今次這封自薦信，我竟然要自己列出大綱，好心機過打求職信。

私人傳訊

積分: 1205

2235^#

發表於 06-8-10 21:06 |只看該作者

Re: 有無做傳媒工作的媽咪

魔鬼,

恭喜你做到超哂額!不過希望你老闆第時不好以呢個額做最低標準!

yy,

我都想要，請問你做好之後可否都俾我參考吓你呢個嘔心瀝血嘅大作，我完全明白你嘅苦心，現代阿媽真難做!其實培僑我都好有興趣，我以前小學時都曾經讀過愛國學校，而呢間口碑真係唔錯，學費又平，希望你得償所願，其實我對芝芝好有信心，至於脾氣方面，是不是好身邊真係太多大人好自然就遷就佢呢?佢同小朋友嘅交往會否好啲呢

十月,

你真係為阿女諗得好周到，思前想後，咁早仲就睇定點做profolio，但都唔駛太擔心，難得入到間好學校，真係唔得先算，其實我都有你呢種心理掙扎，第時讀傳統小學可能唔駛錢，最慘仲有細b，2隻嘢就算入到浸小起學費連交通費碼8千，而且holly唔讀津校，津津就冇得跟家姐有分(如holly派到好學校的說話)，而今個summer我安排holly讀嘅summer course，第一日佢已經番嚟問我點解要有個位坐定定，第5天miss話阿女好活潑，失控呀!阿女又投訴想唔讀呢班話老師好惡，雖然而家已經冇事，阿女都肯返學，但佢唔係咁開心，又話掛住浸幼，而喺嗰度啲畫愈來愈單調，顏色又少，有時借啲意又唔返，一係送佢時就唔願你走，所以我真係好驚幫佢選校時決定錯誤，所以你嘅心情我都身同感受，不過佢始終係幼稚園，轉校點都易啲嘅，睇定啲先啦

私人傳訊

積分: 9256

2236^#

發表於 06-8-11 07:37 |只看該作者

Re: 有無做傳媒工作的媽咪

yy,
唔該晒你&多謝你呀!

其實芝芝每事問呢種性格, 真係好適合讀培僑, 我真係衷心希望芝芝考到架!

講真, 幫個女寫自薦信真係好難架, 同埋好似好大壓力咁架, 呢d野, 我真係寫唔掂, 要靠我佬呀, 事關我佬d文筆點都好過我丫嘛!

私人傳訊

積分: 9256

2237^#

發表於 06-8-11 07:47 |只看該作者

Re: 有無做傳媒工作的媽咪

sunmoon,
無辦法啦, 鬼叫我得果一粒女咁大把咩! 蘇浙係咪好學校, 都仲要睇下阿女入讀之後, 係咪可以配合得到學校同老師既要求呀, 配合唔到既話, 再好都無用啦!

我當初final都無揀到or無報到啟小幼or浸幼, 就係驚阿女會好似holly咁, 唔適應果種坐定定既教學模式! 畢竟而家d幼稚園都算係幾free架喇, 只係free既程度唔同, 但上到小學, d人成日都話小一至小三都可以free下, 但到左小四, 因為要準備呈分試之類 (查實而家仲有冇?), 又開始要小朋友坐定定聽書呀, 催谷呀...到時真係...無眼睇呀!
所以我佬成日都話, 唔駛擔心咁多啦, 由細畀佢習慣響坐定定聽書呢種環境下生存, 點都唔會係一件壞事唻喎! 先苦後甜呀! ...希望真係咁啦!
噚晚同隻佬講, 將來阿女考直資小一, 可以考慮培僑, 佢問我響邊...我話響沙田, 佢竟然問我...有冇分校架? 我話...好似北角都有一間, 佢話: 咁就報北角果間! 我話: 你咪傻啦, 要報當然報沙田果間啦, 話晒新校舍, 乜野設施都好d, 北角果間好鬼舊架喇!
我諗我佬好驚阿女真係考到沙田培僑果陣, 我又要求佢搬番沙田呀, 哈哈!

私人傳訊

YY（芝芝媽咪）

積分: 8369

2238^#

發表於 06-8-11 10:12 |只看該作者

Re: 有無做傳媒工作的媽咪

sunmoon & 十月：
芝芝今日上最後一堂暑期班，前幾日她說：「我覺得星期一是最難過，星期二好d，星期三又好d，總之星期五就最輕鬆！」

今朝又話：「吓？暑假剩得兩星期乍！」我和老公就話，返學唔好咩？返學好開心喎，升上K3有新老師，又認識新同學，老友又跟她升讀同一班，大家又可以見面.......

私人傳訊

積分: 9256

2239^#

發表於 06-8-11 14:34 |只看該作者

Re: 有無做傳媒工作的媽咪

YY,
乜好似咁難為佢呀?????

私人傳訊

積分: 383

2240^#

發表於 06-8-14 17:37 |只看該作者

Re: 有無做傳媒工作的媽咪

乜咁靜谷既？

私人傳訊

110 111112113 114...179

跳至頁

上一主題 • 下一主題

聯絡管理員廣告查詢使用條款免責聲明使用意見

Copyright © 2026 Baby-Kingdom.com Limited. | Privacy Policy