我老公最近開咗《特戰行動》，就係高偉光同胡冰卿果套，我on and off睇咗D，原來都幾OK喎，唔係白白痴痴情情塔塔果種，真係有戰略部署根據，只係有時講到重要行動時，參與人數少咗D，有時又有D煽情，宣傳性重，不過呢類片就係會標榜愛國思想，正常。
《鏡雙城》我睇緊，男女主真係一D都唔好睇，兩個都唔入戲，以李易峰最差，成日目光呆滯唔聚焦咁，陳鈺琪就碌大對眼，可惜又唔覺得有感情，怪不得網民話佢兩個冇CP感，加上大家唔會炒CP，呢套劇真係凍過水，最近李嘅粉絲仲將矛頭指向資深配音員姜廣濤，話因為佢嘅配音唔夾李易峰搞到套劇口碑咁差，試圖甩煱俾姜Sir，不過路人紛紛吐糟李咁耐以來都係配音多，只有隱秘而舞大係原音，而姜廣濤由出道到而家，涉足唔只電視劇，仲有電影、手遊、動畫、紀錄片、譯制劇、廣播劇、綜藝，甚至歌曲，如果唔係有料到，何來咁多工作？佢幫過好多男星配音，如吳奇隆、謝霆鋒、霍建華、張翰、馮紹峰、馬天宇、劉愷威、包貝爾、陳曉、李治廷、靳東、嚴屹寬、黄軒、劉學義、黃海冰等，就算連一向自己配音嘅胡歌都有由姜Sir配音嘅角色，李易峰自己以前都有套劇由姜廣濤配音，而家佢D粉絲真係有眼不識泰山。講番鏡雙城，我之所以睇係因為鄭業成，佢一人分飾三個角色，據聞演得好過男女主好多，暫時見到第一個角色，係流落民間嘅鏡城太子，演得幾唔錯，角色生鬼，絕對好睇過男女主。
花旗太太生活在花旗國，留意時差，你問我未必即時答到。
發表於 
，佢個樣真係唔啱呢種人設
，季美含有D同趙露絲撞型。
返回列表
