詳細版：
近況，大市繼續炒股唔炒市，新經濟股強勢，銀行資源等舊經濟股繼續受壓
坊間多左人睇好，亦有財演話底已見，大致上都係話疫情過後就會升，即係熊市已完
咁牛熊係咪咁重要？短炒唔係，但長線以年計就一定係，之前講211xx無論長中短線都係一個值博位，而現水平24000樓上都絕對係高追水平，何為高追？基本面冇變過, 股市仍然未反映實體經濟, 股市的確係行先經濟，但時晨未到
美國再放大絕，第三版QE,直接灑錢入你袋，利率維持不變，因要留番水位再減（萬一今次qe救唔到市），美國最新有300幾萬人還唔到今期mortgage，多項數據都差過07-09年
萬一今次QE救唔到市，後果我都想像唔到，成個金融市場大洗牌，發生機會暫時睇唔算大，但如果發生，威力會好大，所以放係心入面先，到時發生都唔洗驚
次次qe都work,美國牛市行左耐，原因美元佔左全球55%，歐元佔25%，人仔只係佔5%，所以大陸冇可能鬥得贏美國
即係就算大陸推出十萬億QE都冇用，因為該貨幣認受性低，所以你應該明白到點解過往美國qe次次都work, 其他國家渣住美元債/美國國債只能硬食，美國係q比本土，其他人唔會受惠，只會受難，富者（美國）愈富，貧者（非美國家）愈貧，其他國家會破產，但美國唔會
但事實上美國只佔全球gdp 2成，相比美元地位55%，其實係唔平衡，所以如果今次qe救唔到市，美國政府都幾頭痕
最後一切部署都係跟番簡易版，美國就算捱到呢關，始終有一日都會爆獲勁，每十年一次金融危機，但每50-80年就有一次金融大洗牌，有機會再談
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..
發表於 
返回列表
