想生BB 今日: 0|主題: 109600

我工人姐姐都唔會在我同婆婆面前用手機的,但我知佢一定有用,例如係去廁所偷用,工人唔用手機sms係會死的,等如我們返工無得上網一樣咁慘。所以佢唔比我見到就算數。

其實一媽就請到個好工人,真係好羨慕,我有時諗唔換可能唔會撞到好嘢,有好嘢就算比多些錢我都會留住。其實妳兩個返學之後就會好好多,姐姐份工就唔會算辛苦了,至差係有兩個仲未返學嗰種,真係想搵人做都難,我個女仲好細,所以都係只可以請overseas新姐,本地唔會有姐姐接我份’辛苦’工

妳工人無手機點同屋企人聯絡?妳比佢用屋企電話打長途?呢個年代無理由仲寫信聯絡啩。

我屋企有IP CAM,但工人做耐咗就知點避鏡頭,婆婆日日都在我屋企坐陣,但送Eugene返學同興趣班都會出咗去,呢段係工人偷懶同SMS黃金時段。

上次衰賓打Eugene個頭可能係一時忍唔到想控制場面,因為Eugene有時百厭到out of control,但我就唔容許佢出手打,有一次就有下一次。

昨天終於簽了個新工人,但等批visa手續都兩個月,agent話如果趕唔到十二月頭到就要明年一月先到,因為十二月中打後Christmas難有機票,而且果面好多政府部門近Christmas都唔做嘢,我話一月都唔係問題,反正我都係等到新工人到先即炒依家屋企件賓。

我吹水咁問個agent,佢接收返我件衰賓會唔會即刻同佢搵新僱主,因為我終止佢合約後佢只有14日時間留港, agent話睇佢造化,如果14日內真係有人要就佢行運,但佢間agent就唔會安排佢過澳門等新僱主之類,佢無人要就要走。我話唔明點解仲係有人要斷約工人,明知係人棄我取筍極有限, agent話無法,依家出面工人決貨,有些人要返工,真係十萬火急唔可以下下等兩三個月新工人到,所以斷約都要。Agent 話其實斷約好少真係僱主有問題,但係班斷約姐姐要搵新僱主,就永遠有一百個前僱主唔啱的理由。

二媽,

多謝先!但我最後無報玫瑰崗Nursery,因為唔會收細B的,現在出生率一年比一年高,好多學校直情表明唔IN細B,妹妹已經先後比ST. ANNA同衛理堂拒諸門外,回覆我無得面試, 衛理堂仲連回郵信封都寄返比我,算有良心無吞咗我的郵票。

其實學幾樣興趣班點算叫谷吖,而且現在未升小學有多空閒時間就真係要玩多少少,到上了小學多功課仲點有時間學幾樣嘢。現在只要唔係要小朋友由朝到晚都學嘢,星期六日興趣班一堂接一堂,我覺得唔怪獸家長噃。

大家有無諗住同小朋友報讀Phonics?其實Eugene學校有開興趣班教,但撞了畫班時間上唔到,我想在出面上,但唔知係唔係好悶咁教,無趣味我怕Eugene無心機學

好多人話上到小學英文讀默一定要懂phonics先得,所以我都好想打好過底先

哈哈!我依家都係K2程度咋,我陪個仔一同重新讀書, 我諗依家小學功課都唔EASY架。