mosquitomon1031 發表於 13-6-9 00:59 
我都有朋友係咁！都想知！！！
另外，試下每日塗初搾椰子油吖！
我同我仔搽Aquaphor，真係油到喊，但鎖水份一流，我老公唔肯幫個仔搽，
因為搽完隻手好油，無計要我幫個仔搽，我用番梘都洗唔清，
唯有由得隻手過一陣吸收晒，可能係咁而家對手都真係滑咗。
初榨椰子油？等我都去搵下先。我仔學校有個老師介紹我買隻全天然手工梘，
我睇過係冇任何化學成份，只得網上賣，老師個孫女用咗好番好多，
我而家等緊寄到我屋企，希望有用啦。
真係樣樣都要小心，我屋企由仔女D衫到被，食物到洗衣液，
每一樣都唔可以隨便轉，有次老公買另一隻平D洗衣液，
個仔唔夠幾日成身出紅疹，我鬧到佢失暈。有年冬天好凍，
諗住買張羽絨被俾個仔，點知原來鵝毛引起敏感，
張被好貴都唔可以俾個仔用~
唉。。。。仲有好多好多。。。。有濕疹真係好慘。
花旗太太生活在花旗國，留意時差，你問我未必即時答到。
發表於 
臨瞓都望佢2眼先
返回列表
