婆媳關係今日: 0|主題: 27775

收藏本版

發帖

返回列表

跳至頁

樓主: venusbbb

99勁老屈,呢啖氣點都哽唔落!!! (後記3新人物WebP121 AppP242 #2412)

[複製鏈接]

115 116117118 119...134

599

vickum

複式洋房

積分: 234

2321^#

發表於 14-8-13 14:07 |只看該作者

加油

私人傳訊

venusbbb

大宅

積分: 2314

熱血勳章

2322^#

發表於 14-8-13 15:06 |只看該作者

回覆：venusbbb 的帖子

後記 2 --- 中秋月餅

話說，每年這個時候，我都會訂購月餅，送俾阿爹阿娘，伯父伯娘等長輩，歡渡中秋。除了必購他們至愛奇x傳統月餅，還會另購其他特色月餅和他們分享：前年送的是現在已癲價但仍一盒難求的半島酒店嘉麟樓奶黃月餅，去年送的則是Ritz-Carlton錦盒裝紅豆栗子月餅，來到今年，我挑選了美x全新推出的奶黃流心月餅。我親身試過，覺得好好味，堅流心，推介！

今年，係第三年送月餅俾99。

前年新相識第一次送月餅俾99，佢知道半島係好野，問我可唔可以送多盒俾佢，當時仍然無知的我，諗住佢開到口，二話不說就多送了一盒俾佢。原來，佢要多盒係攞黎送俾c6大哥既阿襯家，借花敬佛！算~ 送得俾佢就唔好理佢俾邊個。。。雖然條氣已經唔多順！

但最頂癮既，係99三日後，問我仲有無多兩盒俾佢，佢咁問得都知佢唔會俾番錢我，我其實有餅咭在手，但都扮八卦多口講句：呢款月餅好出名，供應量有限，出面好難買到架，你諗住送俾邊個呢？

99：無，我諗住送俾xx小學校啲老師之嘛。。。

我無聽錯嗎？？？你個大孫女都中二啦，畢咗業兩年，母校都未返過去，送俾老師食？咩料？？？我送俾阿娘俾佢派街坊威威都唔益你啦，痴根！

我最後當然話無貨無俾到99，但超好奇，好彩c6心水清為我解話：大哥個大女快升小學了，99想拉攏老師囉！送盒月餅就想拉關係？99天真得可憐！況且大哥根本唔會搬過黎，唔會㨂嗰間小學，做咩係要一廂情願做一些無謂的事呢？重點係攞我著數！

去年仲同99住，我送的錦盒月餅，由於太華麗精緻，99唔捨得割愛，所以沒有轉贈襯家，但佢就攞我買的其他奇x月餅送俾看更鄰居囉，我頂！

今年雖然和99已經決裂，我仍然多買了一盒流心奶黃，叫c6用自己的名義送俾99，話佢知新口味幾好味叫佢試下。c6照做。

以下內容由c6轉述：
c6返到99屋企送上月餅一盒，
99即時話：唔好駛錢，嘩好似好貴。。。唔好駛錢，唔駛買。。。
不過月餅照收。

第二日，c6問99試咗月餅未，好唔好食？
99回應：(語氣有啲不屑) 我睇咗啦！盒月餅$98之嘛，早知叫你買多盒俾我啦！

Well，一盒得四個迷你月餅，一啖可K.O.一個，平均$24.5@，不過平定貴，其實毋須評論，反正份心意係應節同分享美食，請問$98又如何？唔買俾你食都仲得！

99的回應引來身旁的娌娌即時大大聲玩踢爆：佢唔鍾意個新印印工人，佢想要多盒俾呀太婆個b6姐姐，想叫人過黎做工人呀！咪諗住請人食月餅囉！拮起條尾就知佢想點啦。。。

呀99，你都好鍾意呀b6姐姐囉！想介紹俾c6做老婆不特止，請工人又要預埋佢，其實你知唔知b6姐姐打死都唔會過黎做工人呢？佢照顧太婆一個老人家好地地，點解要過黎一對七仲要迫住同你住一間房？為咗你一盒月餅？前世未辛苦過？

c6聽到娌娌的說話，不禁着火，掉下一句：你自己要送俾人咁點解要我要買多盒俾你？吓？？？

講完。99語塞，唔敢反駁。99依然係死性不改，哈，佢都唔係淨係揾我笨丫，對c6都一樣。。。

既然係咁，你唔欣賞我地的心意同食物，我地亦都唔會強人所難，我地以後都唔會再買野俾你食架啦，咁99，你係咪會開心啲呢？ Anyway 我好開心囉！

明月經已高高掛，預祝大家中秋節快樂！