whywhite22 發表於 22-3-16 19:53 
本帖最後由 whywhite22 於 22-3-17 17:38 編輯
聽你咁講，書好似仲好睇，電視劇嚴重注水，睇到崩潰，當 ...
小說算短篇，冇咁多癈話，佟年真係軟萌妹子設定，而韓商言冇劇入面咁端著，反而係因為旁邊嘅人同事反映出佢之前有幾咁風光，電競大神人設更突出，劇入面嘅韓太憤世嫉俗，又有D扮老，李現同楊紫差1歲，劇入面佟韓差10年，變成楊紫要扮傻白甜，李現要裝老成，不過套劇反應好好，尤其是李現，成功上位，成為一眾少女現男友，可惜呢幾年作品成績麻麻，佢想轉型但未成功。
另一個JM講起金晨，就撐開少少講，金晨身型瘦跳傣族舞有優勢，傣族舞好注重身段動作，腰膊四肢全部都有要求，金晨都幾出名跳傣族舞，舞蹈生另一個導師係佟麗雅，佢又係跳舞出身，楊洋都係，跳舞對儀態鍛鍊非常好，你會見到好多跳舞嘅都企得筆直，腰背堅挺，呢D對演戲都非常有用，特別係古裝劇。
講番喬欣，佢生得瘦，佢只有172，但因為瘦顯得更高，要配男角唔容易，嫣語賦入面，喬欣演嘅係官家小姐，但佢儀態仲差過演丫鬟果幾個，D衫鬆袴袴，衣不稱身，以為佢係丫鬟偷咗小姐套衫著，加上好多儀態上嘅問題，例如伸頸、行路左搖右擺等都扣好多分。同劇男主徐正溪又係，儀態上好多問題，行路唔端正，企嘅時候寒背伸頸，雖然佢夠高大，但因為唔注意呢D儀態上細節，搞到打折扣。如果講同劇女演員，演喬欣嫡母嘅鄧英，絕對係一個大家溫婉閨秀嘅好示範。
花旗太太生活在花旗國，留意時差，你問我未必即時答到。
發表於 
返回列表
