大仔大女媽媽會 今日: 0 | 主題: 177860

積分: 683

2361^#

發表於 10-2-2 14:18

原帖由 amelieclover 於 10-2-1 11:32 發表
恭喜你呀! 你好叻呀, 可以順產, 依家會陰傷口仲痛唔痛呢?
我都係飲左一次魚湯就谷奶, 然後超痛,痛到訓唔到, 俾阿b啜, 佢好肯啜, 但就勁大力, 每次食完都會痛痛地。仲有, 我個乳暈都幾大, 所以無乜辦法令佢個口含住大 ...

會陰傷口仲有少少痛啦～
我而家只可以用泵泵出黎, 每次得20-30ml咋～

我鍾意DIY 護膚品同手工皂,
得閒黎我blog度探我啦～
http://hk.myblog.yahoo.com/love-lamblamb

私人傳訊

積分: 2028

2362^#

發表於 10-2-2 14:20

BB無調頭仔，所以醫院俾左個期38w要開刀，之前睇左好多開刀既資料，所以都有心理準備，不過始終都驚架，最驚係麻醉藥第一次注入，個頭好重又暈暈地，不過個麻醉醫生好好人，每做一個步驟都同我講一陣會點，我又有問番佢e家有其他既感覺係咪正常，種豆前佢話同我打少少麻醉藥係手，至到打尾龍骨個針都唔係好痛，比平時打針仲少痛添，不過呢就曲埋腰等佢打尾龍骨果針呢就比較辛苦，要好似蝦米咁曲埋，不過我都好配合，當佢打落黎時我再將下巴同條頸貼到好實，打一次就ok，醫生仲話我叻添hehe

dada, 多謝你鼓勵呀，見到小b個pat pat自己都出眼淚呀，尋晚揸左第1次尿布診d膏就好番好多啦，起碼紅既地方已經無再紅腫，今日損左既地方都埋口啦

原帖由 dada~ 於 10-2-1 18:20 發表
小b 個磅數都ok 喎....你原本係plan 開刀嗎?
一切如你想像中進行嗎?

雖然整到阿b, 不過唔好怪自己,
初為人父母就係咁....
咩都要學下先上手, 你地要加油丫...

...

私人傳訊

summan

積分: 2007

2363^#

發表於 10-2-2 14:24

加油呀!!!

原帖由 csw1986 於 10-2-2 14:20 發表
BB無調頭仔，所以醫院俾左個期38w要開刀，之前睇左好多開刀既資料，所以都有心理準備，不過始終都驚架，最驚係麻醉藥第一次注入，個頭好重又暈暈地，不過個麻醉醫生好好人，每做一個步驟都同我講一陣會點，我又有問番佢e家有其他既感覺 ...

私人傳訊

積分: 2028

2364^#

發表於 10-2-2 14:35

多謝你地呀！

carcarb, 之前睇資料話落床果下最痛，不過我又唔覺得好痛喎，止不過係無食野咁多個鐘腳都軟同血壓低，好無力又暈暈地咁，所以要小心d，第一次落床就龜步咁啦，跟住行行下識應左又唔駛龜步變左慢步，少少痛啦，真係好少，所以我都唔駛食止痛藥，不過始終有個傷口，自己都會就住黎行，做完手術我再問麻醉科醫生d藥會幾時散，佢話個零兩個鐘，我已經有心理準備要幾時食藥，但一路都唔駛喎，最痛真係子宮收縮，係張床到想落床都扯得好厲害，亦都好痛，所以要食止痛藥，食左一次又ok喎，藥力唔記得左有6or8個鐘，跟住又無再食喎，係到bb有一朝食人奶時又開始痛，所以前後都係食左2-3次止痛藥至出院，番左屋企都無再食啦

原帖由 carcarb 於 -2-1 19:05 發表

恭喜晒呀! 阿b有7.2 lbs,好好呀!

無食止痛,你好勁呀! o甘下床果下痛唔痛呀?行既時候又痛唔痛呢?同埋番o左黎傷口仲有冇痛呀?

你唔好太自責,新手爸媽好快就上手,加油! ...

私人傳訊

moonstar830

積分: 2387

2365^#

發表於 10-2-2 14:40

我想問下大家,如果係政府醫院順產既,你地會唔會食醫院既餸菜?定係會叫屋企人自己帶去呀?會帶D咩?

私人傳訊

bbfunny

積分: 1171

2366^#

發表於 10-2-2 14:47

原帖由 天山雪蓮 於 10-2-2 09:11 發表
痛左唔係好耐,比想像中好.雖然都係痛,不過大痛到生都係兩個幾鐘.
醫生話阿B早左出黎,抖氣又唔係好順,所以要係箱打antibiotics,等報告出左睇下有無菌. 宜家佢已經順番條氣,開始飲奶,不過好少好少咁5ml,8ml 咁慢慢加.
...

d痛係咪好似搞肚痛咁架?咁去到幾多度會有想all既感覺?
雖然我book左開刀,但我都心思思諗住呀b早作動就試順產

私人傳訊

積分: 2028

2367^#

發表於 10-2-2 14:48

yennie,

我生左bb係醫院第一日已經俾佢食，之後都食左2日，但係唔知佢食到幾多，到出院前一日姑娘講bb輕左7.x%，收水上限係6%，所以要補奶粉，番左屋企兩日好忙，同埋唔想bb再輕落去，都無再餵，跟住尋晚發覺d奶係咁漏出黎，又俾番佢食，但係食左40分鐘後佢訓左一陣，之後又要食啦，我就補多一安奶粉俾佢，點解會咁既呢？係咪我唔夠奶？但係又已經上晒奶啦，今早再試左一次，食左30分鐘，bb e家已經訓左兩個幾鐘‥

原帖由 yennie 於 10-2-1 21:55 發表

兩胎啫，不至於幾胎...
我以前住嗰到，生親個個都係餵人奶㗎
跟本就無聽過有人唔夠奶要補奶粉
我第一次聽都係大女幾個月大時第一次上bk見到先知咩叫補奶粉！
我９９生咗５個，個個都係餵人奶餵到大
就算佢地２歲幾，佢都會渣出嚟（嗰時 ...

私人傳訊

積分: 2028

2368^#

發表於 10-2-2 14:54

pingyincheng,

多謝你呀！你唔駛擔心，過程會好順利架，輕鬆d迎接小b既來臨，果個感覺好奇妙架！

我係手術室聽到bb喊聲，我就忍唔住流眼淚啦

原帖由 pingyincheng 於 10-2-1 23:35 發表
無上黎幾日, 又有媽咪平安生左BB, 恭喜哂呀, 天山雪蓮同CSW1986

我聽晚就要入院等星期三朝早開刀生, 依幾日都好緊張, 宫縮又密左, 成日擔心BB會早左出世, 所以都訓得唔好, 一晚起身起碼6次, 希望無經無險過 ...

私人傳訊

積分: 596

2369^#

發表於 10-2-2 14:55

哈哈! 佢對眼真係幾大 (相對起塊面既SIZE)
放心啦, 你既BB都一定會咁CUTIE, 咁得人鐘意架

原帖由 carcarb 於 10-2-2 09:56 發表

你個b係大眼仔,眼仔碌碌好cuite呀!

私人傳訊

積分: 596

2370^#

發表於 10-2-2 14:58

我都係開刀, 我都覺落床唔係好痛, 但係好暈。
不過我就無子宮收縮個D痛, 我唸人人既感覺都有少少唔同, 又或者係我食得太多止痛藥

原帖由 csw1986 於 10-2-2 14:20 發表
BB無調頭仔，所以醫院俾左個期38w要開刀，之前睇左好多開刀既資料，所以都有心理準備，不過始終都驚架，最驚係麻醉藥第一次注入，個頭好重又暈暈地，不過個麻醉醫生好好人，每做一個步驟都同我講一陣會點，我又有問番佢e家有其他既感覺 ...

私人傳訊

積分: 2028

2371^#

發表於 10-2-2 15:02

如果你屋企人方便既，就緊係帶去啦，因為我係屯門醫院生，佢地唔理你係咩科病人，果日個餐係咁就會係咁，例如我開刀生bb，佢地都會俾冬瓜、黃芽白、魚、牛肉你食

我屋企人帶木耳瘦肉湯、朱肉飯之類

原帖由 moonstar830 於 10-2-2 14:40 發表
我想問下大家,如果係政府醫院順產既,你地會唔會食醫院既餸菜?定係會叫屋企人自己帶去呀?會帶D咩?

私人傳訊

yennie

積分: 7039

好媽媽勳章畀面勳章

2372^#

發表於 10-2-2 15:04

原帖由 mrs_lui 於 10-2-2 12:48 發表
yennie, 我睇左你個blog, 覺得你講得好detail

我而家都係定時定候餵BB, pattern同你一樣, BB訓3個鐘, 之後佢就自己會起身要食奶, 換片, 再(乙水)佢訓, 但係佢好鐘意飲飲下奶就自己訓著, 特別係夜晚佢有呢個習慣

...

到bb慣咗個routine之後，就可以慢慢試下將最後嗰餐拉長
如果係本來每３個鐘餵一次嘅，就慢慢試下拉到３個半／４個鐘咁
之後夜晚如果bb喊醒都唔畀佢食，由得佢
要到夠鐘先餵佢
慢慢bb慣咗夜晚唔洗食嗰餐，就會瞓耐d，戒到夜奶~

私人傳訊

n___n

積分: 1744

2373^#

發表於 10-2-2 15:08

yennie,

想請教你,
你2個女女有無經歷過"猛長期"?
果段時間係咪都係照番原本schedule餵bb?

+別人笑我太瘋癲，我笑他人看不穿+

私人傳訊

積分: 596

2374^#

發表於 10-2-2 15:13

多謝你既分享呀! 我之前餵人奶就係俾阿B啜到損損地, 跟住又谷奶谷到想喊, 已經買左淡豆豉唸住把心一橫唔鬼餵。
但係又覺BB無人奶食好慘, 最後忍痛同埋再試下轉下姿勢俾阿B食, 結果竟然好好多, 依家我一日餵到3-4餐。
但係都係同全人奶餵差好遠, 唔知係咪我BB大食 (佢啜成半個鐘都唔夠喉, 食埋第二邊, 差唔多啜一個鐘都唔飽, 係咁喊, 結果補奶粉先得)
其實我應該堅持一D奶粉都唔俾, 定係餵一個鐘之後, 就補D奶粉好呢?
我係咪一定要夜晚都餵埋人奶, 或者飲多D 上奶湯, 先會刺激到大量既奶呢?
我真係好迷茫~~~

原帖由 yennie 於 10-2-1 21:55 發表

兩胎啫，不至於幾胎...
我以前住嗰到，生親個個都係餵人奶㗎
跟本就無聽過有人唔夠奶要補奶粉
我第一次聽都係大女幾個月大時第一次上bk見到先知咩叫補奶粉！
我９９生咗５個，個個都係餵人奶餵到大
就算佢地２歲幾，佢都會渣出嚟（嗰時 ...

私人傳訊

yennie

積分: 7039

好媽媽勳章畀面勳章

2375^#

發表於 10-2-2 15:24

原帖由 worriemama 於 10-2-2 14:12 發表
Hi Yennie,
唔該晒你丫，咁我都知2個鐘餵一次真係好累架，但又驚餓親亞B丫。

另外仲有個silly question想請教下你架，咁如果3個鐘餵一次，係由bb食完計再3個鐘定還是由佢開始食計再隔3個鐘餵呢？

係咪每次餵大概半個鐘，每邊15分鐘，假如佢瞓左都唔好理，照忍心等夠3個鐘再俾佢食呢？

唔洗唔該！我自己覺得反而如果bb一喊就餵佢，佢每次又食得唔多嘅，做媽咪嘅會仲擔心呢
每３個鐘餵一次，可以幫bb較好個生理時鐘，每三個鐘先會肚餓一次~佢地餓d，就會食多d，食好d
所以都唔洗擔心bb會餓親

每三個鐘餵一次嘅意思係由餵起計
好似3/6/9/12咁，３點餵，６點餵，９點餵，１２點餵...
有d BB食1０分鐘就夠，有d２０分鐘~都係睇情況啦
通常餵一邊㗎咋（視乎BB有幾肚餓）
總之BB有食到就得
記得我大女試過每次食5分鐘就瞓著咗!
叫極都唔醒...我都係由得佢瞓
慢慢佢慣咗每三個鐘食一次後，就會每次食耐d囉
同埋bb大少少，會無咁眼瞓，會好餵d㗎~

私人傳訊

yennie

積分: 7039

好媽媽勳章畀面勳章

2376^#

發表於 10-2-2 15:38

原帖由 csw1986 於 10-2-2 14:48 發表
yennie,

我生左bb係醫院第一日已經俾佢食，之後都食左2日，但係唔知佢食到幾多，到出院前一日姑娘講bb輕左7.x%，收水上限係6%，所以要補奶粉，番左屋企兩日好忙，同埋唔想bb再輕落去，都無再餵，跟住尋晚發覺d奶係咁漏出黎，又俾番佢食， ...

我自己覺得，唔好同數字玩遊戲...
6﹪同7.x﹪差得幾多啫？！
因此d姑娘要你補奶粉...唔係掛...
無話唔夠奶嘅，只要你一路有餵，人奶嘅製造係會長造長有
如果你堅持只餵人奶，你奶量就會自然增加~

私人傳訊

littlemonkey

積分: 5147

2377^#

發表於 10-2-2 15:49

原帖由 amelieclover 於 10-2-1 21:43 發表
我而家俾我B仔食A+, 但A+真係成日斷貨呀, 我想問下大家有無手上有A+ SAMPLE但又唔會食A+既媽咪? 我想同大家買呀

Amelieclover,
我手頭上有5罐A+ SAMPLE(細罐), 但我個BB唔係好鍾意食佢, 如果你真係有興趣, 可以SEND EMAIL: [email protected] 俾我,

私人傳訊

littlemonkey

積分: 5147

2378^#

發表於 10-2-2 15:57

原帖由 丘師奶 於 10-2-1 19:56 發表
第二日一早落床都唔痛呀﹗麻醉師講，第一日係最痛既，咁開刀既麻醉藥過左後，姑娘有同我o係肛門度塞止痛藥呀﹗話依隻會有效d既。所以到第二日落床我都完全唔痛。反而係第3日落床時有d痛，起身果下最痛，企到o係地上，行路反而唔係咁 ...

丘師奶,
請問你落床時有冇帶收腹帶, 仲有你知唔知收腹帶需要帶幾耐呀?

私人傳訊