少年成長 今日: 0|主題: 16100

moonisland :

從你問的問題, 我看得出你仍未完全理解什麼是attention seeking , 你始终不明白他為何要作勢打人, 亦擺脫不到唔話佢, 糾纏於唔話佢豈不是以為可以打人...........
在這情況下我是有担心的, 不過, 怎樣也好, 我一樣會教你, 請你仔细看一遍我所講的, 如不明白或對方法没信心就不好開始試,可以去找教育心理學家或幫人教仔的社工.............. 雖然佢地都係會教你同一套方法, 只不過佢地可以同你face to face 咁講, 就點都會好啲！

1/. 請不要再罸 naughty chair, 你也知這是無效的, 對他來說, naughty chair 不是個罸則, 因你都算係俾咗 attention 佢！Attention seeking嘅最高境界(嚴重的 case), 係連打(痛) 都要seek的！

2/ 你和他說打人就沒有人和他玩, 這個亦冇用的¸ 他現時只在乎你是否注意他, 他想要的是你的注意, 你就用讚他「冇打人」來滿足他, 但這必須是他打人時你「不」理不注意不在乎, 讚才有效, 否則他讚/罵/話都照單全收, 因這些全都是你的attention ！

3/ Ignore 的意思是不理、漠視, 他出手時, 你對他就要好像他没有做過(打人/舉手) 一樣, 小朋友在家中打人, 我會叫媽咪盡早處理以免小朋友打街外人時就好難 ignore, 依家已發生, 只能用罸則幇助.

4/ 要對他打人或作勢打人不做反應是有一定難度, 特别是街外的人, 要做得到唯有是不给他機會出手, 例如你抱著他, 他便打不到, 或者你拖著他慣用的一隻手, 另一隻手則要他拎住些東西, 亦可以索性由工人帶上學.

5/ 由於佢attention seeking 嘅對像係你, 即係佢最 care 嘅人就係你, 咁有效嘅罸則就係會罸走你嘅attention, 你可plan 由工人帶返學數天看看情況, 然後由你帶, 出門前講好如會出手打人或作勢打人就會罸同佢返屋企再由工人帶返學 (要預時間, 遲到不是藉口)！ 罸則講咗就必須做, 言出必行, 唔可以用嚟嚇佢 (淨警告但唔即罸), 否則冇用¸佢亦唔會再信你, 記得罸咗就唔好再鬧或講其他嘢「話」佢哦佢, 亦要預埋佢會喊到拆天你都要貫徹執行, 否則唔好開始.

6/ 若响屋企打人, 你可以扮睇唔到, 真係俾佢知你睇到個陣都唔可以做任何反應, 淨用眼「掘」住都唔得, 因都係表示緊你 care佢打人¸係俾緊 attention, 但每日冇打人嗰陣要讚多d, 每個鐘都要讚幾次, 亦可以用攬、抱、錫、奨一齊玩嚟加强口頭讚嘅效果.

7/ 如你覺得佢言語能力不及同齡兒童,你必須同步幫他, 因他起先舉手拍人, 可能是源於心急想表達, 但言語能力又未能配合到, 後來發現一舉手你便會即時話佢, 才習慣咁做, 所以你一方面排政府做評估, 但亦要即時找言語治療師幫他.

以上有任何不明白請先問, 決定不到就不要做, 切忌拖拖拉拉做d唔做d, 因為你 ignore但又唔 ignore得晒嘅時候, 佢覺得你明明緊張, 點解一時理一時唔理？咁佢有可能「升級」去引你, 咁就會更難處理…………….. 因此最最最最重要的, 就是要做好 I G N O R E ！