當日星期六晚上回來, 星期日早上一點幾先有得訓.老媽子派老豆打電話黎. (然後有機會就話老豆自己話打來, 佢都叫唔好打) 仲要已經係我地屋企附近, 老老實實星期一全世界人都要番工, 我地又要洗野 (佢旅行中途所有衫扔得既扔,當然唔駛駛衫 = =") 我地又要湊女 同拎番一對狗 (我養左對狗,旅行時放狗酒店), 都推左佢唔出去見佢兩老, 我認我係不孝, 但真係已經好累, 唔做家務都要休息下掛?
到左晚上七點幾, 同C6去樓下食飯, 點知係地下撞正我老豆同阿媽.. (又係無啦啦衝過來, 真係好克人憎, 佢地呢樣習慣又要另我開一篇坐月篇.)
咁都無辦法, 都係要招呼佢地上去坐……. 坐左一排, 佢地走, 我送佢地下去, (以下記低既, 如果家姐你見到, 當睇故仔， 唔好想咁多，佢係顛既)
我阿媽話: 有D野唔同你講唔舒服, 個幾日你只係看表面. 實際係我同你老豆都忍得好辛苦, 件褸真係有D唔妥既~係去旅行之前我夢到你阿爺。。。 之後見到你阿爸頭破血流， 你老豆都話有問題， 點會去都雪場分開我地兩個， 一定係想推老豆下去， 呃保險。。。 所以費時著上身， 好＂鈄＂下 （講到真既一樣。。。。） 又左拉右拉之前發生係屋企既鎖事， 話家姐姐夫佢地心地唔好， （我話件衫係家姐買， 關姐夫什麼事？）， 佢叫我小心Ｄ 唔好比家姐佢地攪我個女。。。 佢作估仔既功力真係好勁，講到似層層咁。 我地真係好心ＵＰ， 唔係話請屋企人去旅行好大件事～ 但係都算係一份心意， 點解仲要比你中傷？今日你針對家姐, 下一刻又針對我地. 真係夠喇, 今日佢打來我都無聽佢電話, 當我傻的嗎?
P.S. 當中有個小插曲, 我地一行六人係雪場回市區等火車既早上~ 要出去搵早餐食, 本來只是我兩姊妹去找地方,點知佢跟過來~好啦，到找到地方開餐個時，我地就請佢坐低。 再搵番我地老公同阿爸拖行李過去，當關好飯店門個刻， 我地兩個都笑到肚痛， 因為阿媽不識英文加上身上沒有外國貨幣及護照。
當然只是笑下，真係放低佢，我地做唔出既。。。。 後來出現阿爸無得穿雪褸件事， 我地都心諗當時應該留低佢
總結： 呢個旅程，我體會到佢對人既狠， 點解可以做得出？負十幾度唔比個老公著褸， 當年我同個同事出差， 大家都唔妥大家， 都會互相照顧，但個個係佢老公～
當然， 老豆又係傻， 為左唔比阿媽脾氣惡化，竟然聽佢講唔著褸， 當中我曾經好爭扎， 如果唔出聲同阿媽講要老豆加衫， 我老豆可能會凍死， 如果同阿媽講， 我老豆又會比佢話扮可憐。。。真係一個折磨。。
多謝收看...
發表於 
返回列表
