原帖由 Er09090913 於 16-01-28 發表
上天點解會揀我？重覆一次又一次問醫生，點解會係我身上發生。。。。
早上4點多突然覺得肚開始有d痛，我知 ...
我見到我99我哥哥仲有我老公既朋友仲有我一個朋友。入到佢主診醫生就同我講話bb情況唔樂觀。仲話佢停過心跳。由於icu入面有個一入去右手邊有間房我係qm所我見好多人係間房入面應該有成10幾個人圍住左一張好細既手術枱。我既bb就係訓係到插晒喉搶救緊。醫生同我講話叫我等一陣。其實我入到去就見到我老公坐係一開門有個平風入面。之後我再一齊坐住望住佢地同bb搶救。我心裡其實同樓主所講既一樣好似有精神病咁自己話唔好help但又想help.原來我老公一上icu開頭有護士話冇咩問題但好快唔夠一陣醫生再出黎同佢講唔樂觀但時我老公係腳軟企唔到要幾個護士扶住比椅佢坐。所以先加個平風。我就坐住輪椅等，不過我個傷口真係好痛同個人不停標汗好勁仲開始暈。就通知隔離個護士。有個醫生就叫我不如返落病房。但點會呀我身為媽媽自己bb有事我都唔可以離開。結果佢地好好唔知係邊到搵到張床比我。由於icu入面都好窄好難入到張大人床。護士都好努力之後推左我入隔離個房等。女主診醫生再走過黎問我想唔想見一見bb我當時個人好亂又暈我唔識答答唔知。我老公就答話好。咁佢地再推我入去搶救房望一望bb。因為我訓住好難睇到bb個樣只見到佢隻小腳板同手腿好多血班。我即刻大喊係失控咁喊。之後佢地再推返我過隔離房話幫bb清潔晒就抱比我地見佢最後一面。於是我就叫老公通知我媽咪帶我大囝黎醫院。因為大囝一直都好想要bb同知道係妹妹。等候期間有個護士企係到拖住我隻手同樓主一樣問我有冇宗教信仰我答冇。點知佢一路同我講佢係喊住講教我點同囝囝講bb去左天國。呢位護士好好呀！我被送返去產後房。佢追出黎同我講媽媽takecare.當我囝囝黎到佢見到我老公抱住bb。同囝講bb係到呀！我囝呆左行過黎叫bb起身啦！仲話佢想摸下佢。我地影左張全家相。再同bb講再見之後就推返我去產後。醫院安排左我入住兩人房既半私家房。個兩晚完全係不停喊同坐係到倦到訓著。兩晚都有護士同醫生仲安排心理醫生比我傾訴。產前接到我胎水有色個位護士佢好好都有過黎探我話我好叻女。因為好快見到dirty就通知佢地。最後個驗血報告都係bb有b鏈入血。但兒科同婦科同我講話咁嚴重其實得幾年先見。所以我同樓主都係六合彩又唔見中。
發表於 
返回列表
