興趣嗜好 今日: 2 | 主題: 124523

積分: 30747

224^#

發表於 17-3-12 21:27 |只看該作者

本帖最後由 zoie_w 於 17-3-12 21:46 編輯

com7hk 發表於 17-3-12 21:06
回覆 zoie_w 的帖子

樓主雖然工作運不好，命運也不好，但我相信上天是公平的，可能你之後遇到個男人對你很 ...

謝謝您的祝福!

不過我也沒期望我有咁好命當少奶奶有老公搵錢比我駛, 我只但求有份安穩既工作, 一個岩KEY對我好既男人就可以了, 唔需要搵好多錢, 也不需要有老公養我, 兩口子夠生活有些閒錢可以買下花戴就可以了

不過我可能連小小卑微既心願都無呢, 就算唔好用命數來講, 始終我都算係年齡大, 搵對象既範圍已經無十年前咁多選擇啦! 最近識幾個男性, 都已經有家室有小朋友, 年齡比我細的呢? 又大誇張, 細成7, 8年, 人地點解唔搵個年輕貌美的呢? 仲要加上我家庭背景咁複雜, 之前又同人同居咁多年 , 憑咩人地會看上我呢? 而工作方面際遇既野我就更加難掌握得到, 有好多時唔係話你肯努力付出工作就得

我當然明白, 工作運係咩一回事, 有時D係真係講際遇架! 我之前公司有個中年男人好格衰的, 只係會做D擦鞋既野, 見高拜見低踩, 早已經OUT哂DATE, 唔識打中文字又唔肯學, 只用手寫版, 老闆請佢見佢外國讀完大學番來, 但叫佢翻譯英文, 佢可以GOOGLE 翻譯比你就算, 仲有好多野都唔做, 要夾硬屈其他人做, 我同另一位女同事都好唔鐘意佢, 但偏偏呢D人無比裁員, 仲有其他都係, 做錯野比客話都無比人炒, 做SALE做到一張單都接唔到都唔駛比人炒, 現在成班賤人仲日日有工番, 番到去做皇帝喺度HEHE哈哈大大聲講粗口講咸濕賤野當我地D女性無到完全唔識尊重人, 反而我就........... 你都好呀, 你有個仔仔幫你爭口氣呀!

私人傳訊

積分: 30747

225^#

發表於 17-3-12 21:33 |只看該作者

com7hk 發表於 17-3-12 21:18
回覆 zoie_w 的帖子

人生的結局未到最後都不知道是否幸福。當你與人比較時就是你最慘嘅時候和別人最好嘅時 ...

係呀, 上年年中我男友同我攪成咁, 我仲要應承左做佢姐妹, 個心情係點你可以想像得到啦!

現在有老公陪既人係佢, 而不是我

私人傳訊

積分: 30747

226^#

發表於 17-3-12 21:34 |只看該作者

MariaTsui 發表於 17-3-12 20:50
我最近都遇到人生最大難題，是健康問題，至親都幫唔到我，病情本來不輕，經朋友介紹另一位專科醫生，誰知致 ...

我都希望您可以走過呢個難關, 不過說易行難, 我體會唔到你病既痛苦, 只能夠喺呢度祝福你

或者會否嘗試中醫?? 祝身體健康

私人傳訊

草莓牛奶

別墅

積分: 671

227^#

發表於 17-3-12 21:38 |只看該作者

有時，我覺得算命係將你命裏的可能性算出來，但你每一個決定，仍然係你自己選擇的。但至於點解會有這個決定，就係取決於你的性格。你可能覺得人生很不公平，有人一凡風順，自己就要孤獨生活，所有想要既野都得不到。但其實上天最公平既地方就是死亡。每一件係你生命中出現過既事，做就現在既你，你要愛自己多點，嘗過苦，更知道甜的味道。唔好再係一個漩渦裏苦苦思考一些無可能知道答案的事啦

私人傳訊

積分: 134923

馬年勳章

228^#

發表於 17-3-12 21:42 |只看該作者

cinda72. 發表於 17-3-12 20:44
擺風水就係，批命唔會，
如果會我咪好大單

原來有分別, 唔係學玄學唔知道。
老師有提過, 因果關係, 唔好亂做厚多士, 所以呢個問題一直都想問

私人傳訊

積分: 134923

馬年勳章

229^#

發表於 17-3-12 21:45 |只看該作者

MariaTsui 發表於 17-3-12 20:50
我最近都遇到人生最大難題，是健康問題，至親都幫唔到我，病情本來不輕，經朋友介紹另一位專科醫生，誰知致 ...

祝福JM

樂觀正面面對, 對個病都好。

私人傳訊

MariaTsui

水晶宮

積分: 60812

230^#

發表於 17-3-12 21:46 |只看該作者

zoie_w 發表於 17-3-12 21:34
我都希望您可以走過呢個難關, 不過說易行難, 我體會唔到你病既痛苦, 只能夠喺呢度祝福你

或者會否嘗試中 ...

多謝你!中醫幫唔到我，我只想說每個人都有自己的問題，上天交這個難題給你，你是有能力解決的，可能過程比較艱辛，但不代表做唔到。加油!

私人傳訊

積分: 30747

231^#

發表於 17-3-12 21:55 |只看該作者

MariaTsui 發表於 17-3-12 21:46
多謝你!中醫幫唔到我，我只想說每個人都有自己的問題，上天交這個難題給你，你是有能力解決的，可能過程比 ...

明白妳也有妳既難處, 我同樣要面對幾樣難關, 先唔講男友那便, 其實分手應該係分架喇, 從佢既態度已經得知, 講真我發生咁多事佢都不聞不問我都已經死心, 連一D FB FD, 識左無幾耐既朋友都有問候下我, 問心下我, 反而一個一齊訓在身邊16年既人卻連一個MSG一個電話都做唔到...... 只係我仲會諗番起以前既事, 因為實在一齊左太耐太多年喇, 就算佢現在同我無見面左成大半年, 我都唔會覺得好陌生, 只係佢D態度令我感覺到陌生吧! 好多時我都會想起佢的

現在先要為自己找工作, 希望政府那便快D有消息會請我啦! 到時希望有新既契機, 新既際遇, 識到新同事, 新朋友, 希望自己可以自立, 唔駛靠別人都可以好好生活

私人傳訊

MariaTsui

水晶宮

積分: 60812

232^#

發表於 17-3-12 21:58 |只看該作者

cbeyond 發表於 17-3-12 21:45
祝福JM
樂觀正面面對, 對個病都好。

多謝你!

私人傳訊

seasky21

男爵府

積分: 6956

233^#

發表於 17-3-12 22:39 |只看該作者

其實好同情樓主，我好明白你，我本身都係自少媽咪對我好差，人緣自少都係好差，工作每間都遇到小人害我，都試過被裁，不同的是我有一個對我好遷就的老公，我絕對明白你生命的全世界就只有他，不過我都想提一下樓主，我是很相信性格決定命運，我本身脾氣唔好，心直口快，說話無尾音又不懂修飾，最鐘意就黑口黑面，齋咁睇唔好話想人鐘意，人地唔憎我已經好好了。你遇到咁多不好的事好難要你正能量上身，但如果你將所有過往的一切轉化成怨念，咁你覺得生命會更好嗎？就算現在人人都去認同你，而你下半生就只一直在埋怨或者憎恨，你的負能量就會不知不覺在你心裏宅根，無你著數架。同埋我覺得樓主應該係唔認識自己，你一定做左啲野令到和人的關係差而你不知道吧。我想你重點係停止埋怨及認識自己，從而改善自己不好的地方吧。

私人傳訊

nghuen

積分: 4935

234^#

發表於 17-3-12 23:00 |只看該作者

回覆樓主:

Good sharing~正能量

New Year New Start Go

私人傳訊

積分: 4844

235^#

發表於 17-3-12 23:44 |只看該作者

zoie_w 發表於 17-3-12 20:51
係呀, 所以好多時人會用左自己嗰套落人身上

好似我身邊有個朋友同我一樣大既, 但佢非常好命, 其實佢同我 ...

感覺到樓主個思維都清晰,只不過遭遇上的事唔係個個感受得到,如單單說帶上正能量上戰場係唔夠,還要配合形勢和能力,先可以達到某一個效果.

我有個親人A係一個幾貼切既例子,我年幾前去算命,幫A問了她關心既事業的問題,
師傅說A和家人開的小店過兩年最尾都是要執粒,提議A考慮下個前境,想想應否下去,
師傅亦說A其實已踏入了兩年大運,但還未見到A爭取到命盤裡看得到應有既成果.

我之後轉述返師傅既分析俾A聽,點之A話師傅話佢入左大運,咁應該可以做好間舖啦,
我即時再解釋被佢聽,我問左師傅三次,師傅三次都是搖搖頭咁話一定執的,
但A[依然故我]咁話自己入左十年大運實可以賺到錢既,同我爭論左好多次,
結果到依家真係蝕足左咁耐錢,睇個勢A間舖捱唔到多兩個月,A就要執粒同破產,
如果剩計[正能量]的話A就真係多到瀉,但可惜佢就係唔夠能力和同埋個大方向錯哂...

所以我明白樓主想要既係一個清晰既指引,等樓主既努力可以用係岩既方向上,
例如樓主應該做d咩五行既行業或什麼樣的情況才見到曙光咁,
樓主已家就像在海中沉了船,沒有指南針,沒有地圖,沒有精神支柱,沒有任何有把握既求生方案,
看不到任何島嶼,看不到任何的船隻,只剩下一件救生衣,大海茫茫,飢寒交迫,孤獨無援,氣弱柔絲,
就算要爆發小宇宙或注入[正能量]都要有個明確既方向,好讓樓主嗅得到隱藏在未來美好生活裡的花香,
慢慢一下一下咁游出信心,慢慢找到在逆境中那反敗為勝的滿足感,慢慢感受到身體逐漸強壯的力量,
回頭再看一看,發覺自己經以看不到那個低潮中非常沮喪的自己了... ...

私人傳訊

積分: 134923

馬年勳章

236^#

發表於 17-3-12 23:54 |只看該作者

O.M.G 發表於 17-3-12 23:44
感覺到樓主個思維都清晰,只不過遭遇上的事唔係個個感受得到,如單單說帶上正能量上戰場係唔夠,還要配合形勢 ...

錯, 行緊大運 =\=正能量。
正能量係講緊正面態度去面對人生, 唔係叫你等運到, 唔係用叫坐係度, 乜都唔做。

私人傳訊

積分: 4844

237^#

發表於 17-3-12 23:59 |只看該作者

cbeyond 發表於 17-3-12 23:54
錯, 行緊大運 =\=正能量。
正能量係講緊正面態度去面對人生, 唔係叫你等運到, 唔係用叫坐係度, 乜都唔做。 ...

親人A唔係等運到, 唔係坐係度, 乜都唔做。佢係非常投入非常用力去做添,但d方法,方向錯左,佢自己唔知,
仲覺得自己好努力好俾心機,到頭來變成自掘墳墓...

私人傳訊

積分: 134923

馬年勳章

238^#

發表於 17-3-13 00:05 |只看該作者

O.M.G 發表於 17-3-12 23:59
親人A唔係等運到, 唔係坐係度, 乜都唔做。佢係非常投入非常用力去做添,但d方法,方向錯左,佢自己唔知,
仲覺 ...

本帖最後由 cbeyond 於 17-3-13 00:07 編輯

心態錯, 行運唔係代表你做咩都啱。
既然已有人提出警告, 點解唔諗改善, 反而覺得一定掂。
識把握機會, 唔係一意孤行, 唔係只睇到自己, 先係正能量。
可以講行緊運, 運氣唔會太差, 但唔代表無唔好事發生。

私人傳訊

積分: 4844

239^#

發表於 17-3-13 00:14 |只看該作者

我發覺好多人會將一d好極端既假設套入算命既議題裡面.
打個比喻,每次算命post總有人話,唔通算到某某會發達,佢乜都唔做就會發達咩?

其實個原本意思就係,算到某某在下一年既工作有好環境,估計有發達或突破性進展.
即可解釋為某某原本今年像在鬧市渣車,要停好多燈位,經常塞車,
但下一年就像駛入高速公路咁,暢通無阻,回報和效率多好多,
總有一d人就要將個情況講到某某會唔做野同唔渣車咁......

私人傳訊