吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有無人好似我咁，揍大個仔後，原來個仔一點也不愛你 ...

自由講場今日: 1898|主題: 1359048

收藏本版

發帖

返回列表

跳至頁

樓主: hollowlady

有無人好似我咁，揍大個仔後，原來個仔一點也不愛你

10 111213 14...25

積分: 31256

221^#

發表於 20-5-24 13:54 |只看該作者

hollowlady 發表於 20-5-24 01:56
似係最尾果段，佢話暑假佢個個同學吾係去歐遊都去日本，我地去佛山。本來佢幫人補習，我無俾零用佢，後來佢 ...

而家做父母真係好無奈...我日日比兩個仔激到半死，喊曬都無動於衷！

我朋友個由細讀書叻入香港入左神科而家又怪阿媽唔比佢去外國讀書。朋友係單親香港入到神科梗係香港讀囉。朋友層樓第日我係比佢但佢又話新界樓唔計喎。

私人傳訊

已刪除用戶

已刪除用户

積分: 46481

222^#

發表於 20-5-24 13:54 |只看該作者

提示: 作者被禁止或刪除內容自動屏蔽

私人傳訊

麟媽媽

王國長老

積分: 89570

好媽媽勳章王國長老

223^#

發表於 20-5-24 13:56 |只看該作者

樓主你並不孤單，我哋大人梗係想啲細路行一條順嘅路，例如品德要高尚，讀書要用功，生活習慣要整潔.... 我仔成日帶啲朋友返嚟屋企玩，嗰班細路好鍾意同我傾偈，因為我嘅身份係一個Auntie，唔會同佢地說教！佢哋都會同我投訴父母囉嗦，呢樣唔准個樣唔好呀，有啲嘢佢哋覺得好有趣想同父母分享，講咗父母又變咗訓話叫佢哋以後唔好做呢啲搗蛋野，慢慢地佢哋就唔想再同父母講喇。咁我有陣時都會開解話父母唔想你哋撞板，佢哋就好大反應話點解唔俾我喺錯誤中學習？咁我就話年青人有本錢去犯錯去改過，但你哋記住唔好犯一啲刑事嘅嘢就可以啦，咁佢哋都會話知道嘅，我都係一句起兩句止。

點評

aeneas2011

發表於 20-5-24 15:15

私人傳訊

lojo11

翡翠宮

積分: 99209

2024年龍年勳章牛年勳章

224^#

發表於 20-5-24 13:57 |只看該作者

waic 發表於 20-5-24 13:48
宜家好多係上左大學先改變的

要變，幾時都可以變，所以平時大家好來好去就算

私人傳訊

adgjl

大宅

積分: 1649

225^#

發表於 20-5-24 13:58 |只看該作者

回覆樓主:

我以為係我的自白，

你遭遇同我有九成九似

私人傳訊

erica-camy

大宅

積分: 4633

226^#

發表於 20-5-24 13:58 |只看該作者

hollowlady 發表於 20-5-24 12:44
我而家內心世界同你媽差不多，不過你媽比我幸運仲有你

女同仔點都唔同，我對佢好唔代表佢唔想個d仔關心佢，就好似我奶奶始終錫仔，雖然女都錫，但都覺得我老公唔夠孝順，唔搵佢。我唔係男人，我唔會明佢哋係咪唔鐘意搵亞媽呢？

私人傳訊

依媽

男爵府

積分: 5388

好媽媽勳章

227^#

發表於 20-5-24 14:02 |只看該作者

先唔好咁唔開心!問題未必出喺你同佢之間,有時可能係被朋輩影響.

我細時有一班好friend嘅同學,因為啱咀型就自不然行得埋,當大家交心後就會講多啲自己嘅嘢.我哋當中有兩個自小就有家庭問題,聽得多佢哋訴苦,漸漸就有其他人開始講自己都係好慘,父母點樣偏心又對自己唔好等等...

點解之後講嘅人,之前唔覺父母係咁?明明之前都覺得自己係幸福架喎.其實我覺得係被負面嘅氛圍影響咗先變成咁.

因為係friend,所以會心痛肉痛,當一遇到有啲相似嘅經歷時,自不然就將個感覺放大咗.同埋因為唔想朋友唔開心,所有幸福開心嘅事都唔講,通常話題只會圍繞响父母嘅不是,整整吓就變成"淒涼同盟會".我比較好彩,因為佢哋講嘅家庭問題我都冇遇過,所以我只會極度討厭及睇唔起嗰兩個friend嘅父母,但係就唔會有好深嘅感受.

雖然係咁,但係同時我發覺我對我亞媽嘅態度差咗好多好多,好悔氣,唔多想同佢講嘢咁.因為我都不自覺地被影響咗父母响我心入面嘅形象...

你認知佢嘅hall友係點樣嘅人嘛?有機會就叫佢講吓住hall嘅趣事,輕鬆啲,天南地北都講得.從中你唔多唔少都會知道一啲.記住唔好好似套佢料咁,又或者秋後算帳,唔係以後就唔再同你講架喇.

人係好易被影響,如果佢啲hall友係比較負面,又或者有家庭問題,佢聽埋聽埋都會對父母有怨氣.

私人傳訊

hollowlady

大宅

積分: 1950

228^#

發表於 20-5-24 14:05 |只看該作者

睇完咁多位嘅分享，我心舒服好多，知道有同路人，亦有吾同嘅溫馨提點。日後我會對自己好 d，希望有一日阿仔會走番近我。

點評

依媽

發表於 20-5-24 14:09

私人傳訊

yhytmama

大宅

積分: 3336

229^#

發表於 20-5-24 14:10 |只看該作者

龍應台那篇「目送」裡說，

　　有些路啊，只能一個人走，我慢慢地、慢慢地瞭解到，所謂父母、子女一場，只不過意味著，你和他的緣分就是今生今世，不斷地在目送他的背影漸行漸遠。

大仔未夠一歲時，我再次讀呢段說話，心裏已隱隱作痛。無奈也明白將會是必須接受的事實。
只冀望教曉他善惡是非，爸媽的家永遠是他溫暖的港灣。

私人傳訊

baby7

伯爵府

積分: 18239

230^#

發表於 20-5-24 14:15 |只看該作者

hollowlady 發表於 20-5-24 11:39
你問得咁得意嘅？當然係盡自己能力所及付出俾佢啦，無論時間金錢。記得有次，大概2歲，帶住佢睇衫，又試衫 ...

嘩，樓主我覺得你係好就個仔。
我嘅一對6-9y仔女，出去商場我會同佢地講明陪佢地行玩具店但佢地都要陪我入shopping試衫。

私人傳訊

chinatea

水晶宮

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

231^#

發表於 20-5-24 14:20 |只看該作者

回覆 waic 的帖子

我都曾經同樓主一樣好多怨念,好似成世都做唔到一件順心的事,自己性格獨立,樣樣都唔洗父母擔心,自動自覺去做=似唔似樓主個仔?3年班亞麻過身,亞媽返出去打工,我返學前煮定飯,煎定蛋比亞媽返來食,學洗衫一家6口衣服,浸成個星期都冇人洗,咁我就學用皂來洗,等亞媽執手尾,女仔可能會有母性,做家務係好自然事,我有咩事,想讀夜校當補習,識左個男仔,想學跳舞...咩都同亞媽,講完一定比人鬧,仲要講哂比亞姨外婆一家知,輪住比人教訓,好自然慢慢唔同亞媽講,但我同亞爸好fan架,咩都同佢講.
點解好多點解,唔明亞媽點解溝通唔到,佢係唔錫我架,佢憎我就連我D仔女都憎埋,我郁小小鬧我會鬧埋我爸,一鬧可以鬧足幾個月,所以我細女出世後就唔敢同亞媽來往,我諗佢唔見我,就唔會再鬧亞爸,4年冇出現過佢面前,不聞不問,其實心中有掛住佢架,係我妹口中打聽,又比我妹鬧,串,咁就費事理佢地啦,不過我有搵亞爸架.

有年我媽病左,係醫院都鬧人,我妹打比我話橫掂佢咁憎你,你來比佢鬧下出下氣,咁咪接手日日出去幫佢抹身,煲湯餵飯,一出院又來料,又鬧到你反哂肚,又閃啦,又不聞又問啦,直至佢走左我亞哥話過,亞媽交帶落唔比你去拜架.

我有送佢上山,有做好一切應該做D野,就係會諗,死都要咁對我,怨,恨,時間過去之後,我慢慢覺得幾個仔女好小搵我,原來唔係而家先係咁,係好多年來已經好小來往,就算個仔住附近,原來要攞野先會過來,同亞姨呻,過咩節都冇人返來架,係咪我對亞媽冷淡,我都受返呢?亞姨話,人閒要識得思已過,仲可以補救就不要遲,補救唔到唯有學識放下,放手.

<br>

私人傳訊

Ononluk

珍珠宮

積分: 41978

232^#

發表於 20-5-24 14:26 |只看該作者

大學呢個年紀仲係親同輩同女友，想獨立。到出嚟做嘢，甚至成家立室就要變返黐家。

私人傳訊

大笨鐘

用戶要求終止服務

積分: 31434

牛年勳章

233^#

發表於 20-5-24 14:30 |只看該作者

hollowlady 發表於 20-5-24 11:54
你呢句真係問得好，我亦問過自己。但係最終都係想個仔好。我 c6吾認同我教仔做錯事要 say sorry, 又話一家 ...

男人管教同女人唔同，不過你個仔係成年人，過晒管教階段啦！有咩提點吓，做唔做留返比佢自己決定，我就唔會為執拾而哦佢！可能我本身好怕比人哦，會好心煩暴燥。

未經許可，請勿轉載

私人傳訊

cheechi

伯爵府

積分: 18669

畀面勳章

234^#

發表於 20-5-24 14:40 |只看該作者

因為佢覺得自己係成年人，而你地既關懷仲當佢係小朋友咁，令佢無受尊重既感覺，你要用朋友方式咁相處，先建立番大家關係，然後再慢慢教返佢正確價值觀，否則真係要等佢成熟（分分鐘3、40歲）先知亞媽當初用心良苦

私人傳訊

大笨鐘

用戶要求終止服務

積分: 31434

牛年勳章

235^#

發表於 20-5-24 14:45 |只看該作者

Max20080525 發表於 20-5-24 12:16
其實而家新一代只要你o係佢出糧時催下佢比家用，後生仔眼中已經係為左錢生佢
唔關你點教事，社會價值不停 ...

可能講錢真係傷感情，呢一代如果剛剛踏足社會，難搵工，升職比上一代難好多，買樓（自組家庭）難上加難，唔係努力就可以。如果大學有借錢應付學費，真係一畢業已經要還債。而家呢一代，除咗物質真係豐盛咗，生活唔容易，家用要有商有量，考慮埋佢負擔能力，如果佢已經手緊，一出糧比人催促家用都幾唔好受。我係自動自覺比家用，不過唔係每一個出糧日，總之月頭幾日啦，爸爸從來無追過我。其實社會環境唔同咗，我地細路同我地嘅經歷好唔同，多 d 理解吓佢地，大家相處會開心好多！

未經許可，請勿轉載

私人傳訊

serena_cheung

別墅

積分: 864

236^#

發表於 20-5-24 14:46 |只看該作者

好傷心呀，自己都有個仔，雖然佢仲係好細，但我都係FTM, 好清楚要放棄幾多自己嘅生活去照顧佢，如果我仔大個左係咁，我1定爆喊，失戀咁

私人傳訊

issactmaria

子爵府

積分: 11708

237^#

發表於 20-5-24 14:52 |只看該作者

hollowlady 發表於 20-5-24 11:39
你問得咁得意嘅？當然係盡自己能力所及付出俾佢啦，無論時間金錢。記得有次，大概2歲，帶住佢睇衫，又試衫 ...

那你待自己好嗎？
我所以噤問，就係提你會否太將重心放在阿仔身上，忽略了自己。我係working mom, 阿仔係SEN，阿仔幼稚園至初中時，我除了返工就主要將大部份時間用嚟帶他治療及學業，後來心理學家提醒我會否太集中心力在他身上而無了自我。
我明白你付出了噤多，而現在阿仔這樣對你的確很痛心。不過，你要明白你和他也是一個獨立個體，既然他現在對於你的說話可能未必聽得入耳，那就唯有暫時放鬆些由他吧，你就找回你的生活，可能過一段時間大家關係反而會有改善呢？就算他真的變壞，他已是成人，他也要為自己所作的負責，並不是父母為他的過失負責，更加不需內疚。