吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 親人過身，大家怎樣走出傷痛？

自由講場今日: 133|主題: 1354695

收藏本版

發帖

返回列表

跳至頁

樓主: Pighead_mommy

9 10 111213

積分: 925

221^#

發表於 21-7-3 15:44 |只看該作者

Pighead_mommy 發表於 21-7-3 15:40
由於佢之前係咁狂掹甩針頭，然後啲姑娘又要再幫佢插返，係咁搞嚟搞去，搞到隻手都腫晒。同埋因為佢真係太 ...

本帖最後由 Pighead_mommy 於 21-7-3 15:55 編輯

我永遠記得馮正輝幫我媽咪做完手術後，响手術室充滿笑容同自信咁行出黎同我講：”你媽咪個手術做得好成功，完全冇問題”。剩係呢句說話，已經令依家嘅我痛苦萬分。

私人傳訊

Pighead_mommy

別墅

積分: 925

222^#

發表於 21-7-3 15:48 |只看該作者

慢吞吞E 發表於 21-7-3 00:33
吾好再怪責自己，你媽媽都吾希望你咁。腦瘤太大吾割會好危險，腦壓高起上黎會腦出血，但醫生會考慮吾完全 ...

係，佢都係同我講個腫瘤係唔會完全切除晒，因為有太多神經線，但係佢切完之後，話幫我媽咪電擊過切除左腫瘤個傷口，焊死咗佢，等佢個腫瘤冇得再生番出嚟。

私人傳訊

Pighead_mommy

別墅

積分: 925

223^#

發表於 21-7-3 16:07 |只看該作者

DONOTHAVEANAME 發表於 21-7-3 13:28
我家人都係幾個月前過咗身，而家剩返自己一個，親戚朋友都各自有家人伴侶，無人得閒理我，感覺好孤獨無助， ...

大家都係同路人，有時間多d上嚟同大家傾計，呢度D JM真係好好，或者可以返下教會或者佛堂，睇你係乜嘢宗教啦，我遲啲就會返佛堂，因為可以學習同念下佛經比我媽咪同其他過咗身嘅親人再加埋其他眾生。如果遲啲等我爹哋情緒穩定啲，我都想試吓出去做義工，探啲老人家，咁樣可能對自己個情緒有幫助。

私人傳訊

Pighead_mommy

別墅

積分: 925

224^#

發表於 21-7-3 16:11 |只看該作者

tommyxsarah 發表於 21-7-3 00:41
其實我對私家做手術好有保留

因為屋企人曾經既經驗.

係呀，初頭我媽咪2月2日入醫院，做兩日檢查，跟住4號做手術，醫生預計係年三十晚出院架，點知搞到3月4號先出院，跟住過咗三日後，又再入返醫院做第二次手術。

私人傳訊

Pighead_mommy

別墅

積分: 925

225^#

發表於 21-7-3 16:16 |只看該作者

IamChuChu 發表於 21-7-3 00:54
無理由手術後叫佢食正常嘢㗎

好古怪，正常醫生會叫試粥及流質先

冇，真係冇！手術後，我媽咪瞓咗一晚SCU, 第二朝，佢話觀察多幾個鐘，就可以出返普通病房，仲話我媽咪同佢講話好肚餓，跟住馮正輝就叫我哋記得比野佢食，然後我問佢做完手術，驚啲麻醉藥未過，可以食咩？佢真係答我：奶茶咖啡雞髀乜都得，總之佢想食乜就俾佢食！

私人傳訊

DONOTHAVEANAME

別墅

積分: 596

226^#

發表於 21-7-3 17:02 |只看該作者

Pighead_mommy 發表於 21-7-3 16:07
大家都係同路人，有時間多d上嚟同大家傾計，呢度D JM真係好好，或者可以返下教會或者佛堂，睇你係乜嘢宗教 ...

佛學其實都有啲興趣，不過又唔想自己一個去，又無搵到朋友有興趣，義工都有諗過做，但又怕會觸動到自己，畢竟自己都孤單一個無伴無子女，驚自己會睇見自己將來都係咁，會控制唔到自己嘅情緒

私人傳訊

Pighead_mommy

別墅

積分: 925

227^#

發表於 21-7-3 19:03 |只看該作者

DONOTHAVEANAME 發表於 21-7-3 17:02
佛學其實都有啲興趣，不過又唔想自己一個去，又無搵到朋友有興趣，義工都有諗過做，但又怕會觸動到自己， ...

其實就係將你對父母嘅愛延續比其他無兒無女嘅老人家。至於孤獨，好難講！每人都要面對，好似我爸爸咁，媽咪比佢行先一步，雖然我哋三兄妹都好鍚爸爸，但始終無人可以取代倒媽咪個位置，佢心靈上都係好孤單，始終失去左一個陪伴左自己四五十年嘅老伴，而我d哥哥結曬婚，我自己都無結婚，一樣無兒無女，第時(touch wood),到爸爸百年歸老，我都一樣係一個人，而我兩個哥哥雖然都係結左婚，但佢同佢地嘅伴侶都有機會是但一個行先一步，佢哋d仔女將來都可能會有自己家庭或者移民去第二d地方發展，其實每個人都會面對孤獨。

私人傳訊

Pighead_mommy

別墅

積分: 925

228^#

發表於 21-7-3 19:05 |只看該作者

Pighead_mommy 發表於 21-7-3 19:03
其實就係將你對父母嘅愛延續比其他無兒無女嘅老人家。至於孤獨，好難講！每人都要面對，好似我爸爸咁，媽 ...

所以你可透過做義工同返佛堂，做下善事迴向左比d離世嘅親人先，或者好人有好報，到時有機會識到另一半呢。

私人傳訊

Pighead_mommy

別墅

積分: 925

229^#

發表於 21-7-3 19:16 |只看該作者

Pighead_mommy 發表於 21-7-3 19:05
所以你可透過做義工同返佛堂，做下善事迴向左比d離世嘅親人先，或者好人有好報，到時有機會識到另一半呢。 ...

不過我哋大家都係失去至親冇耐，所以先要處理左自己情緒先。我相信其他JM所講, 時間可以平復一切。

私人傳訊

tommyxsarah

子爵府

積分: 10236

230^#

發表於 21-7-3 19:48 |只看該作者

Pighead_mommy 發表於 21-7-3 15:44
本帖最後由 Pighead_mommy 於 21-7-3 15:55 編輯

我永遠記得馮正輝幫我媽咪做完手術後，响手術室充滿笑 ...

我屋企人情況都係..
一出嚟都係話手術好成功

我頂佢..有d 醫生講野真係好叻..講到天花龍鳳..
其實我地之後問返熟悉既朋友 ..話個手術唔應該甘做…如果一個唔好彩..就大件事…
我屋企人諗住私家快…都唔計較比少少錢…無問甘多個醫生…我都無理…因為太簡單既野..快d 搞點..點知..呀..真係慘痛經歷…到復原起碼用左半年

我明 …您既心痛係以為比左最好既野媽咪

點知…

不過有d 野整定…

您媽咪知您係錫佢..

希望您早日放低沉重心情

私人傳訊

Pighead_mommy

別墅

積分: 925

231^#

發表於 21-7-3 22:53 |只看該作者

tommyxsarah 發表於 21-7-3 19:48
我屋企人情況都係..
一出嚟都係話手術好成功
我頂佢..有d 醫生講野真係好叻..講到天花龍鳳..

你屋企人冇事就好了，祝佢儘快康復，身體健康。

其實我自己都好大責任，我都唔知一月果陣係咪食過屎嚟，我真心覺自己好on 9 + 弱智。腦腫瘤手術，不論係良性或惡性嘅，都係非常大嘅手術，其實應該同佢搵多兩個醫生比意見，或者可以試吓同做電療先，睇下可唔可以電番細個腦腫瘤，可能可以呢，但係自己就衝動，先有今日嘅結局。我希望以後所有咩嘢事都報應返比我，懲罰我好了。我媽咪已經走咗同受左苦了，希望佢响另一世界冇病冇痛，冇受苦。

私人傳訊

Teaorcoffee

大宅

積分: 2422

232^#

發表於 21-7-3 23:10 |只看該作者

我都為親人嘅離世自責咗好耐。晚晚以淚洗臉。問自己點解無早d發現佢有cancer.
佢遇到啲醫生醫咗佢一段時間都無話佢有cancer. 到最後佢病危，直接就係癌症末期！由果時開始，我深深地思考究竟係唔係所有醫生都係有醫德。依家果d好多眼裡只係錢。衰d講句，無料又無心嘅，就唔好出嚟執業壞人啦。衷心祝佢哋英年生cancer,等佢哋遭遇佢d病人所受的苦。

你唔好再責怪自己啦。人生只有向前望。

私人傳訊

Pighead_mommy

別墅

積分: 925

233^#

發表於 21-7-3 23:27 |只看該作者

Teaorcoffee 發表於 21-7-3 23:10
我都為親人嘅離世自責咗好耐。晚晚以淚洗臉。問自己點解無早d發現佢有cancer.
佢遇到啲醫生醫咗佢一段時間 ...

係，呢啲醫生真係好仆街。希望天有眼，要佢哋承受返所作嘅孽，付出番代價。

私人傳訊

慢吞吞E

男爵府

積分: 6127

234^#

發表於 21-7-3 23:40 |只看該作者

Pighead_mommy 發表於 21-7-3 15:15
本帖最後由 Pighead_mommy 於 21-7-3 15:51 編輯

馮正輝話食咩都得，我就梗係冇聽佢講比奶茶咖啡雞肶我 ...

我果時要見左言語治療師先食得野，藥都係吊同打針，腦部咁多神經線，個醫生咁不負責人！

私人傳訊

Pighead_mommy

別墅

積分: 925

235^#

發表於 21-7-4 00:34 |只看該作者

慢吞吞E 發表於 21-7-3 23:40
我果時要見左言語治療師先食得野，藥都係吊同打針，腦部咁多神經線，個醫生咁不負責人！
...

經過左第一次肺炎之後，我有要求過馮正輝搵言語治療師去幫我媽咪，但係佢話唔使，冇需要，完全唔關事，係佢吞咽神經線嘅問題，言語治療係幫唔到手，只會浪費金錢，咁我哋唯有喺飲食方面小心啲，水或者其他液體狀嘅飲品，好似啲營養奶嗰啲，我哋一定落重凝固粉，另外當時我哋響真善美買咗好多唔同款唔同口味嘅軟餐，另外再響醫院ordered 爛飯，撈埋啲軟餐一齊俾佢食，另外又響文化村買咗好多比吞咽有困難嘅病人專用嘅食品比媽咪食，亦都有買啲適合佢食Baby food比佢，由於之前肺炎嘅經歷，可能令佢怕咗食嘢，所以好多嘢都唔願意食，要氹先食，餵得得一兩匙羹就一兩匙羹。

私人傳訊

Pighead_mommy

別墅

積分: 925

236^#

發表於 21-7-4 00:46 |只看該作者

Pighead_mommy 發表於 21-7-4 00:34
經過左第一次肺炎之後，我有要求過馮正輝搵言語治療師去幫我媽咪，但係佢話唔使，冇需要，完全唔關事，係 ...

總之每隔兩小時，我就要保健員提我媽咪食嘢，就算夜間嗰個保健員，我都要佢keep住留意媽咪，珍取時間比佢食，就算飲一兩啖營養奶都好，因為佢哋話媽咪多數夜晩唔係好訓得，咁飲完營養奶，過一陣餵營養布甸或者baby food。如果d食物重係有d稀，就加三四羹凝固粉，可惜最後都再次落錯格。。，

私人傳訊

Pighead_mommy

別墅

積分: 925

237^#

發表於 21-7-4 01:00 |只看該作者

慢吞吞E 發表於 21-7-3 23:40
我果時要見左言語治療師先食得野，藥都係吊同打針，腦部咁多神經線，個醫生咁不負責人！
...

由於我媽咪隻手太腫同淤得太犀利，已經腫到冇得再種豆，所以就改咗喺腳度種豆，由於有部份藥丸，佢冇辦法吞，所以改做注射方式，但唔係隻隻藥都可以有得用注射方式，只可用藥丸，但又唔比壓碎，所以唯有用暖水浸，浸到啲藥溶晒，再加凝固粉為佢食藥，有時要睇佢心情，如果佢發脾氣，會吐番啲藥出嚟，咁就冇辦法，要等姑娘再俾多次藥，再浸溶佢加凝固粉，續啲續啲慢慢氹佢食，有時用少少水浸溶咗之後，加啲果jam撈埋，再餵佢食，佢就比較易接受。