自由講場 今日: 128 | 主題: 1357766

積分: 21045

221^#

發表於 24-5-7 08:56 |只看該作者

本帖最後由 aidan08 於 24-5-7 09:02 編輯

洋蔥頭媽咪發表於 24-5-7 08:34
睇到阿伯係一個淋善嘅人，比個女偷曬啲錢都衹係好嬲質問，話錫錯個女，相反個女錢到手就逃避兼惡言相向。
...

講粗口對老人家係唔啱，但其實個故事只得大媽同阿伯嘅角度，點解會搞成咁，觀眾無法得知故事的另一面。單睇而家擺喺觀衆面前嘅事實，就係九成九人都認為呢個大媽係好有企圖。佢進擊到報東張，喊苦喊忽，指使阿伯同個女講法庭見⋯⋯睇佢D手法，搞咗好多事出嚟都唔奇。或者仔女一比錢阿伯，阿伯就左手交右手比鬼曬大媽。D仔女可能聯合一齊唔理佢，希望佢清醒呢？其實好多可能性。

我自己都有D經歷。我99一向響某D方面大手大腳，62在生時，佢已經不顧62反對，成副身家炒孖展，嚇到62焦慮症，又響不同美容院狂碌卡，試過碌咗三十萬，然後自己完全唔記得。62最後情緒病自殺走咗。

62過身後，我老公負責照顧99，開頭都無理佢D錢，但佢繼續不停去美容院碌卡，62死咗三個月又碌7萬，比人講兩句買枝eye cream 成萬七蚊。我同老公試過幾次上美容院同D人嘈，鬧佢哋呃老人家。最慘我99碌完係唔記得，就算記得佢一去做treatment 又比人說買更多。死性不改，碌咗幾十萬，無底深潭。除咗美容院同炒孖展，佢基本上成日比人呃，又蠢又要認叻，唔識拒絕人，試過比咗廿萬個工人，人哋一走了之。

終於我老公同佢家姐，一齊勸佢比曬D錢佢哋管理，我99知道自己根本無能力照顧自己，都同意交比佢哋管。兩姊弟要cut 曬佢D卡，現金逐少比，因為一比多佢又即刻比人呃曬。

我99有D朋友，唔知頭唔知路都會以為D仔女待簿阿媽，阿媽D錢無得自由用，好慘，仔女好不孝。但佢哋唔會知如果比我99亂用，好快會比人呃曬。我老公每次見親我99都好忟憎，面口都唔好，因為佢間接令62抑鬱自殺。呢啲嘢，唔通攤開曬同人數咩？

私人傳訊

ballonbb

伯爵府

積分: 15971

222^#

發表於 24-5-7 08:57 |只看該作者

RoseRosa 發表於 24-5-7 08:55
5個仔女唔係唔想拎舊錢，而係本來覺得穩穩陣陣所有錢都係佢哋繼承啦，點知半途殺出個程咬金
...

咁D仔女都係等阿伯死左至分. 好正常.

私人傳訊

capricornbb

積分: 64758

2025中秋節勳章母親節2025勳章 2024年龍年勳章 2018母親節勳章

223^#

發表於 24-5-7 09:01 |只看該作者

洋蔥頭媽咪發表於 24-5-7 08:34
睇到阿伯係一個淋善嘅人，比個女偷曬啲錢都衹係好嬲質問，話錫錯個女，相反個女錢到手就逃避兼惡言相向。
...

其實重點係新大媽在位，個阿伯要大媽唔要仔女，仔女睇唔過眼反晒面，無可口非

私人傳訊

RoseRosa

子爵府

積分: 13698

224^#

發表於 24-5-7 09:07 |只看該作者

capricornbb 發表於 24-5-7 09:01
其實重點係新大媽在位，個阿伯要大媽唔要仔女，仔女睇唔過眼反晒面，無可口非
...

睇亞伯說辭，件事應該係仔女擅自轉哂所有錢兼拒絕接觸，粗口問候，亞伯才揀大媽唔要仔女㗎。我估亞伯呢本意都唔係想將所有家產俾大媽老婆，係仔女處理得差。

私人傳訊

積分: 21045

225^#

發表於 24-5-7 09:15 |只看該作者

洋蔥頭媽咪發表於 24-5-7 08:42
咁講到尾即係啲仔女都驚冇曬啲身家冇得分，把心一橫一次過偷曬，至於仲照唔照顧過阿伯就令一回事啦，唔 ...

仔女無接受訪問，其實點解會五個一齊咁對個老豆，觀眾真係唔知。睇返阿伯自己講，大媽未出現前，仔女對佢都好好，嗰幾百萬九年來無人郁過，要攞走的話，今日可以，九年以來任何時間都可以。

故事有太多可能性，得一個角度根本唔會係事實的全部。但代入仔女角度，其實而家好多老人家可以活到九十幾歲，幾百萬包括埋醫藥費，可能都係緊緊夠阿伯舒服過埋餘生，唔會需要仔女擔心。而家個大媽擺明為錢而來，進擊到幾個月想攞成百萬，又結埋婚。個老父又黐曬線咁信曬個大媽。仔女好自然諗到，比大媽呃曬D錢，第一肯定係唔抵，第二，無曬錢咪又係仔女埋單！一不做二不休，你老來咁樣癲法，個大媽不仁，仔女點解唔可以不義？死鬼阿媽一定希望佢比仔女呃都唔好比個三九唔識七嘅貪心大陸女人呃吧？

私人傳訊

capricornbb

積分: 64758

2025中秋節勳章母親節2025勳章 2024年龍年勳章 2018母親節勳章

226^#

發表於 24-5-7 09:21 |只看該作者

RoseRosa 發表於 24-5-7 09:07
睇亞伯說辭，件事應該係仔女擅自轉哂所有錢兼拒絕接觸，粗口問候，亞伯才揀大媽唔要仔女㗎。我估亞伯呢本 ...

但大媽唔駛一個月已氹掂阿伯科30萬買名貴用品、上床、2個月註冊結婚、到現在都未夠4、5個月，就話要100萬現金

如你代入原本美滿家庭嘅仔女，會有咩想法或行動？

私人傳訊

RoseRosa

子爵府

積分: 13698

227^#

發表於 24-5-7 09:21 |只看該作者

aidan08 發表於 24-5-7 09:15
仔女無接受訪問，其實點解會五個一齊咁對個老豆，觀眾真係唔知。睇返阿伯自己講，大媽未出現前，仔女對佢 ...

嗰九年冇借口郁，邊個夠膽郁，其中任何一個仔女郁，勢必導致父子兄弟姐妹反目成仇。
依家有個共同敵人過嚟瓜分佢哋認為理所當然嘅家產，梗係連成一線對付外敵先啦⋯⋯
好想知佢哋私底下分咗未，還是暫時替亞伯保管

私人傳訊

積分: 21045

228^#

發表於 24-5-7 09:24 |只看該作者

RoseRosa 發表於 24-5-7 09:07
睇亞伯說辭，件事應該係仔女擅自轉哂所有錢兼拒絕接觸，粗口問候，亞伯才揀大媽唔要仔女㗎。我估亞伯呢本 ...

佢本意唔係想？有冇睇第一集，阿伯成個情聖咁，話佢愛佢「老婆」，佢「老婆」鍾意乜佢都會買比佢！

可能老人家無諗過所有家產比曬大媽，但個大媽咁飛擒大咬，其實唔洗幾個月個阿伯極有可能已經無曬「身家」，仲何來有家產分比大媽，已經比大媽納曬啦！

個老豆癲成咁，條大媽吓吓講錢仲話佢老實，D仔女唔嬲就假！你試吓有個屋企人身邊有個大騙子，然後同你講個騙子好老實，我信佢多過信你，你都嬲啦。

私人傳訊

積分: 21045

229^#

發表於 24-5-7 09:29 |只看該作者

本帖最後由 aidan08 於 24-5-7 09:30 編輯

RoseRosa 發表於 24-5-7 09:21
嗰九年冇借口郁，邊個夠膽郁，其中任何一個仔女郁，勢必導致父子兄弟姐妹反目成仇。
依家有個共同敵人過嚟 ...

如果無諗老豆，幾個坐低一齊話分咗佢，九年任何時間都可以啦。

而家係眼見老豆D養老金就嚟比個三九唔識七，擺明呃錢的大媽呃曬，幾十年嚟起碼D仔女都對老豆好過吖，個大媽做過D乜？咁嘅質素發生過關係值四百萬？嬲得滯分曬佢好過益人啦！

私人傳訊

RoseRosa

子爵府

積分: 13698

230^#

發表於 24-5-7 09:32 |只看該作者

capricornbb 發表於 24-5-7 09:21
但大媽唔駛一個月已氹掂阿伯科30萬買名貴用品、上床、2個月註冊結婚、到現在都未夠4、5個月，就話要100萬 ...

其實唔知點處理先叫好，假設一下，應該會係亞伯決定結婚時，開誠布公要求處理好家產先，找到大家滿意嘅方案。

其實咁佢哋家庭又唔算美滿，人人美滿，偏偏亞伯唔美滿，先至想搵個伴侶沉咗船啦

私人傳訊

積分: 21045

231^#

發表於 24-5-7 09:41 |只看該作者

本帖最後由 aidan08 於 24-5-7 09:41 編輯

RoseRosa 發表於 24-5-7 09:32
其實唔知點處理先叫好，假設一下，應該會係亞伯決定結婚時，開誠布公要求處理好家產先，找到大家滿意嘅方 ...

你真係諗得件事太正常！你假設咗個阿伯同大媽係正常戀愛關係然後步入婚姻。

但我話你知，九成九嘅人都睇得出條大媽嘅居心。你覺得傾分家產會又公平又個個人都滿意？琴日嗰集，老伯話聯名係因為自己D錢將來比個女繼承，嗰條大媽已經急更正係「處理」。明眼人都睇到呢個貪心女人想點啦！佢為錢而來係太明顯，就算坐低傾家產點分，呢條八婆一定想盡辦法攞最多。點可能處理好？

私人傳訊

洋蔥頭媽咪

積分: 51374

母親節2025勳章 2025勳章蛇年勳章 2024年龍年勳章 2018復活節勳章畀面勳章 BK Milk勳章

232^#

發表於 24-5-7 09:42 |只看該作者

本帖最後由洋蔥頭媽咪於 24-5-7 09:44 編輯

aidan08 發表於 24-5-7 09:15
仔女無接受訪問，其實點解會五個一齊咁對個老豆，觀眾真係唔知。睇返阿伯自己講，大媽未出現前，仔女對佢 ...

唔好忘記，啲錢本來就係阿伯嘅，就算係媽生前同阿伯積蓄，都係佢兩公婆嘅事，佢真係有權唔留比仔女。

至於阿伯須然老咗，但點解就唔可以鍾意人唔可以揾個老伴照顧，其實如果用意係保護阿伯驚個女人呃佢，轉走錢後都可以單獨約老豆頃，話佢知唔放心驚佢比人呃，幫佢保管但會每月比生活費佢，唔駛攞完錢就割席，袋袋平安唔理個老豆。就算個老豆最終真係被呃，你敢肯定仔女一定會照顧番佢？掉轉你係阿伯都希望仔女理下你感受，阿伯愛大媽係佢嘅事，做仔女嘅如果最終發現個大媽冇呃佢的話，有人照顧老豆唔好咩，就算唔比番曬啲錢阿伯都唔應該咁對佢囉 !

私人傳訊

capricornbb

積分: 64758

2025中秋節勳章母親節2025勳章 2024年龍年勳章 2018母親節勳章

233^#

發表於 24-5-7 09:48 |只看該作者

洋蔥頭媽咪發表於 24-5-7 09:42
唔好忘記，啲錢本來就係阿伯嘅，就算係媽生前同阿伯積蓄，都係佢兩公婆嘅事，佢真係有權唔留比仔女。

至 ...

聽阿伯昨晚話，仔女喺電話同佢講好多次xxx（佢亡妻個名），阿伯唔想聽

私人傳訊

積分: 21045

234^#

發表於 24-5-7 09:53 |只看該作者

洋蔥頭媽咪發表於 24-5-7 09:42
唔好忘記，啲錢本來就係阿伯嘅，就算係媽生前同阿伯積蓄，都係佢兩公婆嘅事，佢真係有權唔留比仔女。

至 ...

我嘅睇法係件事根本唔簡單，D仔女唔出來講，根本唔會知發生乜事。我都話可能性根本好多，例如比幾多個老伯，佢都係轉頭比曬大媽，又話要攞更多，你係仔女會明知佢比人呃繼續比直至佢無曬D錢？我老公都睇唔過眼美容院呃曬佢媽D錢啦！你都可以話個老人家鍾意做facial 點解唔比佢做？D錢係佢嘅，佢有做facial 的自由。但佢擺明就係比人呃，D treatment 數目多到呢世都做唔完，你會繼續由佢去美容院幾十萬幾十萬咁比人欺騙？D錢咁倒法不如我衰D立曬佢啦！

親人角度一定係比騙子呃錢，不如我衰D攞曬佢，好多時，親人為個當事人可能有付出過，更加覺得比騙子呃不如你不仁我不義！

私人傳訊

pochario