吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我應否辭去正職改為半職？

自由講場今日: 1941|主題: 1357032

收藏本版

回覆發帖

返回列表

跳至頁

樓主: 早兒媽媽

9 10 111213

積分: 50031

221^#

發表於 25-2-8 15:58 |只看該作者

回覆樓主:

我建議你阿媽都住老人院唔係陪同你阿爸，而係你阿媽年紀都大啦，唔得長期日夜咁操勞，避免你阿媽都出事，你陷入更大困境。當然無咗你阿媽照顧，逼到你阿爸住老人院更加好。

你阿媽甚至唔使同你阿爸住同一間老人院，或者你阿媽住一段時間唔鍾意可以搬返屋企，有一段時間休養生息都好。

你要諗嘅係最壞情況，到你阿媽都出事，兩個都無住老人院，又無工人，你點算？你咪一樣要請工人/掉佢哋入老人院，如果你已經改半職人工少咗一半，點支持？

你哋三個都貪圖眼前舒適，逃避現實。你阿爸賴有你阿媽照顧，唔肯住老人院。你阿媽怕你阿爸住老人院之後，好快佢都要去老人院。你工作壓力大，工人又勞氣，就用孝順改半職回歸家庭。人人都想避風，無人肯做港。

你同你阿媽唔可以全部時間都服侍你阿爸，老人院同請工人一定要揀其中一個。

私人傳訊回覆引用

早兒媽媽

男爵府

積分: 8431

222^#

發表於 25-2-8 17:11 |只看該作者

takeiteasy0809 發表於 25-2-8 15:33
兩個例子俾你參考：
1）我朋友爸爸60歲是有柏金遜間，中風已經不能自理，但係佢媽媽好堅持照顧佢爸爸，所 ...

感謝你分享2個真實例子
其中一點我勸家父入老人院的理由是媽媽已76歲，老了要照顧老伴會勞損得很快，媽媽晚年理應清閒一點，既然未能請到好工人，家父不為自己為媽媽也要入住，可惜家父還是要求媽媽照顧得一日得一日。
我的工作壓力真的大，為錢才繼續做，但實在不能再加壓，家父失能+年老媽媽+換工人，已過了2年多，再拖長落去真受不了！
幾時能遇上有心長做的工人(不是用我家來攝期)我控制不了，所以想把握今次送爸入住老人院機會。試試看家庭壓力少了，我應付工作的耐力會否提昇。
若父母那邊壓力不減，我自問不能再同時承受工作壓力，那只能辭去現有工作。
家父脾氣不差，對我也有禮(例如我幫家父剃鬍子後他會對我說"麻煩你啦！")
家父只是條命唔好，全失能但走唔到。
眼見工人冇耐性餵食(每餐1小時以上)，工人邊餵邊黑面家父也不出聲，我看見會難受心酸。
我遲遲不敢辭職就是為錢。明白辭職後再找新工，現職一半人工都冇。
2年多請/換3個工人錢花了不少，卻不見得明顯減輕壓力，自問冇"太太命"。

私人傳訊回覆引用

168138

男爵府

積分: 8274

223^#

發表於 25-2-9 08:41 |只看該作者

早兒媽媽發表於 25-2-8 09:17
在自己家和老人院有好大差別。你可以去老人院參觀下，每月院費1萬多的單人房冇獨在洗手間的，房間面積約60 ...

我緊係知一般老人院都係得間房仔或矮身的板間房，兼且冇獨立廁所啦，但你嘅財力而家只可以有呢啲老人院選擇！氛圍就真係好睇你爸爸媽媽係咪適應力強，會唔會投入老人院安排嘅活動，如果佢哋本身都唔中意同人溝通，冇咩社交的話，咁就一定唔會中意住老人院。
但你呀媽行得走得，佢點都比其他院友係活動上自由囉。

你爸爸表明唔去老人院，你媽媽又唔會陪佢入住鼓勵佢，兼且你媽媽應該都係唔想入老人院，工人請到又做唔長，你咁諗轉半職或搵兼職去照顧佢哋都有道理嘅。到時冇錢可以申請綜援，仲會有好多費用會得到支援同資助㗎，你最好搵定社工跟進。

私人傳訊回覆引用

egb1020

大宅

積分: 2759

224^#

發表於 25-2-9 09:43 |只看該作者

梗係唔轉，人到中年，搵多個錢旁身。俾多啲人工，請個有醫護經驗嘅姐姐照顧老人家，就算俾到一萬一個月，你自己份糧都仲有4萬，鬆動好多

私人傳訊回覆引用

Anpanmama

翡翠宮

積分: 98744

2026勳章父親節2025勳章母親節2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

225^#

發表於 25-2-9 15:11 |只看該作者

早兒媽媽發表於 25-2-7 11:04
情況如下：
50歲單身，與父母同住自置30年樓齡居屋(已供完)，現時月新5萬(做了2x年，由1萬多做至今日5萬)。 ...

其實有邊個老人家意願係肯入老人院？
佢一個人嘅意願係要留喺家中居家安老，咁即係自私地剝削其他人嘅基本生活，佢係咁自私，點解你唔可以為你媽媽同你自己着想？
送佢最近屋企嘅老人院舍，你同媽媽日日可以過去睇佢陪佢，佢一啲都唔會寂寞，相反得到更妥善嘅照顧！
個人嘅生活質素同埋經濟條件都係相當重要嘅考慮因素，已經唔係佢一個人話事！
我就係因為遇着你差不多嘅情況，乜嘢難聽過粗口都俾佢攞嚟鬧我，但佢一個人真係會影響多多10個人嘅生活質素，就算唔同住每個分支家庭抽一個人嘅照顧佢，自己嘅家庭都會產生極大嘅變化，唔可以為咁樣而犧牲！
呢部係好難行亦都好難過，，希望你理智一啲處理。

私人傳訊回覆引用

annie133

公爵府

積分: 26363

226^#

發表於 25-2-9 15:48 |只看該作者

早兒媽媽發表於 25-2-7 11:04
情況如下：
50歲單身，與父母同住自置30年樓齡居屋(已供完)，現時月新5萬(做了2x年，由1萬多做至今日5萬)。 ...

咁我寧願請工人照顧，起碼自己可以休息吓，或者你再請，不過加少少人工睇吓落唔留到。

私人傳訊回覆引用

Winniecml

大宅

積分: 2263

227^#

發表於 25-2-9 15:59 |只看該作者

其實都明白有邊個願意住老人院，但都要面對現實，可以的話最好兩老一齊入老人院，可以互相照應，又有人照顧佢哋起居飲食，此終兩個都老。

如果真係唔肯，就唯有請工人。但樓主屋企環境比較細，工人都冇自己空間，估計都係要瞓廳，仲要照顧兩個長者，其中一個仲要長期臥床，根本冇工人願意長做，樓主只能用一個好可觀人工吸引佢哋為錢做耐啲，例如$8000或者再多啲，工人睇錢情況下都會願意繼續捱，冇咁容易唔做。

私人傳訊回覆引用

banbanmm

珍珠宮

積分: 39006

畀面勳章

228^#

發表於 25-2-9 16:07 |只看該作者

回覆樓主：

本帖最後由 banbanmm 於 25-2-9 16:07 編輯

繼續請工人，你轉半職加主力照顧爸爸的話，你亦未必頂得順。

私人傳訊回覆引用

davidfcc

大宅

積分: 1490

229^#

發表於 25-2-9 16:16 |只看該作者

係屋企附近再租多間村屋,俾你父母及工人住..工人做唔長其中一個原因係你家細,同埋你媽而家長期訓廳都辛苦

私人傳訊回覆引用

orezo

伯爵府

積分: 16025

230^#

發表於 25-2-9 16:35 |只看該作者

早兒媽媽發表於 25-2-7 21:21
家父是自私的，我早已提過媽媽年老，換片/餵食好辛苦，好大機會媽媽會比家父走得更快。家父竟然回我一句： ...

如果你細過時意願係唔想返學，你父母有無唔使你返？做人不能太自私，安排老父入老人院試住，再搵社工幫手啦！

私人傳訊回覆引用

Mochachoi

男爵府

積分: 8202

231^#

發表於 25-2-9 16:36 |只看該作者

回覆樓主：

本帖最後由 Mochachoi 於 25-2-9 16:39 編輯

我個auntie屋企都有錢，但係照顧唔到uncle。因為auntie年紀都大。最後auntie 頂吾順，所以uncle入咗老人院。
慢慢同佢講，帶佢去睇吓地方先，好多時第一下好難接受，但係佢哋會慢慢體諒屋企人真係做唔嚟。
如果一間老人院唔啱，就搵過第二間，我親戚好彩搵第二間已經ok接受到。
你搵到錢，你負責做搵錢嗰個都好重要，開支都好大。

私人傳訊回覆引用

早兒媽媽

男爵府

積分: 8431

232^#

發表於 25-2-9 16:55 |只看該作者

Mochachoi 發表於 25-2-9 16:36
我個auntie屋企都有錢，但係照顧唔到uncle。因為auntie年紀都大。最後auntie 頂吾順，所以uncle入咗老人院 ...

感謝你的分享，你auntie屋企有錢，估計屋企面積足夠請工人甚至2個工人，人工也負擔到比市價高，最終都係要送老伴入老人院。那我更肯定送家父去老人院較繼續請工人適合我家現在處境，只是我仍未勸到家父同意入住。

私人傳訊回覆引用

littlesister

琥珀宮

積分: 158843

畀面勳章

233^#

發表於 25-2-9 17:14 |只看該作者

請日間照顧員囉，你人工唔低應該可以

私人傳訊回覆引用

littlesister

琥珀宮

積分: 158843

畀面勳章

234^#

發表於 25-2-9 17:16 |只看該作者

早兒媽媽發表於 25-2-9 16:55
感謝你的分享，你auntie屋企有錢，估計屋企面積足夠請工人甚至2個工人，人工也負擔到比市價高，最終都係要 ...

有冇想高強硬一下？要佢一定要去，最多媽媽日間去陪佢囉

私人傳訊回覆引用

cheung2013

伯爵府

積分: 16310

235^#

發表於 25-2-9 17:16 |只看該作者

本帖最後由 cheung2013 於 25-2-9 17:18 編輯

早兒媽媽發表於 25-2-9 16:55
感謝你的分享，你auntie屋企有錢，估計屋企面積足夠請工人甚至2個工人，人工也負擔到比市價高，最終都係要 ...

你要勸掂你媽和你同一陣線，一齊勸你老父和佢老公才有效，否則你老父有老婆撐腰，依賴老婆全職和個女兼職照顧又搵錢供養，食米唔知米貴唔知個女就嚟壓力爆煲。首先你要向你媽痛陳利弊先，如果老父不入老人院，你就要轉兼職搵少好多，普通兼職一萬都唔知有冇，到時全家可能要食西北風，如果你阿媽越嚟越老再自理不到，你照顧唔到兩個就要一齊送入老人院，現實冇錢就唯有靠綜援啦，到時老人院質素一定最最最差，係咪要行到呢一步？探探你媽口風，睇你阿媽係咪仲支持老公留在家中安老