占仔老公 寫道:
小manman
唔好意思, 昨晚比老婆捉左去睇"哈爾"攪到2點幾先返到屋企, 今朝九點又要開鋪, 我諗你而家最緊要係攪清楚你男朋友想搞咩生意, 同埋有無呢方面經驗, 如果有, 可以叫佢同佢阿媽講自己o既計劃, 如果無經驗, 就一定要叫佢係呢個行業打一排工(最少2-3年), 睇下人地點樣經營運作, 吸收經驗, 最重要係睇下佢自己係唔係真係有興趣o係呢行發展, 因為生意一開始左就唔可以好似打工咁唔鍾意就拍下"羅由"話唔做就就唔做, 好似我咁, 做門市生意, 就算幾唔想都要開鋪, 每日十二小時工作, 年中無休.
而在於你地雙方家長方面, 佢地諗法係o岩o既, 第一你媽咪會覺得你honey遊手好閒, 無份工做得長, 跟本比唔到信心你媽咪, 虎毒不吃兒, 天下所有父母都唔會害自己仔女, 你媽咪係想你嫁一個可以照顧你下半生的人, 而唔係要你同佢捱死一世的人; 至於你男朋友媽咪, 我諗呢個世界無人比佢更清楚自己個仔, 唔比錢佢係可以理解, 佢對你男朋友無信心, 佢唔信你男朋友有能力攪得好盤生意, 如果佢媽咪對佢有信心, 我唔信佢會阻住自己個仔發達.
你而家首先要做o既野係問下自己有幾鍾意呢個男仔, 係唔係去到非君不嫁, 如果係, 你就要幫佢o係家人同朋友心目中建立番人地對佢o既信心, 但你要有心理準備, 呢個過程你同佢都會好辛苦, 同埋要好長時間, 結果係點大家都唔知, 不過最起碼可以證明比人睇你唔係為錢而同呢個男仔結婚, 我讀得書少, 唔識講野, 如果講錯野希望你唔好介意, 但好希望可以幫到你
Kiwizaki 寫道:
嘩...估唔到齋睇呢個topic用左大半個鐘,勁.
睇完小manman一路以黎既回應,下巴都跌埋落黎,真係睇到又又歎息
小manman,要講既其他媽媽講晒,只係有少少補充:
妳信下人地講啦,佢地個個都金石良言,曾經,我同妳一樣以為同心愛既男人結婚,會好溫馨. 但係有一日妳會知道,呢樣野都幾難發生,婚後係另一回事, 結左婚,生活擔子越重,男人越唔會同妳浪漫.
仲有,妳真係太自我中心,太過計較. 有一句話妳可能聽得多,但係未真係領會到: 如果兩個人係真心相愛,一紙婚書不能代表什麼. 如果你地唔係有左bb,四十歲,五十歲結婚又如何? 結婚只為俾bb一個名份o者.
妳既問題係太介意人地點睇你地,有智慧既媽媽都指出: 妳怕人講? 今日可以講妳男朋友冇用,結唔成婚; 他日一樣可以講妳嫁錯郎,人地要講,乜都可以講,妳介意得幾多?
小manman,我唔係鬧妳,我而家好似睇到以前既自己,結婚前俾太多憧憬自己,以為老公咁愛自己,又係好男人,結左婚一定好溫馨快樂,但係終於會明白(同心愛既人結婚=幸福小家庭)呢個formula係太過童話,妳係咪同我一樣,睇得太多瓊瑤/岑凱倫....happy ending,同心愛既男人結婚,就會過住好幸福既生活. bullshit.
唔係妳阿媽現實,係有過生活經驗既人先會好清楚你地問題徵結所在,妳俾愛情蒙蔽左雙眼,但係妳媽媽旁觀者清,先會咁做,不過佢個方式反而會令妳反感
唔好再逼妳honey結婚啦,你地錯在同身邊d人講晒會結婚,但現實係你地未ready,兩個都唔成熟,又冇經濟能力,是婚姻不是婚禮,長廂廝守,係有幾十年要一齊過,係妳而家年紀既幾倍喎....請三思. (如果有生活經驗既人都唔會再自己既私事同人講,那怕係朋友/親戚 -> 一日未成事都唔好講出去,唔成事又要同人交代,又難落台又無謂)
小manman 寫道:
其實,我好想問下,我honey無野做係咪我的錯呢???
我都知我係感情方面的思想係好幼稚,但每個人都有諗唔通的時候吧!!!
我可以話我依架好似失去左方向同理智咁,我都唔知自己想點???又唔知點幫我honey好~~~
我honey做生意的問題,只有佢同佢媽咪先可以解決到,我根本做唔到d乜野,其實,我都讚成佢試下既,起碼唔使好似咁乜都做唔到~~~
我唔開心既野同唔到其他人講,又唔想同屋企講,所以只好上黎bk發下牢騷,我都想有人比下意見,話我知我依架應該點做好~~~
rubyl928 寫道:
[quote]
小manman 寫道:
其實,我好想問下,我honey無野做係咪我的錯呢???
我都知我係感情方面的思想係好幼稚,但每個人都有諗唔通的時候吧!!!
我可以話我依架好似失去左方向同理智咁,我都唔知自己想點???又唔知點幫我honey好~~~
我honey做生意的問題,只有佢同佢媽咪先可以解決到,我根本做唔到d乜野,其實,我都讚成佢試下既,起碼唔使好似咁乜都做唔到~~~
我唔開心既野同唔到其他人講,又唔想同屋企講,所以只好上黎bk發下牢騷,我都想有人比下意見,話我知我依架應該點做好~~~
monmonpupu 寫道:
唉~真係忍唔住要回應吓 :
小manman,
點解你要咁介意人地d說話? 你生存係為咗自己定人地??
其實講煩我咪仲煩過你, 你都係得嗰24歲, 我成34歲拍咗拖16年, 男友對我好好, 好聽我話, 仲任我
但係衰在搵唔到$$, 屋企"立立亂" - 大佬唔
理阿媽, 唔俾$$(但唔係無喎, 吹咩~), 個細妹走咗去上海(好彩仲有俾$$佢阿媽) 依家得番我男友同佢阿媽一齊住[size=large]套房, 做緊散工, 得3千幾蚊~佢地之前有d債未還, 所以依家d生活$$都要我照顧, 佢都覺得好慚愧, 成日同我say sorry, 但有時真係覺得好鬼煩, sorry 有用咩?? 自己成日都諗係咪應該同佢分手?? d 朋友都叫我"不如分手罷啦, 睇見你都辛苦, 又唔係搵得少, 但就儲唔到$$, 就算有"炸"一聲又要借俾我男友"
小manman, 你話我煩d定你煩d?? 其實跟本係你自己嘅問題, 點解一定要迫佢結婚, 咩叫自己講過嘅野一定要做啫, 睇情況gar ma, 人要識變通至得, 千奇唔好鑽牛角尖, 你得嗰24歲, 重有大把時間, 真係唔啱咪分手law, 我最憎人為咗感情事而想死, 你試下去醫院行一轉, 幾多人唔想死係到掙扎緊,你居然為咗d咁無謂嘅事想死?? 死咗都俾人笑啦 :lol:
我好樂觀gar, 雖然感情同屋企事都煩, 但開唔開心都要過, 咁~~不如開心d啦! 傻妹
希望你明白我地所有人嘅苦心, 因為我打呢篇野打咗粒幾鐘,簡直係頭又痛腰又痛, 仲有就快餓死tim
發表於 
:evil: 
返回列表
