夫婦情感今日: 0|主題: 42737

收藏本版

發帖

返回列表

跳至頁

樓主: oguh

10 111213 14...59

oguh

積分: 11575

221^#

發表於 12-8-6 21:02 |只看該作者

共同嗜好？

話說，Bruce係一個好理性既人，平時無咩感性一面。佢睇書都係鍾意睇D實用書、社會學書、人物傳記同商業有關既書，如果你同佢講”Tuseday with Morrie”好好睇好有意思，佢會回你一個不屑既眼神，彷彿話緊你低B，任何流行文學，都被佢列入「墊桌子系」。

而睇電影呢，佢就充份表現佢MAN既一面（咪話我唔寫得你man D喇！）最鍾意睇荷里活動作片、外星人片、怪獸片、喪屍片、恐佈片、槍戰片。總之，如果套戲，有齊外星人、機械人、爆破、美軍、流血，佢就睇得好開心，例如「變型金鋼」「未來戰士」之類。打打打，殺殺殺，佢睇到熱血沸騰。

睇果D戲，佢會一早約定我邊日去睇，自己自動自覺上網買定飛，買晒爆谷熱狗。

我本人都鍾意睇果D娛樂片，但我都鍾意文藝、另類電影。叫佢陪我去睇，唔洗旨意佢會好主動咁又買飛又約我，次次都係半推半就咁去。有次同佢去睇Science of Sleep，唔算悶啦，個導演都好玩野，我好鍾意，點知未到一半佢已經瞓著；同佢睇下D英國戲，以為佢會鍾意，聽下D英國口音解下鄉愁，早排有套英國戲Never Let Me Go，結局睇到我流晒眼淚，佢係我身邊瞓到昏迷咁，醒左之後話：「下，完喇？我睇左15分鍾都無！」

之前同佢去睇楊紫瓊做果套The Lady，佢扮演昂山素姬，當戲裡昂山素姬被軍人包圍威迫佢、情感非常緊張、非常intense之時，Bruce細細聲係我耳邊講：「楊紫瓊你出功夫踢爆佢地個頭咪得囉！洗乜驚佢地！」當場我真係想醒佢兩巴，佢以為自己好風趣，仲係度笑。臨尾我喊到用晒包紙巾咁濟，佢話：「做戲之MA！昂山素姬無事wor，尋日新聞先見到佢好精神！」然後遞紙巾比我。

有時睇完某D好好既戲，睇完我情緒仲好激動，好想搵人討論下套戲時，我問佢，你覺得點？佢會答我：「我覺得好肚餓，不如去食D野。」

所以，大部份時間，我會同佢去睇佢鍾意既戲，而我鍾意既戲，通常我自己一個睇或同朋友睇，無謂比佢掃我興。

諗諗下，同Bruce真係無咩共同嗜好，我都鍾意同佢一齊做運動，雖然佢大我咁多，但體能一定好過我，跑步我又跟唔到，游水潛水又無佢咁叻，打網球又唔夠佢反應，無癮。

兩個無共同嗜好、性格又好唔用既人走埋一齊，要經過長時間共處、磨合，先有共同睇法、生活上喜好、品味，即使有時我自己一個去睇戲會覺得孤單，但每次同佢講我其他工作上、人生上既想法或計劃，佢一定會支持我，默默助我去實現，呢一樣野都係非常難得珍貴。