如果荃灣我都OK喎!不過只限星期六同埋星期四囉! 我真係好忙架!( :mrgreen: 吾好打我~~~~) 都好啦,咁多節目俾自己忙下,至少吾會悶嘛!你細女仲讀緊書架??? 
chinatea 寫道:
jay媽...你仲好野得咁大聲...成日最忙係你打打打...嘿
我最多就係去荃灣綠楊潮州酒樓飲,有地鐵又有車位又有千色又有shopping,yeah!!!!
其實我今日探完人都去左浸會接我女放學,之後車佢返工痴下個細女law.好耐冇見佢啦.個三女今晚去陪亞公亞婆食飯咁我咪周圍走下啦.
好羨慕你呀!四個仔女都咁鍚你又生性又同你咁FRIEND!我都吾知J仔第時會吾會咁叻仔豬,吾駛我叫自己都可以顧得掂自己,又可以讀書番工都叻...! 
可能我好細個亞媽就吾同我地住,我老豆又係自自閉閉嗰隻吾會同我地傾計,所以有時見到D人,屋企上上下下都好CLOSE好似老友記咁相處,我真係覺得好羨慕!吾知個感覺會係點呢! chinatea 寫道:
我亞3同亞4半工讀亞3直情有讀書狂,呢個女今日同我講:亞媽我唔做啦,遲左工啦,12月我報左野讀,我報埋個碩士拎多個學位....難為個男朋友周圍追佢.
我幾個細路就係咁,我比佢地絕對自由,不過講明養到18歲之後自己養自己架啦.我同佢地係朋友來者,但係反而咁大家感情好好,佢地去邊都日日打電話來報下平安架,起碼唔煙唔爛唔毒咁已經very good la.
我都幾鐘意同朋友出街玩架!不過响屋企我都吾會悶,因為我太鐘意訓覺喇!一有機會我實一個人霸住張大床大覺訓!真係好舒服架! 夜晚可能一家三口訓一張床,無咁舒服,所以周不時好似依家咁眼光光飲左豬肉湯咁精神...家下就話慳下電至俾J仔同我地訓一間房開一部冷氣訓,遲下等再凍D時就要叫佢入番自己間房訓...費時搞到我訓又訓吾到,朝朝起身都周身骨痛先啦! 
饅頭媽媽(町) 寫道:
chinatea
你都幾多節目呀 點會悶~~
我老公係咁架啦 唉 頭先佢妹先黎同佢傾計....
我覺得我老公越黎越唔想用腦用神,乜都交比我煩......我都好睏囉..................
jay媽
你都好鬼屎忙呀~~
岩岩至番到屋企無耐咋~~~~!!!今日真係好忙!原本今朝湊仔番學番到屋企就標入房訓,真係衰,想訓既時候硬係訓吾着,到我差吾多夠鐘要起身時又訓鬼着左!好彩都準時去到J仔學校同J仔&同學去交通安全城啫!!! 
跟住之後去到九龍醫院(J仔做治療)我已經頂吾住,係咁恰眼訓之餘仲要有D脾氣添...一見到J仔有少少吾聽姑娘話,我就鬧到佢風COME仲要話佢吾乖, 搞到之後J仔去北角做言語治療好乖貓仔! 開心C我~~~~!!! 不過我都慣架喇...始終都知佢都鍚我既,只係大家真係吾岩CHANNEL,呢樣真係無得強求. 饅頭媽媽(町) 寫道:
我都同我媽算fd架~hahaha~~我有乜都會同佢講,可能由細到大習慣左 細個放學返黎 佢就會問我今日學校有乜事發生呀?咁所以大左都會有乜都同佢傾囉,我都好想饅頭大左會同我係咁,乜都同我講就好喇~~~
我尋晚訓唔著,但又暈又想嘔.到今朝先訓...........九點鐘出面有人轉野勁嘈喎 又醒 十點幾轉完先訓返
chinatea
你未好返呀,買支肶爬膏食啦~haha我唔記得點打....譯住音先.....咪咳傷個肺架~~
jay媽
我都係同埋個女一齊訓,所以而家訓覺都唔覺舒服,以前我都好鍾意一個人訓晒張大床,o個時老公一早返左工 我就係訓得最臨既時間~hgahaha而家都冇呢支歌仔唱lu~~呀囡又懶訓,半夜一腳踢落我個頭到...............等佢大d我都要佢自己訓
phoebe
做乜兩日唔上黎,有乜攪作呀
今日同J仔跟埋教會&我大佬去濕地公園玩呀!嗰度真係幾靚幾舒服,衰在吾夠時間慢慢行&睇風景啦,下次真係要帶埋隻佬一家三口再去玩過!嗰度有個室內遊戲室架!個滑梯成棵樹咁又長又好玩,我諗都幾岩我地D細路去玩,今日我行程太趕喇,所以個仔都無入去玩,惟有等下次再去至有得玩...不過順帶一提,嗰樹係要排隊架.
呢間屋你都係岩岩搬入黎咋?有無得投訴/追究個地產介紹間咁既屋你住呀?? 你試下去買D殺虫葯去幫間屋大掃除先啦!你要同個業主反映,咁樣住落去都吾係辦法...幾歹都要嘈到業主肯做番D野補救甚至俾你地提早搬走至得!千祈咪忍呀!D業主衰起上黎真係會恰D租客架! :evil: :evil: :evil:饅頭媽媽(町) 寫道:
我好煩呀就黎痴線架喇 搬左呢間屋之後好煩好煩~~
頭先返到屋企見到lift口 貼左d紙話我呢個單位爭人錢,但比人撕左d 落黎 我又睇唔清楚喎...................我好想搬呀
間屋又有蟻 我好怕d昆虫 攪到我周身痕 我好似有精神病咁
個身係咁r 先唔痕........好似有野係我個身到咁........
上手租客又攪乜d咁既野 我應該點做呀 救命呀
:-( :-( :-( :-( :-( :-( :-( :-( :-( :-(
無錯喇!總之你麻煩過佢(地產同業主),煩住佢地先得架!你越係客氣越係吾麻麻煩煩,佢地實衰到側側膊吾理你架! chinatea 寫道:
你呀..提左你叫地產打去財務之外自己都打去剷佢呀,唔可以拖架啦,即咁簽左租約者如果証明到係間屋有白蟻,有問題而唔係你帶去的話係可以要求終止租約同比返d錢你.(你要搵到蟻路影埋相)
財務d信你如果再見到就留起一張,加上你備過案你再打去話佢地仲有來貼大字報,如果呢間屋d人有咩頭暈身興入哂佢公司數,對呢d野唔長氣唔惡唔得架.
個地產唔合作唔理的話可以投訴個地產xx會架,咁佢地好大獲架.
發表於 
<br>
返回列表
