想生BB 今日: 0 | 主題: 109568

積分: 442

221^#

發表於 07-3-13 14:48 |只看該作者

Re: 今日好down.....

小寶貝兒,

看咗你入院個blog la (有d 都幾搞笑, 4年前咪即係sars 那年,

), 我記得之前我陪c6入院, 瑪加烈d姑娘都幾好架, 只係今次我那個比較唔夠温柔啫, 無所謂la..

看番你個blog d 相, 你同你老公都好登對, 你都幾靚喎

私人傳訊

積分: 30295

222^#

發表於 07-3-13 15:27 |只看該作者

Re: 今日好down.....

丫~~ 咁應該係5年前, 我記得係未到sars既~~
唔記得左而家已經係2007年啦......
成日形住仲係2006......

哎呀~~ 唔好咁讚我啦~~ 其實係果d相影得靚咋~~ 個化妝師好勁, 個攝影師又識搵angle令我睇落冇咁肥咋~~

不過我同老公都真係幾似樣, 因為大家都咁肥丫麻~~~ 肥人個個都差唔多架啦~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 1511

223^#

發表於 07-3-14 00:21 |只看該作者

Re: 今日好down.....

小寶貝兒, timlc, Naiyauso..

大家好 ! 我家電腦已整好 ! 不過 c6 話要追番個 game ，因此成晚都唔比我用，他剛去了洗白白。

我偷用

Naiyauso,
你 c6 都好好呀 ! 買比腦比你呀 !
你公司有幾多個同事呀 ! 佢地都幾好呀 ! 可以同多 d 人傾下，對自己都好呀 ~

timlc,
我是住長隆hotel ~ yeah !!!!
不過，唔知有沒時間去 swimming 呢，因為我們跟人公司一齊去。因此，星期六下午先開始去。星期六晚食完 buffet後會去睇馬戲團 ^.^
跟住星期日去歡樂世界玩，等我回來再同大家報告下

不過，多謝你的意見先 *.*

小寶貝兒 ,
你同 c6 可不可在復活節去玩一下呢 ? 因為 summer 我怕會太熱啊 ! 跟團好像是 $1xxx, 一個人，印象中唔貴。
我剛也睇了你個 blog ，真是幾禍不單行啊 ! 不過你用了好輕鬆方式寫出來，因此在你可憐的同時又感覺到你的活潑啊 !
點解你前老闆娘會唔 like 你先 ???　你都應該幾易使人開心啊　！　
你張相都真係幾正啊　！有沒多 d 睇先 ?

好啦 ! 我 c6 出來啦，我要走啦 ! 886 , all sister

私人傳訊

積分: 30295

224^#

發表於 07-3-14 01:27 |只看該作者

Re: 今日好down.....

ccmssm,
呵呵~~ 整返就好啦~~~
追返咩game啊~~ 佢有玩online game??
我有時睇我細佬玩果d online既war game, 真係玩都玩得辛苦過人, 手機要擺係前面, 仲有個mic, 然後左手keyboard右手mouse, 一開始先用手機同d fd約好係邊間房等, 然後開始就又要講咩"12點方向, 7點方向, xxyyookkhbbj"一輪咀係咁講, 然後隻手又要不停打野, 有時仲要放底mouse打下字添(講唔得架咩, 要打字?!)
打機打到咁, 真係鄧佢辛苦.....

復活節老公未必得閒, 要最後衝刺幫d學生補課, 因為放完假返去第2week就考會考啦~~~ 點都操fit埋佢啦~~

我check過, 反而summer去宿霧唔算熱呢~~
(我今年想去d陽光與海灘既地方relax下, 老公就話想去台南玩, 同買漫畫<--呢樣先係重點.... 我地仲未deal好去邊....)

其實果晚既野我都只係有少少印象, 因為發燒燒到個人都懞懞下囉~~ 仲邊記得咁多丫....
通常好多野事後我可以用d自嘲/funny d既語氣講返出黎, 但如果妳當時問我, 我一定起勢咁鬧個衰佬!! 咁都唔顧住我!!

我都唔知點解我老闆娘唔like我啊?! 或者我同佢唔係同一類人掛?! 佢好鐘意嘲笑我, 串我, 講到咩都係我錯, 係我一個人累左大家咁, 但當佢既秘書出錯, 又係我錯!!!

果件事講起又係激氣, 當日我請左假去行畢業禮, 佢已經阿之阿左, 話畢業禮有乜好去, 我心諗我采你都有味啦, 你冇畢業禮唔等於人地都冇架麻!! 我已經將d野整好, 放係檯頭, 同佢秘書講話果日會有人send d label 版黎, 對返岩d字就得架啦! (以前都係佢跟開, 我黎左先比我做, 所以佢一定識!! 其他人唔得閒d label版都係佢對既!!)
咁呢d野好簡單之麻, 手版眼見工夫!! 點知我第2日返工, 一返到去就發現, 佢對錯左!!!!! 咁大隻字都可以對錯!! 跟住我即刻補鑊啦, 好彩冧得掂間廠幫我再整過姐!! 呢次既事, 冇人幫過我手, 係我一個人搞返掂, 個秘書冇同我道過歉不特止, 個老闆娘仲話我"去去去, 去乜鬼野畢業禮丫, 係咪呢, 搞錯晒d野勒!!!" 我心諗, 頂, 又唔係我既錯, 咁都要省我??
之後佢仲串, send封email比全公司&大陸廠同事, d說話單單打打, 我同自己講, 我係淑女, 我比果d心理不平衡既雌性動物高貴大方, 我係唔會理佢既!!
佢見激唔到我自己resign, 於是就比封warning letter我, 話我工作能力差, 乜乜物物咁, 仲話出夠2封第3次犯錯佢就即炒唔使賠!!

當我做多一陣, 佢仲係3日唔埋2日就單單打打, 我肥又關佢事, 我男友(即係而家老公)叻又關佢事, 乜都串我一餐, 乜都關我事!! 到左農曆年之後第一日返工, 我就將封resign信放佢檯頭, 我炒佢好過佢炒我!!!
之後一個月我日日準時返準時走~ 仲返工時候上下網, 玩下game, 不知幾正!!!
我先至唔會幫呢d心理不平衡既雌性動物打工呀!!!

我d婚紗相? 有呀~~
http://www.flickr.com/photos/36946880@N00/sets/1077080/

私人傳訊

積分: 442

225^#

發表於 07-3-14 11:08 |只看該作者

Re: 今日好down.....

ccmssm,

可以游水架, 你可以看完馬戲(因為好早完架la)或者早d起身law.唔好浪費個靚泳池呀.我都計劃可能復活節去青島/北京玩呀, 不過個c6 懶懶閑咁

小寶貝,
你d 相幾好喎, 你d 皮膚都幾白淨, 你老公都好高大下喎.你就好la. 去台灣影, 我同c6都係香港影咗一輯咋~ 邊有咁多衫換咁好..

我今日發現我左手那個針的傷口(唔成功抽血那邊), 瘀咗一大塊呀! 昨晚同我99講個姑娘(比隻手佢看), 99話唔好再去看, 做咩要受d 咁的待遇, 又唔係平~ 不過我想我會看到出晒報告, 了解咗大家的情況, 再轉私家la! 我發覺如果要做咁多野, 要用好多時間, 我而家份工真係好又放星期一, 所以先可以咁彈性,可以做到這些咋, 所以之前想轉工, 而家都可能因為咁而無法轉住la (有時無野做都幾辛苦)又可以上多d BK同你地傾計.

小寶貝兒, 我覺得你真係好活潑, 都容易相處呀, 不過無論人有幾好相處, 都總有人會夾唔來,. 我都係好容易相處既人, 好林善下架, 咪成日比人蝦Law. 我之前份工, 又多野做, 又大壓力, 個老細同佢個秘書簡直係人中的極品, 你之前的遭遇我好明白架...以下是一些過份的情況, 那時我只係畢業後的第1份工, 己經是3年前的事

1. 因為工作太大壓力, 令塊面分泌好多油同暗瘡, d 頭髮因為電咗, 所以gel住, 可能有時我gel得多加上有暗瘡, 令佢覺得我好似好唔企理, 因為我唔鐘意著高跟鞋, 佢有次有件事要招呼d 客, 我入佢間room讀d 野比佢聽, 佢借d 意話: 你好"Lei Fe", 又生暗瘡, 個人又生得矮, 又唔著高跟鞋(ps, 佢仲矮過我, 可能得5呎咋), 人身攻擊, 唉有邊個想生暗瘡架)

2. 我朋友結婚, 半年前答應做佢伴娘, 佢那天是星期六(那間公司放星期六日架). 怎知係我朋友結婚前一個月開會, 決定我朋友結婚那日搞event, 但個event 係我地department負責, 但唔關我條line 事, 結果同佢講那日幫唔到手, 佢面好黑, 好似怕我呃佢咁, 要我係早上送完新娘出門後, 返一返公司幫手支持下負責條line個同事(其實有好多人幫手), 到四時教堂行禮前再返去, 那次我好angry. 於是叫化妝師化定個伴娘裝, 係2時趕到公司, 佢看到我成個伴娘樣咁, 佢先話: E, 真係做伴娘架, 使唔使叫人同你執下條眉呀, 得la, 唔使幫手la, 你夠鐘就走la..........我好愧對我個好朋友

3. 個大客既爸爸過身, 佢要我地department出一個代表去, 我地無人想去(同類活動我己經代表過department去過la), 佢好angry咁去, 仲要寫d 紅色字的email 駡我地, 因為佢話那日佢有生日酒飲, 我那天都同佢講我有結婚酒飲, 佢話對我好失望喎.....

仲有好多好多過份的事, 直到我開始發覺有抑鬱傾向, 就resign la, 因為那時想儲多d 錢結婚呀, 先忍佢.....不過希望我唔會再遇到d咁差的人la

私人傳訊

積分: 1511

226^#

發表於 07-3-15 00:07 |只看該作者

Re: 今日好down.....

timlc,

好 ! 我一於 lam 下 c6 同我一齊玩下水仔先 ~.~
你同 c6打算復活節去青島/北京玩! 好呀 !
其實我都好想在復活節去玩呀 ! 不過彈藥有限，只有等...
不過，有得去長隆已經好開心，人是不可太貪心的

你之前份工個head 都幾唔客氣啊 ! 你是做咩位先，點解咩都好像你有份要比佢洗咁

1) 我都有咁經驗呀 !因為我以前在營業部做文員，我人又是生得矮（5呎１，２啦）。那時老闆又是成日要我著高跟鞋及唔比著沒鞋跟及露腳趾頭鞋 (不過，我公司是沒客人來而我又沒跟佢地出去見客)。有一次我著了沒腳跟的鞋又比老闆睇到，佢叫我明天再是咁著，就不用番工

2) 公司唔比著褲啦，一定要裙仲係牛仔裙都唔得，不過全公司只是我們 dept., 囉 ??? !!!
3) 有一日老闆之一的 cheap精，見到newspaper 有小女孩比人強姦的 news ，立即在全 office (好多男同事前) 問我感受及有沒此經驗 ~ 佢都有病，佢都有女啦，唔問下自己

仲之唔開心的事多啦，不過d同事好，因此都忍左佢好耐先走 ~

小寶貝兒,
我 agree timlc 的說法 "你d 相幾好喎, 你d 皮膚都幾白淨, 你老公都好高大下喎.你就好la. 去台灣影, 我同c6都係香港影咗一輯咋~ 邊有咁多衫換咁好.."
我之前都勁想去台灣拍，不過時間夾唔到，因為我打算在12月拍，因此沒得去。那那次你們去左幾多日呀 ?

私人傳訊

積分: 30295

227^#

發表於 07-3-15 01:26 |只看該作者

Re: 今日好down.....

激死我啦!!!!!!
頭先打左好大段野, 跟住禁"確定送出"之後就話咩找不到網頁, 搞到我打左半個鐘既野冇晒!!!!
今日唔知搞乜, 成日都話找不到網頁!!!

唉~~ 又要再打過~~

timlc, ccmssm,
多謝妳地讚我呢~ 其實係個攝影師勁咋, 遮左我好多肥肉~ 所以影出黎比實際瘦, 大家可以睇下我另外一個file, 係註冊當日d相, 其實身形同影婚紗相時冇乜分別, 但係註冊d相就影得我超肥囉!!! 唉~~ 一黎自己選錯衫, 2黎真係攝影師技術唔好, 如果我地可以儲多幾年錢, 我一定會請台灣果個攝影師同化妝師黎香港幫我搞呀!!! 真係人地d妝都化得靚過人架~~

我果時用左4日3夜, 使左2萬1千幾, 全包(即係包晒食宿買野車費機票同婚紗相package), 我覺得好抵呢~ 因為夠靚丫麻, 一世女可能就係呢次最靚架啦!!

我都係暑假果時去咋~ 佢其實recommand我地2~3套衫室內, 3套衫室外, 咁會舒服d, 但我諗既然比左咁多錢黎台灣影, 梗要影多d室外景啦, 要影室內返大陸都有得影啦~~
(不過佢地d室內相都好靚架~~ 我地都打算過多幾年再去影多輯

不過唔知到時有冇錢呢?!)

我之前第一份工又係好衰架個老細!!
返工2星期叫我由3樓行樓梯搬d盆栽落地下, d盆栽唔係細架, 大大個d龍膽缸黎架!! 重到死!! 搬到最後果盆我仲比個缸界損左隻手臂, d血係咁流, 於是我咪四圍找膠布囉(都幾深同長架), 點知老細一見到我流血, 就用佢岩岩抹完汗同老泥既毛巾一野禁住我個傷口!!!!!!

搞到幾年後既而家都仲有條疤痕係度, 清晰可見架!!!!

本來都算, 點知一星期後發生左件事, 令我覺得人身安全受到威脅, 所以我就即刻resign!!
件事就係老細出親糧比d工友都係出check, 但就次次都彈票, 彈親票d伙記去搵佢, 佢又成日唔見人, 搞到d伙記好鬼火!! 有一日我返到office, 有個伙記係門口叫罵老細快d出糧, 再唔出糧就燒佢鋪!!! 嘩~~大佬, 間office好多時都得我一個, 又冇後門, 都咪話唔驚!!! 於是等老細返黎就即刻同佢講話要走!

到左1星期後, 佢出check比我出糧, of cause, 又係彈票, 打電話同佢講, 佢話叫佢老婆聽日入過張, 好啦, 點知又彈票, 搞到我老公都火火地, 陪埋我一齊去佢鋪頭問佢攞返d糧!
去到佢又話寫check, 老公話"唔使勒, 除左cash, 咩都唔收!!" 可能我老公個樣嚇得下人, 所以老細就乖乖地係銀包度數5千蚊比我!!
唉~~ 呢d人真係, 拖黎做乜丫, 又唔係冇錢.... 搞到自己個名臭晒, 為乜呢?!

ccmssm,
嘩!! 妳老細都好過份姐!! 當住咁多人面問埋妳d咁既野!!! 男定女黎架? 男人我一定會同佢講告佢性騷擾!!! 女人就叫佢返去問下佢個女啦!!! 痴痴地架d人!!

私人傳訊

積分: 442

228^#

發表於 07-3-15 10:35 |只看該作者

Re: 今日好down.....

各位, 昨日bk都唔知做咩, 入極都入唔到個網.
小寶貝兒, ccmssm, 看到你地的分享, 令我更加相信這個世界係無好老闆/上司, ccmssm, 你個老細都幾過份喎, 我都覺得如果佢係男人, 佢就係性so 擾la, 有咩理由問人地被人強姦的感覺呀?佢變態架. 小寶貝兒的老細, 令我想起那個late出糧的廣告, 好心la, 如果無錢就唔好做生意la, 拖住人地d血汗錢, 人地都要生活架.

復活節真係好多人去旅行, 昨晚行過旅行社想Law資料, 點知間間都排晒隊.. c6仲賴賴閑咁叫我遲d先報, 叫佢看咗資料先又話唔使, 昨日咪恐嚇佢, 話如果跟唔到團, 自由行都要去, d差額同使費全數你要比架!成日做野都賴賴閑, 咩都要我主動, 連生仔都要我主動... 如果我可以雌雄同體, 早就唔理佢la
:tongue:
係呢? 你地同你地c6係點識架?拍咗幾多年先結婚呀? 前日我先啱啱結婚二周年, 個c6都無咩表示, 話星期日先去慶祝喎. 我同我c6係舊同事, 不過唔同部門, 大家拍咗6年拖先結婚咋.

私人傳訊

積分: 1511

229^#

發表於 07-3-15 12:56 |只看該作者

Re: 今日好down.....

timlc,小寶貝兒,

係呀 ! 昨天我在公司上左成日 bk 都上唔到，真沒引

我以前老闆是男人呀 ! 死未，其實佢成日都語無倫次啦，只是那次佢太過份，我都立即回敬佢，你可以問下你個女呀 !!!
自此，我就比佢成日話依樣話個樣

佢對其他同事仲死，有人結婚佢就問人幾時離婚，有人有白事，佢就問人是不是土壤定火。若土叫人打直下，慳番 d 錢啊 ! 大哥又唔係你比錢，問你請假傘 !!!
因此，我是見到佢會轉身走囉。

小寶貝兒,
你老公好堅呀 ! 好 man 呀 ! 我初出來工作又是要幫老闆搬 office (再再之前那個) ，佢叫我們星期六放工及星期日搬囉又沒補水又沒補假又要搬又要 clear ~ 真是過份 !!!
你其實那時應該去睇醫生再比張單佢囉 !

我同我老公又是 old 同事 (timlc同你一樣 )，不過我們仲是同 dept ! 識左一年到啦，先開始拍，而拍左三年到啦，就結婚啦 ! 下個月就是一周年啦，時間真是太快啦 !
在這一年中，有開心及唔開心，開心時現在啦。因為我知道佢是真心對我好而且相處都 ok 過以前啦。唔開心是，我都是那麼小朋友啦，成日都做錯事比人罵 :-(

那你們呢 ?

私人傳訊

積分: 30295

230^#

發表於 07-3-15 14:10 |只看該作者

Re: 今日好down.....

timlc, ccmssm,
嘩~~ 妳果句"雌雄同體"簡直就係講出我既心聲呀!!!!!
男人都係咁架啦, 成日懶懶閒, 以為全世界所有野都會就佢一個, 乜都可以last mins先去做!!!
我老公都係架, 之前同親佢講話放假想去邊度旅行, 佢就叫我做research, 做完之後又彈3彈4!! 真係火架麻!! 後尾我索性同佢講, 拿, 比個buget我, 然後我去搵, 搵完返黎你就係裡面揀啦!! 唔好煩啦!!
佢呀, 連上年佢阿姨個仔仔過左身, 都要我打電話去慰問!! 大佬呀, 我同佢講 "我同你阿姨剩係一年見一次, 同佢講我係邊個佢都未必記得啦!! 仲要我去慰問人地?!"
我反問佢, "若果我屋企呢邊(touchwood)有邊個親人有事, 我會唔會叫你打電話去慰問呀!!!"
佢諗左諗都話"唔會",
跟住我就話, "咁你又叫我打電話?!"
妳地話丫, 呢d男人係咪真係豬頭柄呀, 以為娶左個老婆就乜都可以叫個老婆去做!!! 結果我都有打過去, 當然, 佢地梗係唔知我係乜水啦!!!! 最後咪又係要佢自己打返電話過去!! 攞黎搞!!
佢仲好意思話呢d野女人同女人講會好d!! 我同佢阿姨既交情大概就係見到面會打招呼, 係街度撞到都未必會認得果隻呀!! 咁都可以叫我去安慰人地.....都唔知d男人個腦面裡諗乜!!!

拖糧呢家野真係好多老細都係架啦!!
我對上一份工, 做左第3個月先左第1個月既一半人工咋!! 仲要分10號出1/4, 20號出1/4咁樣出法!!!
搞到當時同公司既女仔(連埋我有4個)一齊打電話去勞工處問野, 一個個輪住黎問, 其中一個仲火到搵日請假去勞工處告老細添呀!!!
結果我地幾個係2個月內全部resign晒!!
而d mpf就等左一年先幫我供, 仲要我打電話去3催4請先肯出呀!! 銀行都唔知出左幾多封信比佢同我啦!!! 其實仲欠緊我錢架, 遲左供mpf要比罰款架麻, 佢到今時今日, 我resign左2年啦, 都仲未比返我呀!!!! 不過老公話幾十蚊, 算數啦!! 我就話"好, 呢幾十蚊咪比佢當帛金囉!! 咁鐘意吞埋人地d錢丫拿!!"

我同老公點識~~ 哈哈~~ 其實我地係師生戀黎架~~ 嘻嘻~~

當年我中5畢業, 考得好差, 要重考, 記得果時係大約過年時, 我教會有個弟兄問我, "再考有冇信心呀?"
我就話 "其他都還好, 就係physics唔係好得, 之前學校既老師講黎講去我都唔明!!"
佢就話 "我有個老死, 佢physics好叻架, 介紹佢幫妳補習啦!!"
我話 "好呀!!"
就係呢一個"好呀" 就開始左我地既緣份啦!!!

仲記得第一次見面果時係2月底, 約左佢係屋企附近既輕鐵站等, 當我第一次離遠咁見到佢, 我就知道一定係佢!! 唔單止覺得佢係我既補習老師, 更加覺得佢將會係我既人生伴侶!! 呢d應該就叫做一見鍾情掛~~
我仲記得佢當日著咩衫, 咩褲, 咩鞋, 同梳個咩頭呢~~ 呢d記憶真係一世難忘, 到老我都會記得, 仲會同d兒孫講起..... "爺爺麻麻係點識? 記得好多好多年前......"

跟住一路補習補到考完會考, 本來以為以後都冇機會再有聯絡, 好彩, 佢既老死就係我既弟兄, 所以有機會再見一面, 然後我地就開始約出黎食飯, 睇戲, 傾電話, 慢慢d感覺就開始出黎~

識左2年先拍拖, 拍左拖4年幾就結婚, 而家結左婚1年幾, 計計下, 已經識左8年多啦!!! 時間真係過得好快!!!

私人傳訊

積分: 442

231^#

發表於 07-3-15 17:54 |只看該作者

Re: 今日好down.....

小寶貝兒,

原來你同你老公係師生戀架, 仲係一見鐘情添

好浪漫呀 , 我都係識咗我老公8年架la, 當年係比佢高大的外型吸引既, 其實那時我唔知佢暗戀我呀(我只係係那間公司做咗2個月), 不過因為佢那時胆粗粗咁第一次約出去吃飯(我以為仲有人, 點知得我同佢兩個)就同我表白, 都欣賞架, 咪比機會出來吃下飯Law. 不過好好笑.... 因為想比考驗佢, 未拍拖前教佢行條又長又斜的路去地鐵站坐巴士(20-25分鐘), 佢足足行咗幾個月, 到正式拍拖時先教佢行條短既路(10分鐘)

咁可以看吓佢係咪有誠意呀..第時我都會咁教我個女同d 孫女

, 記住大家都要傳受這些秘芨比自己個女同孫女呀

ccmssm, 我都係呀, 結婚咁耐都有開心同唔開心, 但相反, 我成日覺得我自己係度湊仔, 如果小寶貝個example 咁, 佢都會叫我去慰問, 佢甚至唔會覺得要去慰問架~唉, 不過每想到佢的可愛之處, 又會angry唔落, 因為我c6成日扮野引我笑架

私人傳訊

積分: 1511

232^#

發表於 07-3-16 00:29 |只看該作者

Re: 今日好down.....

timlc,

你個方法又work啊 ! 等我都教下我將來d子女先 ~.~
我 c6 比我大 8年，因此佢好像事事成熟過我，成日罵我點樣唔好又點樣會好。不過，佢又是一個超級老實人，生存在一個麻煩公司都唔會去計算同事，只做自己事。這就是我欣賞佢的地方。
不過，佢個人極悶，不玩機動 game , 不愛周圍食, 不愛旅行 (浪費錢 wall ), 不會送唔實際東西 (如花,朱古力等), 唔 like 同我行街又唔 like 同我出去玩 (因此成日都是我一個人面對 d　fd, 原因是佢唔 like 應酬及用錢多) ~
你知啦，話曬女仔都想周圍去啦，攪到我成日同佢在家你眼望我眼 !!! (最吹起是佢在打機不是望我呢 )

佢份人又沒野心，唔望升又唔想中六合彩 ! 死得未，真是想發達都幾難

女人呢 ~ 都想嫁後可以唔洗做照顧家人及 bb ，我都勁想。不過，我都明白是沒可能的。不過，佢鍚我先最重要，因此我會好珍惜 ~.~

小寶貝兒,
你個 love story 好浪漫呀 ! 是我成日發白日夢的story 啊 !
哈 ! 你快d講下你是點同佢由朋友進化先

緣份真是不由人，只由心

timlc,
那你又有沒有在拍拖中有什麼難忘的事呀 ?

私人傳訊

積分: 30295

233^#

發表於 07-3-16 01:24 |只看該作者

Re: 今日好down.....

timlc, ccmssm,
都幾浪漫架~~
不過其實起初都係我鐘意佢, 追佢, 佢拒絕過我幾次架!!
好彩, 而家佢對我好好, 所以就算數啦~~ 嘻嘻~

我好記得果時有一排成日傾電話, 係傾通宵果隻, 都唔記得左點解有咁多野傾lu~~ 後尾一收到張電話費單, 成2千幾蚊啊!!!! (好彩係佢果張, 我係用屋企電話同佢傾 o_0 ) 之後佢就話, 寧願約出黎行街食飯啦~~ 傾電話太貴啦~~ (因為當時佢屋企冇裝固網)

後尾~~ 有次放假, 佢約我出街, 果時好夜架啦, 11點lu, 約左我去行海傍, 行行下搵個地方坐, 跟住xxxx(兒童不宜but 唔好心邪呀!! 鍚鍚咋...), 之後就一齊啦~~ 之後我地仲好浪漫咁由海傍行返屋企.... 都行左個幾鐘架!!!

跟住就糾糾纏纏, 恩恩愛愛, 吵吵鬧鬧, 甜甜蜜蜜咁~直到今日啦~~

其實我有將呢個故事完整咁寫出黎, 不過寫到拍拖就冇寫落去lu~~ 因為開始有好多3,4級~~ 哈哈~~ 我會唔好意思呢~~~

或者到有日手痕既時候又會再繼續寫落去既~~
(最近覺得自己d寫作技巧差左好多, 掛住玩掛~~ :p)

我又唔係完全覺得自己湊仔既, 係有時佢真係好無厘頭地好細路仔!! 但多數時候佢都好成熟, 反而係我成日白白痴痴咁囉~~~ 佢話好似湊女架!!! 我話 "係咩?! 咁湊得過唔過引, 開唔開心丫?!"

我老公大我4年(佢要我強調, 係3年半喎!!), 起初識佢時, 真係超冇幽默感, 一d都唔浪漫(覺得side錢喎!!), 好冇安全感, 成日都好緊張, 好似條拉到好行既丈巾, 同埋做乜都好急急急!!!

後尾我講左好多大道理, 慢慢解開佢既心結, 而家既佢都比我改造得幾好~~
而家都識得講笑, 識得扮下cute引我笑, 識得買花買零食買古古力, 識得氹我, 而且d不安全感已經少左d, 個人都好relax, 學識咩叫"生活" 而唔係"生存"~~

其實我成日都覺得, 我同佢係2個世界既人, 佢急我慢, 佢好叻我好蠢, 佢好勤力我好懶散, 佢有上進心, 我安於現狀~
但可能就係因為我地太唔同啦, 所以先會互相吸引, 平衡返我地不完全既一部份!!

我好耐之前聽人講過, 每個人都係只有一隻翼既天使, 只有搵岩另外一半, 先可以飛得到~~
我諗, 我搵岩隻翼啦~~

私人傳訊

積分: 442

234^#

發表於 07-3-16 10:33 |只看該作者

Re: 今日好down.....

ccmssm,

你老公大你成8年, 咁佢就一定會比較成熟架LA, 不過大幾多都無所謂LA, 最緊要溝通到呀, 我爸爸都大我媽成11年架, 仲要係相看一次就結婚那種, 而家都仲好恩愛, 所以話你的另一半係神已經早早安排咗LA.

我老公大我三年, 佢都係一返到家就打機, 但佢都會同我朋友一齊玩(當然因為我la), 又仲意看漫畫喎, 把口有時講野都幾差架(串串供, 唔正經), 佢細個本紀代冊個個老師同同學都叫佢要慎於言, 少說話多讀書

同我玩捉棋, 嬴就話悶, 輸就唔甘心(因為佢成日話我蠢, 輸比我無faces 呀

, 不過佢就無小寶貝兒老公咁浪漫,但佢做野又好似你老公咁勤力喎... 不過佢都有買六合彩呀之類.總之同佢一齊, 係好開心.我d friend次次見親佢, 都覺得佢好搞笑.可能因為佢肥卦

我地係行教堂, 那種被祝福同彼此承諾的感覺好好, 那日我仲攬住我爸爸媽媽, 係教堂度cry, 我仲無用到係咁cry都無多謝想多謝的人. 不過佢對我爸我媽都好好, 這我也好開心的.

小寶貝兒, 你既性格咁活潑, 梗係可以感染到你老公LA, 嗱, 印象中的阿SIR (尤其教Physics )那些都比悶架.. (不過可能同我覺得physic 悶有關卦)... 你同老公性格唔一樣, 都可以互補下. 我同我c6的性格有些地方都好相似, 不過我就比較心急, 佢就比較慢條斯理

私人傳訊

Naiyauso

積分: 452

235^#

發表於 07-3-16 20:12 |只看該作者

Re: 今日好down.....

大家好嗎? 妳地講得咁快我又有"牌"先睇得哂啦!
我近來忙住搵屋move呀! 所以好少上嚟呀!
係公司又忙無時間上嚟喎! 真係慘呀!

私人傳訊

Naiyauso

積分: 452

236^#

發表於 07-3-16 20:29 |只看該作者

Re: 今日好down.....

妳地既愛情故事真係好sweet呀! 我就無妳地咁幸福啦, 我係大過我老公一年呀! 佢係我地啱啱拍拖個陣咩都要教佢呀! 不過好佢都係幾聽話既, 咁教吓教吓都可以啦! 咁我就先肯同佢結婚呀! 其實連結婚都係我話結先呀!

好彩佢都話好呀! 結完先話原來佢父母都叫咗佢好多次呀! (畀我知佢仲唔死) 我地都拍咗拖6年啦, 仲同居咗3年啦, 我都覺得上年係好年先叫佢同我結呀! 我開頭仲以為佢係唔想呀! 點知係佢話唔夠錢喎!
咁佢唔講我點知呀!

好彩最後都結得成婚既!而且仲諗住生仔添呀

私人傳訊

積分: 442

237^#

發表於 07-3-17 10:30 |只看該作者

Re: 今日好down.....

係la, Naiyauso, 我昨日先想起你好似好耐無上來傾計la... 其實無論咩年紀的男人, 都係咁架, 細一年其實都係差唔多, 我老公大我三年, 我都覺得好似阿媽湊仔咁, 不過其實都幾感動呀, 你老公應該一開始都想同你組織家庭, 先儲定錢娶你呀, 要結一次婚 (傳統+擺酒那種),真係要使好多錢, 再加上香港地住都係問題, 租同買都貴呀

私人傳訊

積分: 30295

238^#

發表於 07-3-18 02:54 |只看該作者

Re: 今日好down.....

DEAR ALL~~

我今日去左QM排期啦, 岩岩好趕得切係1點前到, 唔知係咪阻住佢地收工呢, 有少少串串地~~ BUT已經比我印象中既政府醫院護士好太多啦~~

我BOOK唔到不育科住, 佢要我睇左婦科先, BOOK左6月4日, 我4月底都照樣睇DR 董, 要做既TEST我都會係DR 董度做, 最好既就係希望唔洗做IUI/IVF都可以有BB啦, 如果唔係我會將D REPORT比晒QM既婦科睇, 再排不育科~~

唉~~ 今日老公口快快同99講左, 其實我唔想太早比99知道(最好就係做完有左先講佢聽!!), 因為佢會日日問, 時時問, 搞到我好大壓力(其實我覺得就係因為佢成日問我幾時有BB, 搞到我D經期亂七八糟), 而家比佢知道我去排, 老公打電話返去, 第一句就係問排到幾時!! 然後我地返到去食飯, 見面第一句又係問排到幾時!!! 跟住又話唔好排政府啦, 佢比錢我地去私家做!! 又話我年紀大啦!!
跟住我話, 99, 就算排2年, 我都係28, 點會年紀大呀? 跟住佢就話我老公年紀大, 跟住我話, 男人果PART唔關年紀事架呴, 7老80都可以生仔架!!! 佢先無話可說.....

唉.... 可以預見, 我既前途多災多難...... :-(

而家我冇同佢講我排到6月見婦科醫生, 只係話到時會比電話我去見醫生, 費事同佢講太多, 佢問起就話未打電話黎, 唔知幾時就算.....

對某D人黎講, 返工既壓力都可以令到佢地不育, 在我黎講, 我99對我一定要生仔既壓力已經可以令我不育, 真係好想去一個遠離佢既地方避靜一排, 可能咁樣就會BINGO呢....

我都唔知而家我既心情係點, 好複雜, 就好似原本我打算係冇人知既情況下去QM睇不育, 無論成功失敗都唔須要向任何人交代, 幾時開始, 幾時做, 我自己可以決定, 冇人會知, 但而家99知道左, 無論成功失敗都要向人匯報, 原本可以好RELAX既一個有BB既方法, 搞到而家未開始已經令我好痛苦......

唉.... 睇黎佢真係影響得我好緊要, 唔知幾時我會承受唔住而發癲呢.... 希望冇咁既一日啦!! 我都唔想一世係佢既陰影底下生活, 我係一個善良既人, 我唔想咁黑心咀咒任何人, 但我知道我心底真係好希望佢係世上消失.....又或者離我好遠好遠, 遠到想要搵到我都要3日3夜, 咁或者佢對我既影響可以減到最底.....

而家每日都要見面(佢住我對面, 每日落樓就會見到佢), 同佢講每句說話都要諗三諗, 又要記得晒自己所講既每句說話, 又唔可以講真話, 次次都要記住2套說話, 我就黎癲架啦....

99, 求下你, 放過我啦..... :-( :-( :-(

私人傳訊

yanyan104

積分: 156

239^#

發表於 07-3-18 04:50 |只看該作者

Re: 今日好down.....

小寶貝兒:
我都明白你的心情,咁你有無鬧你個老公,咁口多呀 ,

比乜人知都好,但係99,就最煩,最有壓力,自己都已經好擔心,仲要問長問短.......唉..........,無辦法啦,放鬆d,忍耐多一陣啦,好快可以捱過的啦.

私人傳訊

Naiyauso