回覆：勿忘棵蔥~(-第2章-有聚有傘)~志在吹水聯誼會
大家午安 
http://hk.apple.nextmedia.com/enews/realtime/20150121/53356582
「高大靚仔有型」嘅萬人迷周潤發，一直都係港人心目中嘅偶像，發哥向來好親民，喺香港出入只係坐地鐵、巴士等，大家如果有幸嘅，隨時喺街上，見到呢位「民間特首」，身邊絕對唔會有保鑣阻住你埋身，勝在港人同要求影相嘅人都好自律，唔會令發哥受驚。
發哥亦都講過唔少人同佢素未謀面，但就默默支持佢咁多年，求合照都只係幾分鐘，發哥覺得唔應該拒絕對方。如果大家肯大膽啲，要求發哥合照，仲可以享受到發哥「獨有嘅selfie技巧」，影得唔錯㗎!真係要問句：「你同發哥selfie咗未？」好似話噚晚本報率先於娛樂即時發放發哥喺機場「電暈」空姐、特警嘅珍貴圖輯(仲有片)(新聞連結: http://bit.ly/1sXpcZA )，即勾起好多網民嘅回憶，原來唔少人遇過發哥，仲紛紛上蘋果fb分享「集郵經歷」(連結: http://on.fb.me/15wB1vG )，揀咗幾個故事同大家分享，如下：
1.「是咁的:等巴士見到後幾個身位好似發哥，叫個fd望吓，佢睇都冇睇，好大聲講『咁易喺街撞到發哥咩~』跟住發哥上前來自我介紹:『你好，我係周潤發』即時全隊影相攞簽名，我開心到暈咗…」
2.「佢真係俾你哋影到夠晒先走..身邊冇保鑣，見過佢喺九龍城行(估佢去街市)有OL加學生妹。同佢影相都笑晒口，仲要拎簽名嗰時問埋使唔使你男友簽埋(可能聽到個女仔同男友講見到發哥)真係俾佢笑死…」
3.「發哥真係好親民！話說嗰陣同兩位朋友喺機場接機，喺等嘅時候，我朋友突然話『發哥！』，之後我兩位朋友就慢慢跟住佢哋話想影相，點知嗰陣，佢哋要入lift，正常反應都會覺得佢應該趕時間之類，但點知發哥一句『入埋嚟啦』，朋友就諗住喺lift影相，但機場啲lift真係好暗，點知一出lift，發哥就好自動拎我朋友電話開始同我朋友自拍，其實我都係企埋一邊，但發哥都自動過嚟同我影埋，嗰刻心諗，如果發哥係香港特首就好喇！最後我就影咗張我冇望到鏡頭嘅合照。」
4.「發嫂好幸福，發哥真係好到唔知點形容。我見過好多藝人，佢係唯一一個主動同我打招呼，而當時仲係正值佢最紅嘅時候。有禮貌又毫無架子，除咗佢仲有奇洛李維斯，永遠難忘！」
另外，更有網民反問，發哥究竟同過幾多人影selfie？其實翻查微博及網頁打「發哥」，又真係有好多人同佢影過合照㗎！唔知大家又有咩同發哥嘅經歷呢？如果有，請嚟蘋果fb行個圈，開心share下啦
If children live with encouragement, they learn confidence.
If children live with acceptance, they learn to love.
發表於 
。。。
返回列表
