懷孕前後 今日: 0 | 主題: 330596

積分: 4703

2441^#

發表於 05-12-23 17:22 |只看該作者

Re: 喂, 識於微時既媽咪, 入黎吹水喇~~(Part 2)

我今朝都發脾四，點知發覺孖b郁都唔敢郁, 我發覺呢排情緒好波動，我都盡量控制，費事嚇親佢地

我老公都feel到bb踢喇，都係同你地老公反應一樣：嘩一聲叫出黎。

[/url]

私人傳訊

積分: 9175

2442^#

發表於 05-12-23 17:28 |只看該作者

Re: 喂, 識於微時既媽咪, 入黎吹水喇~~(Part 2)

我老公一講野, 孖b就唔敢郁, 可能次次佢都講"媽咪要訓覺啦, 你地乖乖地一齊訓啦", 但係老公一出左房門, 佢地又係咁郁, 激死我老公

私人傳訊

積分: 2649

2443^#

發表於 05-12-23 17:36 |只看該作者

Re: 喂, 識於微時既媽咪, 入黎吹水喇~~(Part 2)

孖bJAN 寫道:
carol,

羅建輝識睇英文架, 我拎我d輸卵管x光片比佢睇, 佢仲幫我分析添, 佢又知iui同ivf d療程係點, 我話放雪蛋, 佢又開d藥比我話增強子宮血流同內膜厚度, 你星期日記住帶哂d婦科document比佢睇呀, 仲有明天開始記住量體溫呀, 佢好著重體溫架, 佢一定知卵巢多襄症係咩架, 佢會幫你adjust番個cycle架啦

係咪真係咁勁架, 但我手頭一啲婦科文件都冇個喎, 口述比佢聽得唔得呀, 哎吔, 我最怕量體溫架喇, 麻煩到屎...用果啲探耳用既電子體溫計得唔得架...

私人傳訊

積分: 2649

2444^#

發表於 05-12-23 17:39 |只看該作者

Re: 喂, 識於微時既媽咪, 入黎吹水喇~~(Part 2)

亜希子寫道:
Carol
佢個Pm係吾係Jenniferlau之類個個呀？

應該係jenniferlau123呀, 但佢好少用呢個名login既, 妳要搵番好早期既topic先搵到...例如果個ivf buddies... :mrgreen:

私人傳訊

該用戶已被刪除

2445^#

發表於 05-12-23 17:39 |只看該作者

Re: 喂, 識於微時既媽咪, 入黎吹水喇~~(Part 2)

提示: 作者被禁止或刪除內容自動屏蔽

私人傳訊

積分: 9175

2446^#

發表於 05-12-23 17:44 |只看該作者

Re: 喂, 識於微時既媽咪, 入黎吹水喇~~(Part 2)

亜希子寫道:
下個星期六呀！

你地會吾覚我好衰呀？因為我想快ｄ番香港,吾想係度理我老公。

吾知係吾係有左BB既関係,我好似無以前甘関心拒甘,拒以前吾開心我會就晒拒、去‘探‘拒。拒無胃口食野我又會找ｄ新野比拒食。但最近,我成日都好‘猛’,又鬧拒,拒吾想食野我都費事理拒,直頭買ｄ整好既送返来,拒吾食又由得拒咼！

我係吾係開始要仔吾要公拉？生左會吾會好ｄ架？！

你而家又要煮飯, 又耍照顧你老公, 好叻架啦, 我心目中0既大肚婆, 係唔洗做又有人服待架

私人傳訊

該用戶已被刪除

2447^#

發表於 05-12-23 17:48 |只看該作者

Re: 喂, 識於微時既媽咪, 入黎吹水喇~~(Part 2)

提示: 作者被禁止或刪除內容自動屏蔽

私人傳訊

積分: 9175

2448^#

發表於 05-12-23 17:49 |只看該作者

Re: 喂, 識於微時既媽咪, 入黎吹水喇~~(Part 2)

carolchanym 寫道:

係咪真係咁勁架, 但我手頭一啲婦科文件都冇個喎, 口述比佢聽得唔得呀, 哎吔, 我最怕量體溫架喇, 麻煩到屎...用果啲探耳用既電子體溫計得唔得架...

求其consistantly用一隻體溫計就得啦, 你比d document佢, 例如你幾時做過手術, fsh, LH, 老公驗精報告,佢先有得對症下藥, 不過如果你記得d指數, 口述都得0既

私人傳訊

積分: 2649

2449^#

發表於 05-12-23 17:51 |只看該作者

Re: 喂, 識於微時既媽咪, 入黎吹水喇~~(Part 2)

[quote]
亜希子寫道:
我係吾係開始要仔吾要公拉？

生左會吾會好ｄ架？！

[quote]

唔會喎, 只會越黎越唔理佢... :mrgreen: 係真架, 生咗之後妳會全副精神喺個bb度, 真係唔會掛住佢架, 只係生活上有需要先會諗起佢, 例如買乜買物呀咁...我老公成日都話我生完之後唔理佢, 但係妳有時真係分唔到心去理佢, 例如佢話兩個人出去食飯或飲野, 但我會話帶埋呀仔一齊去, 一係就唔去...

私人傳訊

積分: 9175

2450^#

發表於 05-12-23 17:51 |只看該作者

Re: 喂, 識於微時既媽咪, 入黎吹水喇~~(Part 2)

亜希子寫道:
但我老公E+真係好要人理！我真係好衰！ :-( :-( [quote]
孖bJAN 寫道:

你而家又要煮飯, 又耍照顧你老公, 好叻架啦, 我心目中0既大肚婆, 係唔洗做又有人服待架

[/quote]

佢仲有你奶奶照顧丫ma, 你奶奶可能好想照顧個仔, 但係唔想比你咁得閒, 所以咪唔黎law, 咁你來左hong kong之後, 佢咪名正言順搬入去同個仔住law

私人傳訊

積分: 2649

2451^#

發表於 05-12-23 17:58 |只看該作者

Re: 喂, 識於微時既媽咪, 入黎吹水喇~~(Part 2)

jan,

咁果啲指數我大約都仲記得既...

其實量體溫係咪真係有效既啫, 啲體溫只係相差好少, 好鬼難測既...

我收工啦, 今晚出街食, 因爲老爺生日, 哎吔, 唔記得買生日咭添, 而家去買囉...bye bye...

私人傳訊

積分: 9175

2452^#

發表於 05-12-23 18:00 |只看該作者

Re: 喂, 識於微時既媽咪, 入黎吹水喇~~(Part 2)

我搵惠瑛姐做陪月呀
[轉貼]
年新春喜氣洋洋，受過專門訓練的陪月員惠瑛與佩霞，以興奮的心情「積極備戰」。因為過了大年初三她倆便會開工大吉，上門提供「陪月服務」。這兩名媽咪級經驗陪月員，羊年的第一個僱主，是來自中產專業家庭的產婦。因為幸福媽媽趕及在馬年年尾誕下孖女，故特意以約一萬三千元「打孖」聘用兩名陪月湊孖女BB。一位陪月員說，湊孖胎是件開心事：「呢個喊完，另一個又要食奶，一定好開心，好熱鬧。」

喜歡BB是大多數陪月員的特質、也是她們的最大本錢。佩霞是「循道衛理觀塘社會服務處基層在職人士服務部」轄下的陪月員，她與另外五名陪月員接受訪問時，一談起新生嬰兒的趣致動靜時，都七嘴八舌說個不亦樂乎。佩霞說：「我喜歡湊BB女，佢地喊都喊得斯文d、細聲d，呀呀呀咁。」喜歡湊男嬰的張太立刻說：「我就鍾意男嬰，見係咁食奶，食得好開心架。」

輪班照顧孖女

與佩霞一起準備在新春「開工」的惠瑛，一提起湊孖女便笑不攏嘴：「真係好開心架，我已經預左新年要開工，無乜所謂。」惠瑛有一名十六歲的女兒，她說雖然農曆年工作兼湊孖女，但不會有雙倍工錢：「冇所謂，挑戰下自己，湊一個好容易，湊兩個就會『擘手擘腳』，好似打仗咁，惟有搶時間做野啦。」

佩霞亦有兩名十多歲的女兒，她與惠瑛的實際「湊女」及陪月經驗，贏得僱主信賴，聘用她們每天早上九時至晚上九時，分班輪流湊孖女，兼照顧產婦。

問及兩人如何準備迎接高難度工作？佩霞說：「冇乜特別準備，以平常心去做。做工夫密d手啦，可能會成日走來走去。」惠瑛則表示：「我都未試過湊孖女，希望唔會令僱主失望。」兩人暫定為僱主提供一個月的陪月服務。

兩年湊10個BB

對於陪月，兩年來湊過十個BB的惠齡說，最主要兩大工作是照顧好BB及煮適合的食物給媽咪吃，「BB一喊你要知佢因乜野喊；又要煮d補身的野畀媽咪食；如果佢開過刀，就一定唔好煮蛋、牛肉、蝦、蟹畀佢食；如果佢餵人奶，就要畀多d魚湯佢飲。」

擴展空間甚廣

統籌陪月員事務的循道衛理觀塘社會服務處社工鄧彩紅表示，陪月員每天的基本工作包括買菜、替剛分娩的媽咪準備午餐及晚飯；替BB沖涼、洗頭、餵奶，以及負責洗燙等。她表示，該處去年共接獲二百多人次查詢陪月服務，最終有八十四名僱主聘用陪月員。她認為，陪月服務仍有很大的擴展空間。

圓碌碌一族受歡迎

循道衛理觀塘社會服務處統籌主任鄧彩紅說，僱主挑選陪月員的標準主要有三：性情要隨和、樣子要舒服、若屬「圓碌碌」一族，會較受歡迎。因為「有d老人覺得個陪月員圓碌碌，BB跟住佢會變得好似佢咁。」

必備條件：忍得

鄧彩紅說，陪月員一項必備條件，就是要「忍得」。她解釋，產婦分娩後情緒較波動及抑鬱，陪月員要理解及遷就。另外，若產婦家中有老人家，要注意了解老人家照顧新生BB的習慣與做法，「老人家可能會覺得陪月員搶左佢個位置，產婦很多時成了磨心，陪月員要多作協調。」

兩年100產婦受惠

陪月訓練班由循道衛理觀塘社會服務處基層在職人士服務部負責，兩年來共訓練了六十四名學員，並替近一百名產婦提供陪月服務。

今年四月開始，該計劃獲政府社區投資共享基金委員會撥款約二十三萬元，聘請一名統籌員繼續發展陪月訓練及轉介工作服務。目前一些母嬰健康院及政府醫院婦產科部門，都有向產婦提供陪月服務資料。

私人傳訊

Winnie_C

積分: 7177

2453^#

發表於 05-12-23 19:04 |只看該作者

Re: 喂, 識於微時既媽咪, 入黎吹水喇~~(Part 2)

各位,

我今日二點幾鐘出左院喇, 在院期間的指數一切正常.

但我好慘呀, 一出院就返公司做到而家, 因為真係好忙, 在醫院亦沒有停過講電話, 連一邊抽血都要一邊接電話, 一到年尾就係咁, 踫啱o的煩事, 真係做到CC下.

在醫院的兩日一夜真係驚心動魄, 因為我住的是產前病房, 周圍都係待產的大肚婆, 見到政府醫院的做事方式真係好得人怕, 所以我同老公講, 點樣節衣縮食都要係私家生.

我左手邊床位的媽咪已經32周, 佢因為BB的心跳唔正常而要入院開刀, 但醫生覺得佢唔係緊急,所以拖了一個星期仍未同佢做手術, 只係由姑娘隔一段時間檢查下BB的心跳, 昨天終於定下了做今朝早做手術, 但八點幾又有一個高級姑娘同佢講, 其實佢可以試下自已生, 話要同佢試下催生, 佢梗係唔制啦, 咁佢地先勉強同佢做手術.

右邊床位果個仲麻煩, 我入院時, (昨天上午十點幾)佢已經穿左水, 但子宮未開, O的姑娘剩係叫佢行多O的路, 佢屋企人好擔心佢, 成日問姑娘可唔可以催生, 但姑娘話要等到今朝先做得, 晚佢老公探完佢坐在門口忍唔住喊, 姑娘就入黎同果位太太講:我都未見過一個大男人在產科喊成咁, 你出去安慰下佢, 叫佢走先啦.....佢老公同媽咪成晚都冇走到, 到左半夜四點幾, 佢突然間出血, 姑娘即刻叫佢屋企人入黎, 場面都幾混亂, 個女人係咁喊話好痛. 跟住我出院時在見到佢屋企人, 仍然係愁雲慘霧咁, 一問之下原來佢流晒O的羊水, 而家打左催生針都生唔到......我因為趕時間有再問喇, 真係好衷心咁希望佢母子平安喇.

今日上午9點幾我右手邊床又黎左一位太太, 到十二點幾佢子宮已經開到3度, 姑娘叫佢換定衫, 話下面產房得六個位, 但就有七位媽咪, 所以叫佢唔好用力"苛", 等多一陣先得......

我其實十一點幾就可以走, 但姑娘實在太忙喇, 好多急症, 所以冇人得閒理我, 我催左一次都比人鬧, 咪唯有乖乖地等多三個幾鐘囉.

私人傳訊

積分: 9175

2454^#

發表於 05-12-23 19:11 |只看該作者

Re: 喂, 識於微時既媽咪, 入黎吹水喇~~(Part 2)

mud政府醫院咁得人驚0家

私人傳訊

wongwongbb

積分: 4703

2455^#

發表於 05-12-23 23:23 |只看該作者

Re: 喂, 識於微時既媽咪, 入黎吹水喇~~(Part 2)

亞希子：
我都覺得呢排都無乜心情"應酬"我老公，好多時都心情唔好，不過我都會盡量控制，唔想冷落佢，因為生完bb可能更加無時間理佢。

[/url]

私人傳訊

wongwongbb

積分: 4703

2456^#

發表於 05-12-23 23:27 |只看該作者

Re: 喂, 識於微時既媽咪, 入黎吹水喇~~(Part 2)

Winnie,

乜穿左水都仲可以等架咩？我見ｄ醫生個個都話見紅都未係太緊要，但穿水就要即刻去醫院，如果唔係bb會缺氧，政府醫生點可以話唔理呢d野架，唉，如果因為佢地疏忽而影響到小朋友或者媽咪，真係超唔抵呀，希望個bb同媽咪無事啦。

[/url]

私人傳訊

wing2003

積分: 3942

2457^#

發表於 05-12-23 23:48 |只看該作者

Re: 喂, 識於微時既媽咪, 入黎吹水喇~~(Part 2)

各位,

祝大家平安夜快樂!

merry x'mas~~~

私人傳訊

elmostoney