其他親子社群 今日: 0 | 主題: 1218

積分: 9256

2461^#

發表於 07-1-9 11:47 |只看該作者

Re: 有無做傳媒工作的媽咪

yy,
oh no, 要用一年時間唻洗腦呀, c 咯, 你只係考一間培僑都要用一年時間, 咁我打算大包圍, 咁咪而家已經要開始同佢地洗腦? 救命呀!

私人傳訊

積分: 8369

2462^#

發表於 07-1-9 16:34 |只看該作者

Re: 有無做傳媒工作的媽咪

十月:
呢D嘢.....阿媽唔做還有誰會做？

早排做冬食飯，我見芝芝兩個堂兄的媽媽很少理會兒子的功課，一個小五、一個小六，竟然可以任由他倆欠交功課，我即刻暗叫救命，我一定唔會俾自己咁做，99話天生天養，我問返她有幾多個小朋友，天生天養又能夠成才？

私人傳訊

積分: 9256

2463^#

發表於 07-1-11 08:48 |只看該作者

Re: 有無做傳媒工作的媽咪

yy,
咁你係用咩方法? 用咩言詞唻同佢兩個"洗腦"呀? 等我抄考一下!

小五 & 小六,又真係無理由唔理呀, 天生天養? 唉...而家都唔興架啦! 你99真係...嘥氣!

私人傳訊

積分: 9256

2464^#

發表於 07-1-14 09:21 |只看該作者

Re: 有無做傳媒工作的媽咪

YY,
慘喇, 噚日返蘇幼見完家長, 我佬更加想畀個女響蘇小繼續讀呀, 而家係佢遊說緊我畀個女讀蘇小, 多過我遊說緊佢畀個女考其他學校呀, 弊喇弊喇! :-( :-(

私人傳訊

積分: 8369

2465^#

發表於 07-1-15 10:10 |只看該作者

Re: 有無做傳媒工作的媽咪

十月：
relax......你大可以話，俾囡囡試下考其他學校，睇下她的實力去到邊。

而且你們還有時間慢慢揀，叫你hb睇定先也無妨。

聽聞tko的播道、優才都很受歡迎，你會不會考慮？

我的方法嘛.....因為我熟知我老公性格，知道他不喜歡芝芝日日長途跋涉跨區上學，所以我揀小學時集中在區內，我知道pkc在大圍興建時就留意此校（從我家乘的士到學校都不跳錶），加上他們標榜「中西薈萃」，正合我老公心意。

雖然pkc是直資，要交學費，但我的理由是「我們沒有放棄九年免費教育，因政府一樣會投放資源落直資學校，我們所交的學費是額外投資，讓學校有更多資源教育小朋友。」

至於幫芝芝「洗腦」更簡單，因為她不喜歡重覆抄寫，喜歡創作和看書，我就告訴她pkc很少功課，但每天回家都要看書和寫作，她覺得很適合自己（她真係咁講）。我就係咁搞掂這一大一細，一家人目標一致地去考學校。

私人傳訊

積分: 9256

2466^#

發表於 07-1-17 15:10 |只看該作者

Re: 有無做傳媒工作的媽咪

YY,
我而家就同HB講, 要傳統教學既小學, 大把唔駛錢都有得讀的, 不過派唔派得入就唔知!

仲有就係, 蘇小要畀錢讀, 但我覺得學校既設施, 位置等等, 都唔值得要畀錢讀喎! 不過隻佬又駁我, 佢話, 佢地最值錢既係全普通話教學, 淨係慳番D錢畀個女出去學普通話, 已經抵番晒!

至於播道同優才, 我都知好受區內外家長歡迎, 聽講仲有保良局果間陸慶濤 (唔知有冇記錯個名), 都係直資唻既, 都係幾受歡迎的, 不過問題係, 我對區內所有直資, 私校OR津校...丁點兒興趣都無! 不過我個FRIEND話, 而家唔係我有冇興趣既問題, 而係我地咁近城隍廟, 到阿女考小學果陣, 點都要畀佢試下, 以免派左D九唔搭八既小學果陣, 到時無彎轉喎!

我而家都未知個女鍾唔鍾意抄寫呀, 書就肯定佢麻麻地鍾意睇, 佢好多時都係睇公仔多D, 跟住就揭揭揭, 好少話認認真真咁逐頁睇的, 至於創作咯喎, 呢一刻, 佢連條線都連到打風咁, 作乜鬼吖, 睇怕要睇多一兩年,至知佢咩料子呀!

私人傳訊

積分: 8369

2467^#

發表於 07-1-17 16:23 |只看該作者

Re: 有無做傳媒工作的媽咪

十月：
小朋友有時真係估佢唔到。我個女k1、2時，寫字都不是很靚（我要求唔高，寫得叫做端正，睇到係咩字就收貨

），升上k3後才開始喜歡寫故事。我好肯定寫故事不是老師教她，我也未教過她（雖然我唸中學時靠投稿賺零用錢

），可能真係有遺傳。

我有次路經播道，當時還是地盤，見到學校臨近海邊，說不定課室對住無敵海景，嘩~~~~正呀！

來來來，pkc都係以普通話和英語教學，學費包埋課外活動呢！

私人傳訊

積分: 9256

2468^#

發表於 07-1-17 17:51 |只看該作者

Re: 有無做傳媒工作的媽咪

YY,
嗱嗱嗱, PKC呢, 就叫做物有所值喇, MAYBE直頭係物超所值添!

私人傳訊

積分: 8369

2469^#

發表於 07-1-18 09:53 |只看該作者

Re: 有無做傳媒工作的媽咪

係未物超所值呢.....我未敢講住，始終阿女未讀嘛。

喂喂喂，點解這幾天剩得我倆你一言我一語，其他人呢？

私人傳訊

積分: 9256

2470^#

發表於 07-1-18 12:44 |只看該作者

Re: 有無做傳媒工作的媽咪

其他人一定係好好好好...忙喇!

私人傳訊

積分: 383

2471^#

發表於 07-1-19 09:12 |只看該作者

Re: 有無做傳媒工作的媽咪

十月、yy
真係好耐無上來了！最近本書要改版，新年又要提早去版，就黎死啦！仲有呀！個工人又幫唔到手，個女今次英文test得75分，好激氣！非常易都搞成咁，昨晚鬧到個女同工人狗血淋頭，錯埋d唔小心題目，唉！仲有早前俾人跣一鑊金的，話說上個月我其中一個靚因結婚所以遲交稿，其實遲了幾天，個美術話今次算啦！下次就情講，個頭又係老細房篤背脊，咪又俾阿頭照肺，好激氣呀！搞到我都無乜心機，呢個位左右做人難！

私人傳訊

積分: 8369

2472^#

發表於 07-1-19 11:38 |只看該作者

Re: 有無做傳媒工作的媽咪

魔鬼太太：
唔好咁

，就快新年，衰氣和霉運會過去啦！

私人傳訊

積分: 9256

2473^#

發表於 07-1-19 20:27 |只看該作者

Re: 有無做傳媒工作的媽咪

魔鬼,
哎吔, 唔好勞氣, 唔好激心, 好快D瘟神就會走晒架喇! 開心番, 笑番下啦!

私人傳訊

積分: 383

2474^#

發表於 07-1-20 09:20 |只看該作者

Re: 有無做傳媒工作的媽咪

十月、yy
昨晚又俾人插啦！我彩我先發制人，呢度個個好鬼懶，改字都唔可以，一日未曾去都有權改，但呢度係唔可以改，改就發脾氣啦！

私人傳訊

積分: 9256

2475^#

發表於 07-1-20 10:42 |只看該作者

Re: 有無做傳媒工作的媽咪

魔鬼,
唔係下嘛? 都未出版, 點解唔改得D字呀? 打過幾隻字咋嘛, 好難既咩? 不如我去做喇, 由我打, 唔駛幾秒就改好啦, SHORT既, 改少少都唔得, 你插番佢地轉頭啦! 我最憎呢種工作態度呀! :tongue: :tongue:

私人傳訊

積分: 8369

2476^#

發表於 07-1-20 11:34 |只看該作者

Re: 有無做傳媒工作的媽咪

魔鬼太太：
編輯是gate keeper，有錯當然要執出來改，如果唔係駛乜要個編輯？

唔好諗住無乜競爭對手就偷懶呀！

私人傳訊

積分: 383

2477^#

發表於 07-1-24 12:35 |只看該作者

Re: 有無做傳媒工作的媽咪

唉！最近好激氣，心情好惡劣，最慘係無人幫到手
綽芝派了測驗，考得唔係咁好，全部衰大意唔小心，我鬧到佢屖利！我忍唔住哭埋一份，我幾辛苦都搵錢俾佢補習，但補來又甚麼用？喊到昨日去旅行d家長問我仲乜腫埋一舊，加上老公仲未搵到一份安穩的工作，又要交萬幾蚊稅，邊度有咁多錢，講俾阿媽聽啦！佢仲鬧番我轉頭，唉！好似全部都係唔好野，仲有呀！唔知係咪壓力大，最近個頭成日痺，好驚呀！如果係地睇到有咩工可否介紹俾我隻佬呀！

私人傳訊

積分: 8369

2478^#

發表於 07-1-24 14:49 |只看該作者

Re: 有無做傳媒工作的媽咪

魔鬼太太：
你hb不是搞汽車網站嗎？

kelly現在才小一，而且只係第一次考試，不要施太多壓力吧！最重要是她知道自己錯在甚麼地方，是不懂得答才錯，還是一時大意地錯，如果是後者，就讓她自己承擔後果，下次不要再犯。
換個角度諗，kelly還有很多進步空間，鼓勵她自我挑戰，下次考得比今次好！

私人傳訊

積分: 383

2479^#

發表於 07-1-25 12:16 |只看該作者

Re: 有無做傳媒工作的媽咪

YY
hb的汽車網站下個月開始要自負盈虧，有錢賺話就好，如果無錢點算？所以都係要份安穩的工作。
妳說得對我要俾多些耐性與空間給kelly，但有時很激氣時真的控制不到情緒，昨晚我同佢好好咁傾計，希望佢明白！

私人傳訊