Re: 0舍易靚媽俱樂部 PART IV
alice,
咁咯喎, 去到馬郊, 阿62因為一早book左hotel諗住係個度訓一晚, 於是就有hotel車可以車我地去放低D野先. 去到等hotel車的地方, 係open air的, 車上有mark住乜酒店物酒店, 車係好多, 但就係冇一架係我地既酒店既!! 等囉, 我地等等等等等等等等等等, 十個等之後都係冇車!! 人又愈來愈多, 因個度係集散地, 個個來都係個度等架喇. ?-( 初初抱住悠魚等, 佢左望望右望望, 都冇事丫, 抱耐左, 你都知啦, BB實要落地, 但落地又唔係多地方行, 仲加上個日落雨, 我地都只係企係天橋底, 悠記如果行遠D實濕! 我唯有抱實佢, 阿99見我抱咁耐, 好心來幫下抱, 老公同62就行出去睇架車來未, 但99又唔係好力, 悠記又要我抱番, 而99又要'搶'抱, 抱來抱去, 廿幾磅拿走又抱番, 拿走又抱番, 我比死更難受呀!! 
好不容易, 大半個鍾之後, 車終於來了, 上車我以為會好多人, 點知先得小貓三四隻. 心諗都唔知阿62book 乜鬼酒店, 冇人住既!! 
去到hotel 了, 唔知Y62只係book了一間room, 內有兩張三尺半床, 我心諗你唔係expect我有蹜骨功嘛, 可以同老公同囡囡一家人迫一張床!! 我同老公打手語話要多間room, 佢話夜晚搞.
稍作休息, 62話要早D去食豬排包, 話人地介紹左一間正野比佢. 我本來同老公講左你recommend黑沙灣個度食野, 聽到62咁講, 我地唯有閉咀. :-| 等taxi去食包又等左一D時間, 食完阿62話坐taxi去主人家(神父)做mass個church, 點知佢一來唔知個church exactly係邊, 二來連個church 既exact name都唔清楚, 三來我地都估唔到個個鍾數想坐taxi跟本唔駛指意. 
等了好長時間taxi都等唔到. 問了路人甲乙丙, 個個答案唔一樣, 一個話向東行十分鍾, 一個話向西行起碼廿五分鍾. 我抱住悠悠行完去東又行去西, 又係落緊雨, 時大時細, mass時間又快到, 我同老公係前面靜靜講做乜62好似乜都blur, 佢點plan個行程架? 老公自己都行到發火. 終於行了去一間路人丙指路的差唔多名字的church, 我同老公一馬當先, 一睇就知唔對路啦! 一個人都冇! 雨仲鬼咁大, 要入人家個office暫避. 順便問埋人家點行, 人家話個度的士唔會入, 同埋個個鍾數唔會有taxi. 要行去62講個個church約莫要半個鍾!! 乜野mass都完啦到時!!! 同埋我同老公隻腳都好似切左咁啦! 仲行! 悠記成個body的衫都濕了(even though i got umbrella)呀!! 好了, 兩老唔諗住去mass了, 但都要趕返hotel飲個神父個餐, 又行過. 一路行阿99一路話鬼62, 我心諗如果下次又要同佢地出阜我死都自己plan好先, 唔好等62plan. 
行番出薄京出面有個taxi stand, 長長一條隊, 但一架車都冇. 冇法, 都要排. 老公同62要去買定第日ship票返港, 之後死好彩唔知邊度搵到架taxi來, 我地先返到去hotel咋!! 己經係夜晚七點半了呀 悠記都未食反呀!!!
(sor, 打了很久, 悠記醒了嘛, 我要服侍大小姐呀~ 
)
I support autism acceptance!
若用出世紙, 係唔係要帶正本??
你地都唔知呀, 去馬郊D ship好煩, 買左乜時間你可以早去搭但唔可以迉, 迉左就要去番買票個agent度補$$再買!! 我地一行人去到出境個度先比人叫番轉頭話悠悠要有埋passport(因有相, id上面冇), 咁我見大約有半粒鍾先開ship, 同老公講我自己fly taxi番屋企拿, 希望趕得切. 個兩位人兄(62&99)仲夠膽自己入左禁區先, 等我老公同悠記係出面, 又要睇住D行李!! 我跑800米咁死去搭車, 好衰唔衰又話有壞車阻路, 司機就同我行上半山再行番落來, 佢都try his best同我fly啦, 但都係唔得, 番到去出境個度都係迉了十分鍾!! 跑到死半條命, 見到老公好辛苦咁抱住悠記又咩住個行李包去加左$$換票, 我見佢咁梗係抱番悠魚, 跟住佢走走走落去趕下期ship(15min有一期), 先見到兩位德高望重既老人家CC然咁坐係下面涼冷氣等我地, 佢地話原來入左禁區佢都唔理你幾時上ship, 可以等埋我地一起喎. 阿62見我面青口白, 仲好意思行埋來問我做乜咁辛苦!!! 
發表於 
返回列表
