少年成長 今日: 0 | 主題: 16100

積分: 3813

2461^#

發表於 15-1-5 16:53 |只看該作者

你好! 剛睇到你講過"... 預佢喊3個鐘以上, 總之唔可以氹或用任何佢鍾意嘅嘢交換, 佢喊你當冇嘢發生, 不能打/鬧/哦, 一定要等佢喊到自己停, 期間如要食飯, 照叫佢食......", 有時我個仔都會扭喊而我係唔明點解佢會咁, 可能佢未識表達自己.我而家响佢喊0既同時, 我會同問佢"做乜喊呀, 你講比媽媽聽先, 咁媽媽先幫到你之類..."或者提議攞佢鍾意0既玩具, 等佢快啲冷靜落嚟. 但以你意見, 呢啲都算係"哦". 如果遇上朝早要趕返工0既時候, 未必可以由佢喊, 唔哦可以點做?

唔可以由佢喊0既原因: 因為我地要返工, 返工前要湊佢去婆婆度, 由佢喊佢會沿途都掙扎, 好難抱到佢走, 好易跌... 老公會開車, 老公話一邊開車, 聽到小朋友一邊喊, 佢會分神... 另一方面, 佢一喊, 佢會抱住我, 黏住我, 我推開佢, 佢又黏番住, 我換唔到衫, 做唔到嘢... 同時又怕推開佢令佢覺得更難受...

請指教!

私人傳訊

積分: 33215

2462^#

發表於 15-1-5 19:31 |只看該作者

sandychuisw 發表於 15-1-5 01:48
老實講，我之前都真係想帶阿仔去上d情緒管理班，不過真係太貴，要成$1100一堂，但睇到你個post之後用讚& ig ...

sandychuisw :
如你仔淨係對住你先扭, 響學校同其他地方對住其他人係唔會扭, 咁卽係佢情緒冇問題, 亦不須去上什麼情緒管理班, 因問題只在「你俾佢」！
(待續)

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 33215

2463^#

發表於 15-1-6 22:20 |只看該作者

sandychuisw 發表於 15-1-5 01:48
老實講，我之前都真係想帶阿仔去上d情緒管理班，不過真係太貴，要成$1100一堂，但睇到你個post之後用讚& ig ...

sandychuisw :
續昨

查實你可以製造兩三次機會........... 例如响公園或屋企樓下遊樂場之類較乾淨的地方, 讓他哭鬧到自己停, 真的不用好多次, 他知你不受影響他便不會再用這一招了！

私人傳訊

積分: 33215

2464^#

發表於 15-1-6 22:59 |只看該作者

p_olivia 發表於 15-1-5 16:53 ,
你好! 剛睇到你講過"... 預佢喊3個鐘以上, 總之唔可以氹或用任何佢鍾意嘅嘢交換, 佢喊你當冇嘢發生, 不能打 ...

p_olivia :
如果你問佢"做乜喊呀, 你講比媽媽聽先, 咁媽媽先幫到你之類..." 係會令佢停止喊嘅話, 咁佢根本唔算係扭喎, 可能有唔舒服或唔開心, 咁當然要溝通了解啦！扭嘅意思係個小朋友為得到某d 媽咪唔俾嘅嘢就大叫大喊, 藉此要媽咪就範或俾其他平時冇嘅嘢先肯收科！

私人傳訊

p_olivia

積分: 3813

2465^#

發表於 15-1-7 10:45 |只看該作者

回覆 SandraLo 的帖子

其實就係問完佢都仲喊... 例如: 一朝早我比枝奶佢飲, 佢話要玩火車, 我話"好呀, 你飲奶, 媽媽砌或準備火車比你玩"(因為佢都未識砌路軌), 佢就喊.... 咁我就問佢做乜事之類, 佢就無講或未識表達, 一直喊... 我抱住佢, 佢就會慢慢冷靜落嚟, 但仍然會"we we we" 咁扮扭喊, 因為佢都叫做開始冷靜左d, 我再開埋個火車(有聲), 佢就收聲... 所以... 我都唔明佢點解喊, 我又唔係唔比佢玩...

私人傳訊

積分: 33215

2466^#

發表於 15-1-7 19:01 |只看該作者

p_olivia 發表於 15-1-7 10:45
回覆 SandraLo 的帖子

其實就係問完佢都仲喊... 例如: 一朝早我比枝奶佢飲, 佢話要玩火車, 我話"好呀, 你 ...

p_olivia :
都可以有一個假設, 就係佢唔係即刻有得玩火車, 所以喊, 而響佢嘅經驗裡面, 佢喊除咗會有你抱同安撫之外, 冇乜嘢係唔好嘅, 又或者佢覺得喊咗你會砌快d.......... 響咁多「利好」嘅因素下, 喊呢個行為就被強化, 有d 咩嘢佢都會揀喊咗先！

咁如果佢久不久先係咁, 對佢學習, 表達或其他嘢冇影響, 你又唔覺得對你有乜影響, 咪唔駛特別去處理囉！

私人傳訊

p_olivia

積分: 3813

2467^#

發表於 15-1-8 10:04 |只看該作者

回覆 SandraLo 的帖子

謝! 佢一星期大約有2次係咁... 等我再觀察下

私人傳訊

japoton

積分: 4381

2468^#

發表於 15-1-8 12:49 |只看該作者

sandroLO

你好 , 之前仔仔4歲時經常因好小事就發脾氣, 用了讚你方法,經過了2個多月每天係佢未發脾氣就讚定, 問題已經改善了, 現在我也會有時keep 住讚佢,謝謝你的意見

現在第2個問題係做功課時唔太專心, 我不知是否因學了公文數差不多9個月,經常重複又重複地做練習,所以他對數學特別專注不夠, 我想請問怎樣做可令他專注力好一點呢?

私人傳訊

積分: 33215

2469^#

發表於 15-1-9 21:38 |只看該作者

p_olivia 發表於 15-1-8 10:04
回覆 SandraLo 的帖子

謝! 佢一星期大約有2次係咁... 等我再觀察下

p_olivia :

留意吓啦.............
好多媽咪有錯覺, 以為小朋友係因佢安撫、抱、攬而停止喊, 冇諗過原來小朋友喊呢個行為係被呢 d舉動强化, 變相更加容易喊！

私人傳訊

積分: 33215

2470^#

發表於 15-1-9 22:23 |只看該作者

japoton 發表於 15-1-8 12:49
sandroLO

你好 , 之前仔仔4歲時經常因好小事就發脾氣, 用了讚你方法,經過了2個多月每天係佢未發脾氣就讚 ...

japoton :
會的, 如巳懂便會悶, 悶便自然不想做, 不想做就當然會不專心和做得不好了. 如果其他科並沒有不專心的情況, 也掌握得到, 那會不會不用他上公文數？

私人傳訊

kk2008

子爵府

積分: 13171

好媽媽勳章

2471^#

發表於 15-1-10 01:14 |只看該作者

Sandra,

請問如果細仔4yrs同大仔6yrs玩，用手扮槍打哥哥，哥哥好嬲起腳大力打返弟弟, 我應該點處理？因為呢類爭執每日都會發生幾次，哥哥因少事而出手打人大發皮氣！

Many thanks!

私人傳訊

積分: 33215

2472^#

發表於 15-1-10 22:27 |只看該作者

kk2008 發表於 15-1-10 01:14
Sandra,

請問如果細仔4yrs同大仔6yrs玩，用手扮槍打哥哥，哥哥好嬲起腳大力打返弟弟, 我應該點處理？因 ...

kk2008,
好多男仔玩都鍾意你打我我又追番你打, 呢樣嘢絕對係佢地嘅遊戲之一.................
咁哥哥淨係呢個情況先會大力打细佬？定係其他嘢都會？

私人傳訊

japoton

積分: 4381

2473^#

發表於 15-1-12 12:10 |只看該作者

SandraLo 發表於 15-1-9 22:23
japoton :
會的, 如巳懂便會悶, 悶便自然不想做, 不想做就當然會不專心和做得不好了. 如果其他科並沒有不 ...

sandroLO

我都考慮緊轉換其他方法學數 , 但我想請教下, 我仔仔現在時不時會用命令形式我去幫他做事, 我話你咁無禮貌我唔會幫你的, 之後佢就發脾氣, 如問題在街上發生. 我會一聲也不出行得好快, 唔等佢, 唔拖佢, 他就會好驚好快急步跟住我, 佢會不停叫媽媽等埋我, 我就停下, 問佢知唔知錯, 其實我咁做正確嗎? 有什麼方式比較好呢

謝謝你

私人傳訊

joycewkw

別墅

積分: 543

2474^#

發表於 15-1-12 17:47 |只看該作者

學倒野~~~

私人傳訊

積分: 33215

2475^#

發表於 15-1-12 22:21 |只看該作者

japoton 發表於 15-1-12 12:10
sandroLO

我都考慮緊轉換其他方法學數 , 但我想請教下, 我仔仔現在時不時會用命令形式我去幫他做事, 我話 ...

japoton :
呢個方法當然唔好啦！相等於佢做初一你就做十五, 佢冇禮貌你就用唔等同唔拖嘅方式嚟罸佢, 但又冇話罸到幾時, 又冇事前提佢, 一啲都唔正面, 淨靠嚇, 有冇諗過有日佢唔 care 你咁做, 甚至學埋, 你可以點收科呢？
而佢又有冇因此而改過？定下次又係咁？
你可以要求佢禮貌d 咁講, 「喂, 可唔可以有禮貌d ？」或者直情 demo 嗰個要求應該点講, 叫佢講一次先收貨, 但過程唔好有責怪嘅成份, 佢會易接受好多, 唔會咁抗拒, 做到就要即讚啦！

私人傳訊

joeyleong

積分: 2799

2476^#

發表於 15-1-13 02:11 |只看該作者

回覆：小朋友大脾氣,可以點教 Pa ...

Sandra你好，
囡囡三歲平時多由工人姐姐照顧，我上班時間長。工人好就佢，攪到變左港孩，爸爸吾想做衰人，一有咩事就話媽媽話吾準，我係家中唯一衰人，佢知我吾會妥協，所以就開始抗拒我，成日話吾要媽咪。平時已經鐘意工人多過媽咪，又吾肯同媽咪訓，這點我都理解，始終工人一日對到黑，陪訓陪食，問題開始了，小朋友開始考試要溫習，佢吾肯溫，我就開始鬧同惡，佢對我就更抗拒了。佢現在竟然話要一邊拖工人一邊拖爸爸，這令我覺得自己很失敗。我嘗試過多d同佢玩主動親近佢，但佢乜野都話吾要媽咪，但要買野果陣同出街果陣先識得要我，去完街反屋企又要工人吾要我了，應該怎樣令佢喜歡我多過工人呢？有時我教導佢例如起學校pat pat要坐廁板不要零空（佢嫌塊板凍pat pat吾坐，因此經常整濕校服要換），佢會講條件要媽咪買蛋糕/汽球，我有時會話你聽話肯坐廁板就買，但好了一日第二日又黎過，是否不應該答應佢要求？另外點知可以令佢肯溫習？有時佢又係講條件，條件達到第二日又打回原形。我知道你說的ignore理念，我一用佢當我衰人，有一次全家合力齊心齊齊ignore佢，佢性格極度倔強，竟然不賣帳，此時爸爸話你吾乖我拎走你d玩具同氣球送比人，佢重要表現到好開心吾care，實情睇得出佢死撐，最終竟然是嬲我吾嬲爸爸入了我數。不好意思問題多了點，求指引，謝謝

私人傳訊

joeyleong

積分: 2799

2477^#

發表於 15-1-13 02:24 |只看該作者

回覆：小朋友大脾氣,可以點教 Pa ...

補充小小，我試過用讚的方法，哇你肯自己去廁所好叻呀，佢就話媽咪吾講野，我要曳！佢吾肯著條裙或件衫，佢著完我就讚佢晆好靚喎，佢又話吾靚吾要靚！平時我對佢態度好溫柔，成日欖住佢錫，佢一時時情緒好怪，有時愛我愛到打曬車輪咁錫，有時锡佢面又話吾要媽咪d口水！其實佢有時都會吾要工人，吾要爸爸，淨係要我抱（冇購物等要求的情況下），但呢d時間好小。係咪佢情緒有問題呢？有時，我要反學夜晚末反到屋企佢好正常自己玩，我一反到屋企佢就又跳床又大叫，變得好扭計，你認為是什麼原因呢？

私人傳訊

Kakeru

民房

積分: 8

2478^#

發表於 15-1-13 11:17 |只看該作者

提示: 該帖被管理員或版主屏蔽

私人傳訊

japoton

積分: 4381

2479^#

發表於 15-1-13 12:46 |只看該作者

SandraLo 發表於 15-1-12 22:21
japoton :
呢個方法當然唔好啦！相等於佢做初一你就做十五, 佢冇禮貌你就用唔等同唔拖嘅方式嚟罸佢, 但又冇 ...

知道了, 但係唔係引導他跟我講一次之後, 就即讚, 還是等下一次機會佢說話有禮貌我就讚呢

私人傳訊