chocolatebean 發表於 22-4-28 19:01 
我睇左半集, 題材真係唔啱我
結尾有解畫, 係咪都怕觀眾唔明呢? 以前都唔覺D劇有呢個環節, 至多有花絮或NG ...
唔係喎，都有劇以前有解話，或者應該叫總結劇情，有時係講解劇中部份細節或專有名詞、特定事件等，例子都唔少：黑白燈塔片尾會講有關法律用語或國內法例；御賜子仵作中途都有演員解釋案情、死因，不過就夾雜中劇中，唔係每集結尾；
了不起的兒科醫生片尾有專業醫生講健康或疾病知識；和平之舟片尾有現實中和平之舟醫護人員及船員現身講經歷。
隴西就通過劇中一個角色以輕鬆搞笑方式去講該集重點，睇埋的確係會清楚好多。而家網上發酵到甩鍋俾陳坤，話因為佢套劇扑到央視底盤，不過有心水清網民指出陳坤，白宇加馬白庸都有劇扑嘅體質，而家天盛嘅原著作者出嚟踩一腳，話當初因為凰權由大女主改到大男主，於是套劇好差，佢俾粉絲網暴，連做咗17年警察都要退落嚟。。。但咁又可以賴落男主角身上？佢寫小說，呢個邏輯好有問題，點解唔係編劇同導演問題，而係男主角問題？好啦，我之前仲替白敬亭不值，點知呢條友出嚟乘機搏同情，話小說中佢個角色係男二，點知劇變成男五，行行企企，咁又關男一咩事？業內有博主話白係營銷茄，買熱搜買得好凶狠，今次我真係信啦，佢接套劇時冇睇劇本？唔知個角色係男五？睇排名都知佢唔係男二啦，佢係接拍劇唔係接拍小說喎。
公道講，我有睇隴西，冇D人講得咁差，當一套劇睇的話，故事係冇問題，服道化都冇問題，演員演得都冇問題，AB今次唔駛揹鑊啦，佢出場果段反而收視升。但套劇的確係有唔好，亦係致命傷：
1）有關三國題材已經拍過好多，觀眾對某D家傳戶曉人物已經有固定形象，除非有特別唔同之處，或者演員有獨特演釋方式，否則好容易被比了下去，好似大軍師司馬懿入面嘅曹操唔係一代梟雄，係英雄遲暮，所以于和偉有一個出位嘅機會。綜觀隴西講嘅係兩個虛構小人物，但歷史人物如諸葛亮等同一貫形象唔同，觀眾未必能受落。
2）台詞唔古唔今，想睇正劇歷史劇嘅覺得兀突，想睇古偶劇又會覺得不倫不類，第一集我聽咗幾次諸葛亮叫手下要立即排查，搵個內鬼出嚟，"排查"呢個詞聽到我好出戲，呢個係現今同語，唔應該出現喺一套以真實歷史做背景嘅劇之中。
3）色調太暗，唔適合年紀較大或睇開合家歡類劇嘅觀眾，呢種小眾口味劇應該安排唔同時間播，又或者網播可能更易突圍。
花旗太太生活在花旗國，留意時差，你問我未必即時答到。
發表於 
返回列表
