hugoma2015 發表於 17-7-3 04:09 
我無睇，不過兔區講出我心聲，我對呢個人物無興趣，無好感。
睇嘅時候唔好當係歷史劇去睇，因為從來正史野史講司馬懿嘅都比其他三國人物少，呢套當係講曹家對司馬家嘅興衰交替，講曹操點樣挾天子以令諸侯，司馬懿點樣扶植曹丕，其中兩家對比，所有嘢都有因至有果，司馬懿同老婆原來係非常恩愛，張春華一個古代賢妻既有智慧亦有剛烈性格同膽色，同霓凰一樣幾討喜，後期好似因為曹操嘅離間，加上司馬懿續漸黑化，令兩夫婦有芥蒂，故事係大男主骨幹，加幾個重要女角，暫時睇劇情都幾吸引，可能因為一向都以劉備曹操為主點，今次偏重講司馬家同曹家，有D以前冇留意過嘅視點。孔明周瑜故事耳熟能詳，做過嘅演員亦好多，有比較之下，突圍較難，司馬懿一向都係三國劇入面二三四線角色戲份，今次成為男主，一個畏妻、衝動、膽小、又隱現邪氣嘅角色，我反而有興趣追睇。
其中一樣我睇片頭留意到：片頭去到1分11秒，當所有領銜主演演員名連友情客串演員都已經出晒，至見到吳秀波領銜主演字幕，戲劇監制吳秀波都係去到1：43至出，我個人好佩服呢種將自己放到最後嘅表現，成套戲話籌備到完成用咗四年幾五年，編劇係一個女人，寫大男人嘅情，睇下可以去到幾大氣幾細緻。
原本我成日以為未做，原來已開播咗，做到廿二集，咁都好，唔駛等播，等我去開番個軍師樓先。
花旗太太生活在花旗國，留意時差，你問我未必即時答到。
發表於 
有無大片？
返回列表
