whywhite22 發表於 22-5-16 16:48 
睇完風起隴西,可能D人之前期望好高,達唔到預期效果導致評論咁差,我就覺得唔錯,值得睇.
...
我呢個幾兩個月好忙,隴西我未睇完,個人覺得部份負面評論都過份誇張同苛刻,或者可以講隴西同幾乎所有馬伯庸原著嘅影視作品都唔係跟隨大眾口味,情調一般都係比較悲情、黑暗,佢小說好睇但唔係個個啱睇,影視化亦都要好睇導演同編劇加演員,套劇得唔到預期效果,每一個負責單位都有責任,而家隴西講到因為一個演員,仲要上綱上線到話係必扑體質,唔太合邏輯。
隴西又好,十二時辰、洛陽、三國機密,就算古董局中局都同時下流行嘅古偶現偶唔同,CP線淡化,不跟套路走,其實我自己就睇下好有癮,估到晒嘅情節,樣板化嘅人設流程,不斷俾觀眾想睇但又唔合情理嘅畫面,有咩意思?而家好多劇都係差不多情節、人設、走向,千篇一律,想有人記得都難,加埋有D演員唔係耍帥就係擺pose咁行行企企,有D連顏值儀態都冇,睇完一套已經唔想再睇,因為之後都係炒冷飯式存在。
花旗太太生活在花旗國,留意時差,你問我未必即時答到。