EVA222 發表於 15-8-24 10:57
所以共產思想好恐怖，恨有錢途，無非為自己累積財富，已出嫁家姐有高薪，無佔用資源，亦有給父母家用，佢靠 ...
EVA222
共產思想係指將所有資源平均分配, 而家我只係認為如果自己家姐可以多俾少少家用作為心意。(每月5-8K 左右), 都只不過係佢月入的5%, 咁其實我/我父母都會生活得好少少, 至少多少少錢儲下。
其實自己父親早前都有怨言, 就係覺得為何自己供她去外國讀書, 花左差不多1M, 當年1M 可以差不多買到2層 (full paid) 沙田第一城細價樓。(2002年) 而且父親大人收入不穩, 又做不到加按, 差D要搞到賣樓黎供佢讀書, 自己成家人去租樓住。所以而家父親大人有時覺得她的”孝心”不夠, 對住我"呻", 話筆錢寧願供2800/2電/港鐵/買樓, 因為至少有息收。
她而家搵到份好工, 又搵到錢, 其實真係佢自己的本事黎, 我地都替她高興。但我想emphasize的就係佢做人的態度, 係不應該忘本，始終係父母供佢去讀書佢才有degree.她當年AL全炒, 個成績只能夠入Asso degree, 如果不係父母俾錢佢去外國讀書, 佢跟本入不到D MNC 度做野, 仲要係極高層位, 做有”錢途”行業, 搵大錢。仲有就係佢不好教到個女咁物資主義, 因為這並不是必然。
呢度好多人(8成以上), 都會覺得寧願供滿層自住樓都不願意賣樓/加按供仔女去讀書, 因為怕賣左樓買不返, 同埋仔女又搵不多黎報答自己 (因為大部份海歸都未必搵得多錢)，今時今日, 大學學位貶值, 呢個係事實。
我想講的係, 自己家姐的際遇真係好, D好運係由頭到腳都係，如果不係有人帶佢入行,又咁啱個job position meet到佢的個人最強的一項, 她跟本沒可能發揮得咁好。相反, 如果她只係本地畢業生(ASSO/HD), 我覺得她跟本不會有機會入到佢而家做緊的公司度做野。佢搵工，自從第一份工後, 之後好多份工都係人地介紹佢去轉工(呢D 就係際遇), 不過佢本身把口真係有急才, 又不會俾人”大”到, 呢樣係佢天生的特點黎。仲有就係, 如果佢當初TAKE 錯OFFER, 都有可能好似我咁要轉多2-3份工才會搵到自己的長處/興趣, 咁樣仕途才會順利。
相反，我自己搵工(轉工/PT/INTERN)就全部靠自己，所以當我想請教自己家姐的見工經驗 (佢好多大公司MT都冇IN過就有OFFER), 她根本幫不到我, 見工經驗我多過她不少, 奶過不少野, 才會學精叻。我在朋友面前有時都覺得自己瘀,做不到compliance, 雖然而家都不算好差, 但始終都不算係撈到風山水起果隻。
我第一份工(現已轉工), 細公司, 份工又不算HEA, 人工又不多(少過而家不少), 假又少, 亞姐又煩, 又指指點點, 無料扮有料果D。可能你會覺得我好小氣/小家/斤斤計較, 但我想講的係自己真係”捱”過, 在外地鄉郊出差工作, 不係去玩, 食的/着的/用的都差過大陸不少, 我自己多花少少錢用room service食野係為左飽肚食藥, 為的只係身體健康, 但就換來俾人話我洗多左公司錢(所花費用仲少過一個M記魚柳飽餐), 仲話點解不可以在街邊買其他野黎食(好dirty), 我真係無語了。 = =
自己家姐根本沒有捱過, 而且我負擔又重, 一個月要花成3千蚊去睇中醫(長期病), 但我仍然堅持多俾少少家用屋企, 為的係父母過得好少少, 所以她/她女兒根本不知民間疾苦, 我就儲得極少錢, 所以就覺得她不夠”孝心”了。她其實不好咁大洗, 都可以儲到錢買樓。
而家小弟都叫做過得好少少, 但同佢比, 其實真係蚊比同牛比, 而且自己做的工又係辛苦工(擔心黎緊呢幾年會不會前景變差), 我想讀書轉行, 她就覺得我不好浪費金錢去進修轉行(因為未必成功), 而同她覺得我不適合做我認為適合果一行。(ß
呢D 野其實好主觀, 呢度有D JM 都講過, 其實每份工/行業, 真係不試過都未必知啱不啱, 之但係做人最緊要問心無愧。)
或者你講得對, 我有時的確係俾人覺得係不夠job knowledge/相關的”SENSE”, 所以第一份工果陣做得好不順利, 不過人總是在跌碰中成長, 但我家姐係未”跌”過。
不過算啦, 每人的生活態度不同, 講完就算了。
發表於 
返回列表
