講下呢兩集，做得好嘅有譽王，表情到位，朝堂上佢力挽狂瀾，但最後都係大勢已去，心有不甘，其實佢都好有魄力，亦比太子有才智，只可惜如果佢做皇帝，即係重覆今日局面，唔會有轉機。佢對秦般若係有情，只係秦一直唔肯做妾，但譽王係完全相信佢，不過譽王唔會棄妃，因為朱氏係有財勢嘅大門戶之女，可惜今次弟弟連累到譽王（其實都係譽王指使，冇得怨）。黃維德呢個奸雄形象做到恰如其份，有才智有頭腦，可惜佢遇到嘅係梅長蘇，否則日子一久，皇位應會屬於佢。
宗主呢兩集係只要靚靚仔仔咁瞓喺度就得啦，佢嘅肢體動作同表情正到我都想去扶佢，摸下個酥胸，真係好白好闊，所以cap咗好多圖。雖然宗主呢兩集動作唔多，但果場獄出走出嚟體力不支嘅戲就做得好好，不過我都未諗到點解佢唔出聲話中烏金丸毒，佢應該未想死住架。
靖王呢兩集唔係over就係唔夠，表情真係太表面，都費事寫咁多去吐糟佢，總之就係應該後悔時只係見到嬲同合埋眼，之後對長蘇嘅歉意都係用錯表情。
最英都算係蒙大統領，大智若愚，等人以為佢頭腦簡單，其實係引君入局，當佢知道長蘇中毒，佢果種急同緊張好有力量，打夏江果兩場完全拍手掌，唔該幫我打多幾下。
夏江雖然成為階下囚，反而果種到死不認輸嘅竭斯抵里係逼佢入絕路最後咆哮嘅前奏，佢依然想力挽狂瀾，利用譽王去救自己，力量爆炸力好強。
花旗太太生活在花旗國，留意時差，你問我未必即時答到。
發表於 
返回列表
