pprlala 發表於 16-3-13 10:15 
我係美國，感覺唔到歧視問題，但係槍械同重稅係事實。 工作係講際遇，亦講適合，係香港大把大學生，朝八晚 ...
重稅呢樣冇得講，要支持成個福利制度，同香港夾心階層一樣，交多稅但永遠享受唔到福利，我嚟咗十年以上，有時都係唔明，但土生土長嘅人同我講外地人係唔會明白個中個理念，佢地會怪有人濫用福利，但唔會話自己唔應該交稅，事實海外工作嘅美國人，最基本係要報稅，未去到年薪美金十萬個免稅額外根本唔需要再交美國稅（個exact數字有JM貼過出嚟，我懶唔再搵啦），同埋係會扣番交咗俾海外國家嘅稅至開始計，咁如果覺得搵十萬美金一年係少的話，咁真係冇嘢好講，價值觀唔同，住美國唔係好多人可以年薪過十萬美金，我有同事一年幾十萬，但人家係十分十分之努力，同埋工作壓力好大。
有客係大陸人好有錢，佢地話喺國內佢地咩都有，但最基本空氣食物多多錢都買唔到好質數嘅，有個客呻話肯俾錢食得貴都未必知食咗咩落肚，好似北京上海咁，長時間空氣差，陰霾重風沙大，所以有錢都想走。
其實移民係好個人嘅決定，走唔一定會比而家好，唔走又唔代表一定差，走得就要放開成見，嘗試適應融合，呢個世界冇完美樂土，度度都有自己問題，睇下自己點定輕重先後，中國人去到邊度都生存得到，以前ATV尋找他鄉的故事入面幾山旯旮嘅地方都有中國人，都可以開闢自己另一片天地。
花旗太太生活在花旗國，留意時差，你問我未必即時答到。
發表於 
返回列表
