興趣嗜好 今日: 4 | 主題: 124202

積分: 30245

242^#

發表於 17-3-13 00:49 |只看該作者

O.M.G 發表於 17-3-12 23:44
感覺到樓主個思維都清晰,只不過遭遇上的事唔係個個感受得到,如單單說帶上正能量上戰場係唔夠,還要配合形勢 ...

謝謝您明白, 及明白我開帖既原因, 亦都多謝你用左好多例子, 詞彙去表達, 因其實我表達能力都好差, 多謝您!

我都唔係自怨自艾乜都唔做, 起碼我都仲有去見朋友, 見親戚, 有去做運動, 有去識新朋友, 有搵工, 有去見工, 有自己煮飯食, 之前都仲做義工, 唔係乜都唔做成日哩埋喺屋企喊

但次次問命都話我負能量, 講咩都無用, 其實我係想要個方向, 明確D既指引, 好過我行咁多冤枉路, 到最後得個桔, 想有個明確D既答案, 而唔係D模稜兩可既答案, 有D會話你努力D就得, 咁即係無講過野, 因為呢樣野係人都知, 但又未必係你努力就會一定得架囉, 好似之前我試過IG個師傅, 佢只係一味叫我好好咁努力同男朋友協調下, 但係就無講我地會唔會復合或分開, 只係話好好協調下就有機會喺2018年結婚, 係有機會, 但就無好明確咁講, 現在就好明顯係關係差左, 但我已經聽佢講我好好咁想同佢傾, 以退為進, 唔迫佢, 我甚至放低尊嚴, 唔怪佢我生病時無理過我, 我直頭同佢講我好掛住佢, 我話我會改善, 但係佢現在好明顯係執意要同我劃清界線, 連一個MSG一個電話都無問候過我, 普通朋友都不如

我唔明點解算命係咁樣, 講D野好大路, 聽完之後我既發應會係咁即係點呀? 同我身邊朋友講既野差唔多, 一開始佢話要走時, 我朋友都係咁同我講, 如果你仲想同佢一齊既話就好好咁同佢傾下啦, 我身邊D朋友無學過玄學八字的都識講既野, 我點解要花幾百蚊找個算命師傅同我講同一番說話呢?

仲要個問題係, 我努力去修補, 我努力去工作, 都唔代表我可以得到回報, 男友一樣唔會番來, 份工仍然都係無左

其實我係想知道一D明確D既答案, 同埋如果再遇上呢D劫數時, 我可以點樣避左佢, 將個情況由最壞減到最輕, 我都好明白命運係無得更改, 唔會改到運, 只不過可唔可以化解, 或者避得到, 例如知道上年年尾我個職位會不保時, 我可以點做? 定係呢個其實係一個契機, 反正都做得唔開心, 可能係天意呢份無左下一次會更好, 或者咁岩政府會請我去做, 比一條路我去行呢? 會係一個新既契機? 男朋友走左, 會唔會令我之後更珍惜感情, 會遇到下一個更好更會有時間樂意陪伴我左右既對象呢? 雖然我知道我命格未必有

私人傳訊

Yes_Mom

積分: 5135

243^#

發表於 17-3-13 01:07 |只看該作者

回覆 zoie_w 的帖子

阿小姐。。邊度有得講話人地條件好差，但命好。。可能人地背後做左好多野你唔知。。或者真係命好。。

我知你好慘。。但成日甘諗有乜用??無論乜位置，都有人好過你或慘過你。。照你甘既logic非洲冇得食既人咪要由1歲怨到死左個日。。一出世就病既人咪仲慘過你。。

你事情都發生左，不如諗下點樣好好生活。。你再係甘怨，真係唔會有人愛你。。因為冇男人鍾意怨婦

私人傳訊

積分: 7293

244^#

發表於 17-3-13 01:10 |只看該作者

zoie_w 發表於 17-3-12 16:54
其實我真心需要算命, 需要知道自己應該點行, 而唔係要需要社工

現在我既環境係工又無, 人又無, 我男朋友 ...

加油!!!

私人傳訊

積分: 60891

245^#

發表於 17-3-13 01:12 |只看該作者

提示: 作者被禁止或刪除內容自動屏蔽

私人傳訊

積分: 7293

246^#

發表於 17-3-13 01:13 |只看該作者

zoie_w 發表於 17-3-12 16:59
同埋真係有D野係我自己先會明, 係我同我男友既經曆, 我同佢係經歷過好多野, 我亦都好清楚佢為人, 佢就連一 ...

咁就證明佢只岩做朋友，而唔係情人一個男人唔愛你，有千百萬個理由
LET IT GO
唔甘心只會令你條路越黎越難行，越黎越孤單
唯有放手先係可以令你個人重生
係，講係好易，做係好難，太得閒會令你多野諗，做下義工或者上下興趣班可能幫到你
總之唔好留空白時間俾自己亂諗野

私人傳訊

積分: 30245

247^#

發表於 17-3-13 01:15 |只看該作者

本帖最後由 zoie_w 於 17-3-13 01:32 編輯

cbeyond 發表於 17-3-13 00:44
本帖最後由 cbeyond 於 17-3-13 00:46 編輯

係嫁, 尤其係有目的去行善, 既然唔係發自內心, 點會產生到 ...

我可以話比你聽, 我真係份份工都做唔長, 最長的只係做左三年, 際遇既野真係好難講, 先唔好講我早年際遇差, 遇到既上司, 老闆都係唔好既, 我有某幾年係我覺得出來工作做得最開心既年份, 遇到既同事都好好, 係可以做到朋友傾心事嗰種, 上司老闆對我都客客氣氣, 但始終都係唔器重我, 始終都係差D, 就算我好努力做都好, 都係唔太睇我, 人工都係好低, 低過市價好多, 但我自己覺得難得找到好同事可以開心工作, 唔怕番工已經好好, 好難得, 後來係公司無乜野比我做, HR同我傾過可以調我去做其他部門, 本來都傾得好地地, 因為公司會覺得當初請我係一個新既職位, 之前係無的, 後來才發覺我呢個職位唔係DAILY咁有野做, 所以想我走, 但又覺得唔係我既問題, 我無錯, 工作表現都無問題, 無可能無啦啦炒我, 所以先叫HR同我傾, 而我都樂意接受做其他職位, 起碼可以留番喺呢間公司

但真係到左某一日放工, HR無啦啦比信我叫我走係裁員, 佢都有同我道歉, 因之前明明都傾得7788, 突然之間公司又咁既決定, 我最後悔係當時無放定D大袋喺度, 因為真係太突然了, 而我亦都無諗過間公司會咁對我, 因之前已經傾好哂架喇! 我喺間公司都做左兩年快三年, 如果真係工作態度有問題, 早已經過唔到PROBATION, 或者早被炒啦! 仲點會派HR同我傾條件, 想我繼續留低? 所以我信係命, 唔可以話我負能量, 我只係接受左我命運中既工作際遇會係咁, 所以咪會帶定D大袋囉! 點知幾時會突然比人裁, 我呢份工原先都以為傾得好地地, 應該會轉部門架喇, 點知佢嗰日收工突然比信我, 我都唔知點執野走呀, 係好突然, 我仲話如果我調左部門之後, 如果有咩需要我幫手做之前個位D野我有時間都可以幫手做, 我無同公司計較, 關係亦良好, 無諗過公司會咁對我

我對上岩岩被裁既公司都係, 完全無先兆下裁我, 我老闆都話唔係我做錯架, 只係公司真係唔需要我呢個職位, 我同樣係做左兩年半, 都係嗰句, 如果係工作有問題, 晨早炒我啦! 我老闆仲要幫我寫好封信比我去見工用, 如果真係咁差既話, 你覺得佢會咁樣幫我? 我LASTDAY嗰日仲特登請我食飯, 我都係話有咩可以隨時搵我, 雖然呢間公司無上一份咁開心, 但係有咩幫手有咩趕既我都會病緊都照番公司做野

唔好成日話人負能量, 而係生活, 過去既經歷會令到一個人慢慢會了解到自己個際遇係咁, 我唔識講野, 亦唔係太識得表達, 我只係想講我帶定D大袋番工, 唔代表我係負能量覺得份工做唔長, 而係因為我經歷得太多, 已經認命了, 咁樣反而我會覺得釋懷一D, 因早年我真係好唔份氣, 明明好努力付出都無回報, 反而見嗰D資質平凡, 甚至做野成日甩甩漏漏嗰D人仲可以喺一間公司度做十年廿年, 甚至做到退休, 你又覺得某D人做野能力真係好高咩? 但佢地又可以有份安穩既工作呀, 你睇做政府嗰D都知啦! 態度差, HEA都有, 咪一樣有鐵飯碗

私人傳訊

積分: 7293

248^#

發表於 17-3-13 01:17 |只看該作者

zoie_w 發表於 17-3-12 17:08
仲有, 好多都會話叫我, 例如: 好好地咁同男朋友傾下啦! 好好協調下, 過多幾年好大可能係你地既婚期,

...

既然傾係唔WORK咁就只能放開佢
放開佢 = 放過你自己
抱怨解決唔到問題
相反，男人係好怕遇到怨婦
所以CONTINUE 抱怨落去，你非但搵唔到一段新戀情，仲只會令身邊人更加遠離你
今時今日，冇野係有保證
結左婚亦唔代表以後唔會離婚，所以十六年，你係念舊，可惜對方唔係

私人傳訊

積分: 4844

249^#

發表於 17-3-13 01:22 |只看該作者

zoie_w 發表於 17-3-13 00:49
謝謝您明白, 及明白我開帖既原因, 亦都多謝你用左好多例子, 詞彙去表達, 因其實我表達能力都好差, 多謝您 ...

其實我半年前pm過妳,但妳冇覆我,唔知係時間未岩定點,我覺得我pm妳的那個師傅會幫到妳,情況許可的話妳可以試下啦,她會答到妳心裡面既疑問,她很爽快又夠經驗,
妳要肯定既答案搵她就岩哂啦.[真心唔係幫那位師傅賣廣告]

頭先我睇妳d回覆時起念觸機,看過一下奇門時盤,我見到妳前男友個度係有小三既信息,
[我係自學入門既水準,所以不能作實,只懂睇d簡單野],六合又真係受克,開門都遇擊刑(即事業),
加上星門反吟,同妳所講既好吻合,有冇得解救或應對就要搵師傅睇,我未有任何足夠既程度去睇,
我想幫睇多d都冇咁既能力

私人傳訊

積分: 30245

250^#

發表於 17-3-13 01:22 |只看該作者

小趴趴發表於 17-3-13 01:17
既然傾係唔WORK咁就只能放開佢
放開佢 = 放過你自己
抱怨解決唔到問題

我主要係想講個算命問題, 命運問題

私人傳訊

積分: 60891

251^#

發表於 17-3-13 01:22 |只看該作者

提示: 作者被禁止或刪除內容自動屏蔽

私人傳訊

積分: 4844

252^#

發表於 17-3-13 01:24 |只看該作者

cinda72. 發表於 17-3-13 01:12
我諗你對正能量有d誤解

咁cinda姐妳要講俾我聽我誤解既地方,唔係既話我都唔知自己邊度諗錯左.

私人傳訊

積分: 30245

253^#

發表於 17-3-13 01:25 |只看該作者

O.M.G 發表於 17-3-13 01:22
其實我半年前pm過妳,但妳冇覆我,唔知係時間未岩定點,我覺得我pm妳的那個師傅會幫到妳,情況許可的話妳可以試 ...

其實你明白我已經幫左我好多架喇!

我真係無氣喇, 我唔識表達

私人傳訊

積分: 60891

254^#

發表於 17-3-13 01:28 |只看該作者

提示: 作者被禁止或刪除內容自動屏蔽

私人傳訊

積分: 7293

255^#

發表於 17-3-13 01:33 |只看該作者

zoie_w 發表於 17-3-13 01:22
我主要係想講個算命問題, 命運問題

算命，命運，可以做，但不能盡信我曾經好多次都算唔準，又或者算到，師父唔肯同講太多，一句幾好就打發我走。
亦曾因為失戀迷信，不停去問神結果俾神棍非禮!!!
但我每年都會去算 (當然唔再係果間神棍)
算到你好？你就白白等個機會來臨，可能就錯過了，算到你唔好，你就會形住形住，成日覺得自己點解咁黑跟住無止境咁樣抱怨，算命對你黎講，有意思？

我明你不忿點解人地過得好，自己過得唔好，但有個師父仔教我，其實所有野，都係你一念之間，只要你個人既想法改變，好多事情跟住會變好，就係佢呢句，我本來工作上有問題，結果我心態放開左，突然有三四個工作機會自己搵上門!!!所以自身諗法好重要!!!
PS我都會KEEP住算命，當參考
果位師父仔(其實係我同事)當中類似有幫我做淨化之類，我唔識形容佢果D係咩，不過佢想搵多D人試下，免費，以我所知亦唔洗見面做，你睇下有冇興趣我再問佢

私人傳訊

積分: 4844

256^#

發表於 17-3-13 01:38 |只看該作者

cinda72. 發表於 17-3-13 01:22
非常好!

係上一堂，學生問我，種善因係咪一定有善果，

我唔係想講d極端例子做反面,想講一個真實發生既情況,美國唔記得邊度既14歲女仔,有日幫一個當地既男士[個男既好似係用受傷既小動物做誘利],
男人捉左佢囚禁著當性奴,最尾這個好心女孩就被禁室培育左十幾年,最後先走得甩...
[同類case很多都未搵得返或已經慘死左等等]

如果將這樣的事對落[正能量]價值觀度就可能會出事.....

私人傳訊

積分: 60891

257^#

發表於 17-3-13 01:43 |只看該作者

提示: 作者被禁止或刪除內容自動屏蔽

私人傳訊

積分: 30245

258^#

發表於 17-3-13 01:46 |只看該作者

小趴趴發表於 17-3-13 01:33
算命，命運，可以做，但不能盡信我曾經好多次都算唔準，又或者算到，師父唔肯同講太多，一句幾好就打發我走 ...

我唔係不份人地過得好，我都信命，明白呢個係每個人福氣唔同，只是唔希望人地將佢個套套落去自己身上，覺得自己個套一定岩，同埋想講自己唔係做得最衰最差的那個，唔想愛情同工作都要咁樣受挫，咁係好委屈

私人傳訊