RelaxHippo 發表於 19-1-9 00:19 
我都係睇知否呢部原著小說先知多啲古時女子既難處. 宜家女人可以有個人財產, 出外工作, 但古時女人連房產 ...
我強力推介睇埋小說，講得更深入，不過真係好長，裡面有提到女人帶得多嫁妝去嫁，喺父家至唔駛受氣，上至金銀珠寶，下至傢俬用品，大戶人家小姐仲有田地莊園舖面，可以多到完全自給自足。由於門第嫡庶長幼觀念強烈，所以有所謂高嫁低嫁、高娶低娶，做官嘅想巴結侯門公爵，因為身份尊貴，富有人家想嫁入官宦之家，以洗一身銅臭味，當中背景係重文輕武，就算為官，文官都比武官令人感覺有文化；老百姓嚟講，做大戶人家嘅奴婢都受歡迎，係小康或中等農戶非常受落嘅婚事。加埋所謂嫡庶長幼職業種種考慮，古代社會實在係限制重重，個個都想向上攀，只有少數人領略到平凡是福。
講到平凡是福，因為劇改咗明蘭同小公爺條線，變成明蘭意志上係為愛情而甘願入侯門，小說中佢係好清楚自己位置，亦知道平靜生活嘅重要，所以佢至會接受賀弘文呢門婚事，但睇得仔細D，明蘭對小公爺同賀弘文都冇真正瞓身，佢頭腦好清醒，對小公爺佢及時抽身，對賀弘文係半步不讓，不接受表妹做妾，至於顧二郎，明蘭係由最初打工心態開始，慢慢體會到顧二走來不易，又因為顧二對佢一條心，佢地係慢慢不知不覺中以對方為先。
我唔鍾意劇而家改到明蘭為小公爺沉迷，明蘭應該係隱忍，大智若愚，但呢幾集佢事事出頭，有咩理由成班老太太人精會想唔到，要一個未嫁靚妹去出主意？盛老太話得佢啱，佢比佢二哥大姐更招搖，唔係一件好事。
花旗太太生活在花旗國，留意時差，你問我未必即時答到。
吳大娘都講到出口、佢嫲嫲又勸過佢，佢係淑蘭到又見到，都仲可以同小公爺個僕人講，小公爺不負佢、佢定不負小公爺
大佬呀，編劇改劇本都改得合理小小呀，明明之前係咁推人、E+又好似突然愛到咁深，仲要以明蘭自細係佢嫲嫲身邊教佢咁多，都仲可以有呢d行為真係理解唔到。
發表於 
但係提親班人唔係袁家嘠咩，點解顧二又係裡面嘅？袁家同顧家乜關係
咁我明啦 真係好難睇得明 
返回列表
