吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 男家有少少錢但都好想我係公立生..

自由講場今日: 1119|主題: 1357648

收藏本版

發帖

返回列表

跳至頁

樓主: ling212

11 121314 15...32

積分: 6683

241^#

發表於 19-3-1 09:09 |只看該作者

ling212 發表於 19-3-1 08:57
其他小朋友物資我準備左大半了，有d係朋友比有d係自己買。教育當然都係自己負責同比啦。
...

樓主，希望你唔好集中係物質，物資上面去唸。我見你好多回覆都係解釋同錢掛鉤。其實陀B 係你本人，梗係以你自己舒服為依歸，政府生係真係唔會隨便開刀同埋預左係醫院生完冇人幫係湊，但私家真係舒服，生完有人幫你湊。但請你再三先了解開刀同順產既優劣分別先。我身邊不少朋友，順產都係私院生，原因唔係因為想開刀怕痛，有d 係因為覺得係作為女人係要經歷一下，有d 覺得私院服務好，有d 覺得自己有能力比私院費用就唔需要利用政府資源。以上朋友都係私院順產。明白第一次生小朋友，梗係覺得怕痛想開刀，但如果你了解過開順產對胎兒及媽媽產後既優點，順產一定係首選。

私人傳訊

fungenergy

男爵府

積分: 6618

242^#

發表於 19-3-1 09:11 |只看該作者

樓主你好似我朋友
佢上年結婚又係嫁個幫屋企打工既富二代
擺酒全部男家俾, 佢完全冇say
自己俾錢租條裙又話貴又好肉痛
之後仲要求男家俾禮金十萬, 但奶奶唔肯
佢就覺得明明男家屋企有錢, 呢d錢對佢地黎講濕濕碎
日日o係度怨呢樣怨o個樣, 我聽到都覺得煩

如果自己冇本事搵多d錢去埋單
就唔好要求人地順晒你意
邊個出錢咪邊個話事囉

私人傳訊

bufferzone

珍珠宮

積分: 44132

父親節2025勳章母親節2025勳章 2024年龍年勳章虎到金來勳章牛年勳章 2018復活節勳章親子王國15週年勳章最關心BB問題熱投勳章開心吸收勳章

243^#

發表於 19-3-1 09:12 |只看該作者

ling212 發表於 19-3-1 00:24
男家有少少錢，平時成日去旅行都人頭過萬，擺酒要威要豪華，但對醫療野又會好慳(同我相反）例如感覺到好想 ...

傻豬，唔好唔開心！

去威院或瑪麗睇私家症咪得囉

政府既backup, 私家既服務

私人傳訊

fafapoodle

男爵府

積分: 5332

244^#

發表於 19-3-1 09:13 |只看該作者

回覆 ling212 的帖子

當年我都因為怕痛好耐、驚等等而選擇去私家開刀身，亦因為想响一個舒服d嘅醫院環境休息，所以頭兩個我都係自己俾錢嘅！咁，我又唔覺有咩問題，如果自己俾得起嘅，咪當自己付費享受下囉！

私人傳訊

tester5

翡翠宮

積分: 81390

2018復活節勳章開心吸收勳章親子王國15週年勳章

245^#

發表於 19-3-1 09:17 |只看該作者

ling212 發表於 19-3-1 00:24
男家有少少錢，平時成日去旅行都人頭過萬，擺酒要威要豪華，但對醫療野又會好慳(同我相反）例如感覺到好想 ...

呢d你唔好出面楂主意，關係一定唔好。
先「軟攻」老公，比你去私家生，佢應該唔會第一胎都唔幫你掛？

tum下佢，撒下嬌，務求令佢支持你。
再由「佢」同家人講，係「佢自己主意」想你私家生。

DONE。

如果你奶奶問你意願，你就話聽晒老公話（通常咁講，奶奶都好啱聽）

致於邊個比錢，我唔介意私下自己比，冇咩感覺唔良好，冇錢就話啫，搵到對自己好d有咩問題，最重要你話自己好重視醫療ma。

私人傳訊

ling212

複式洋房

積分: 261

246^#

發表於 19-3-1 09:18 |只看該作者

Esther_531 發表於 19-3-1 09:04
咪係，可能第日話要個小朋友讀私校要自己比又委屈。。。
兩公婆自己有錢點解要6299比？？？明知要睇人面色 ...

我覺得小朋友唔洗讀私校，寧願留錢等佢得閒學下野上下興趣班。大家可能誤會左以為我咩都要豪又唔想俾，其實只係生仔呢part覺得關乎安危先咁concern. 不嬲最注重係醫療，因為見過身邊人有病但得唔到適當治癒既痛苦，反而其他我比較淡然。其實係老公俾，不過佢點洗錢家人都會俾下意見，所以我先想顧全部人感受。

私人傳訊

焦糖媽

侯爵府

積分: 20083

親子王國15週年勳章

247^#

發表於 19-3-1 09:19 |只看該作者

cloudwingwing 發表於 19-3-1 08:32
同意，去旅行每人過萬就覺得有少少錢，我去旅行好多時人頭過萬，但只係生活OK, 唔係有錢人，男家應該只係 ...

係囉, 旅行過萬人頭..... 好小事..... 例如一家四口去日本, 好難唔洗4萬......

我3年前一家三口加奶奶,去東京都洗左6萬

我以為呢啲 "生仔男家要有表示" 的思維, 係我媽嗰個年代 (我生仔時我媽有呻過男家無乜表示)。去邊生, 去唔去私家產檢, 請唔請工人陪月, 呢啲全部兩公婆自己傾掂。一來係自己生B, 二來老人家隔左咁多年都有點脫節, 自己分析哂資料決定更為適合

私人傳訊

zone123

男爵府

積分: 9207

248^#

發表於 19-3-1 09:20 |只看該作者

回覆樓主:

其實都未試過，就知道自己好痛？
雖然人人忍痛能力唔同，
但我自己就覺得順產真係冇人地講到咁痛!
人地話生仔痛過俾火燒!
我兩樣都試過，我覺得俾火燒痛好多啦！
我都有朋友話，佢都好後悔開刀生，
因為幾年後個肚裡面都好似未好晒咁!

亦有人話開刀仲痛過順產!
因為順產係生完已經唔痛，
但開刀只係生個時唔痛，之後先痛!

不過生仔自己又冇錢，
又怕痛，又話唔到事，
咁生黎做乜？
生仔錢要男家俾，
第時學費, 校車費，茶點費都係男家俾咩？

如果第時男家要你個小朋友讀津校的話，
咁你又點打算？