angieyu 發表於 19-4-7 08:02 
好犀利啊你，要浸幾耐先可以做到你咁好 一次過照顧到咁多人又唔會甩轆。 我覺得如果我坐喺你個 ...
我唔犀利，做呢D位除咗能力之外，仲要有自信，你要老細信你，你就先要信自己，你俾嘢佢之前自己睇過，過得到自己先，如果你自己都有後續問題或者有疑問的話，你就係做得未夠，我由好耐以前做嘢已經係：當你做到90分，點解唔做多少少去到100分？我好深印象以前去參觀警校，當時個教官就係同一個學員講，你做到40下掌上壓，只要堅持，做多一下再做多一下，你會發現其實你可以做到80下，呢個叫push to the limit，你永遠唔知道自己其實可以做得更好，但呢個信念首先要本住nothing is impossible，我見過好多legend，亦試過逢凶化吉，好彩唔少次化腐朽為神奇，但我更相信好多嘢都係打底，新人又點會唔做錯嘢，如果一做就完美，年資點會咁值錢？慢慢嚟，最緊要思想正面，唔怕蝕底，你永遠唔知今日做突嘅原來以後會有用。
咁多人我唔係全部都湊到足架，除咗頂頭兩個老細加兩個大老細，佢地下面D人我只係有限度服務，有D行政上嘅嘢我會大圍做，果D不斷重複問嘅問題，我會寫好晒script，邊個問起就copy & paste落去email俾佢地，得閒我會加埋screen shots同instructions，年中真係答幾十次，D人今年問完，下年又問，於是我直情將同樣嘅email forward俾番佢地。
放工後、星期六日我都唔做公司嘢架，我D老細亦盡量唔會放假時候搵我，除非好緊急，例如我病咗，老細又咁啱果日開會，佢會text問我嘢，我會答佢，有時甚至有嘢我記得會提佢。不過，我會平時留意一D工作上可能用得著嘅嘢，倒如餐館、停車場位置、caters資料等，我試過前老細搬位，個位風水勁差，我幫佢去問人，之後幫佢去買風水竹擋剎，係我自己出錢架，老細話俾番錢我，但其實都唔算貴，每年佢幫我爭取加薪都唔少，心意嘢唔用錢去計。
花旗太太生活在花旗國，留意時差，你問我未必即時答到。
發表於 
, 同佢講嘢十問九唔應, 大我兩個對, 可能有代溝。
一次過照顧到咁多人又唔會甩轆。 我覺得如果我坐喺你個位真係會拿手唔成世, 好似做得呢樣做唔到嗰樣噉。你係咪會用自己私人時間去做公司野例如星期六日放假?, 點樣去分配工作? 
其實對同事，會吾會難過對上司？畢竟上司只有一個，摸清佢份人就好辦事，而同事有一堆。作為秘書吾可以同同事行得太近，怕老闆吾中意。同同事太疏離，又難以辦事，真係好難拿捏。
有時問多啲同人溝通多啲，將來總有用處架
一視同仁真係好重要，亦都好難做，首先要收起自己好惡，仲要識同吾同類型人相處。
，因為較少處理大量data，佢做HR就用到爛熟 （我pivot table要跟youtube片慢慢set）
返回列表
