SandyKL 發表於 25-2-18 14:23
最好有京官落嚟香港整頓吓，不過係困難，又會有人造謠一國兩制名存實亡，製造恐慌，又嚟多次黑暴。 :nothi ...
BO_NG 發表於 25-2-17 23:13
其實我覺得政府應該積極打擊呢啲濫用情況，殺一儆百！
出現金糧既，但又隱瞞自己攞政府福利，萬一比政府查到，除咗要佢嘔凸之餘，仲要立埋法係刑事嘅，即刻判處監禁，而且以後永久不可以再享有任何政府福利！
按照施小姐咁講，老弱傷殘身體唔好，我哋做普通市民都要有同理心，要可憐吓佢哋！但如果存在欺騙成份，根本就唔抵可憐！
SandyKL 發表於 25-2-18 13:34
政府總需要有人工作，否則邊有人做？冇美國的貪腐已對不起納稅人。仲有唔係所有公職由公務員做，以下Whatsapp收到，我認同喎，睇事物要闊啲，單一針對變以偏蓋全。
香港都需要個 #政府效率部 *（政府審計署不到位、除外）*
有無港版Elon Musk幫手整頓下？
一. 有好多聲音指，係財赤下公務員應該要凍結人手，甚至炒人，減薪。除咗公務員外，唔好忘記，香港仲有一大堆嘅「政府資助法定機構」，或者叫做「公營機構」。除左最誇張個兩個：港鐵CEO金澤培1940萬/年，機管局CEO林天福之前1100萬/年，仲有好多政府資助機構高層人工高到離哂譜。
二. 例如貿易發展局阿頭788萬/年，旅遊發展局阿頭740萬/年。有啲人唔多清楚呢啲機構嘅本質，以為佢地係政府部門。其實，呢啲機構，並唔係政府部門，而員工亦唔係公務員。所以平時你睇政府公務員數目，或者薪酬開支數字，係未計呢啲機構。
三. 呢堆機構，多數都唔係自負盈虧，仲要極大多數都係要拎政府資助。亦即係，呢啲薪酬開支，都係政府開支。
四. 大家都知，呢類機構係啲退休高官嘅樂園，亦出名養懶人。薪酬豐厚，甚至高過公務員體制入面好多，但又唔使好似私人企業咁面對市場壓力，差不多係鐵飯碗。
五. 之前明報報導，計算過員工開支佔呢類機構整體支出比例。結果發現，醫管局、職訓局及消委會佔逾六成，私隱專員公署佔逾七成，平機會及申訴專員公署佔逾八成。而且好多時都係肥上瘦下。做成點？值唔值？相信大家心中有數。
六. AI當道，而加個個機構，甚至各國領導人都講「改革」、「檢討效率」、「節流」。你見Elon Musk 都幫特朗普炒左唔少人，長遠幫美國政府慳左一大筆錢。
七. 政府唔只係負責分配資源，仲要監察啲資源用得其所，唔可以撥完款就放手，但呢啲資助機構薪酬水平一直都缺乏監察。香港政府財政好時，對呢類機構都隻眼開隻眼閉。但而家政府都莫財，就似乎應該認真咁整頓下呢啲機構嘅員工開支了。畢竟連公務員，局長甚至特首自己都會凍薪或減人工，冇理由呢啲機構完全唔使跟公務員。
八.「減少政府冗員」、「削減政府開支」、「提升政府效率」，係社會共識，對香港長遠亦一定有益，只係爭緊一個刀手。
其實馬斯克在複製習主席當年打貪腐。
發表於 
返回列表
