吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我很好!

夫婦情感今日: 1|主題: 42785

收藏本版

發帖

返回列表

跳至頁

樓主: 宅媽咪

我很好!

[複製鏈接]

11 121314 15...18

戀仔狂

伯爵府

積分: 17286

好媽媽勳章醒目開學勳章

241^#

發表於 12-2-2 20:56 |只看該作者

~~~~

花生組組員

~~~~

私人傳訊

super888

水晶宮

積分: 55656

畀面勳章 BK Milk勳章

242^#

發表於 12-2-2 21:03 |只看該作者

我覺得講得好好 (梁繼璋給兒子的信) ~~ 世界上並沒有最愛這回事，愛情只是一種霎時的感覺，而這感覺絕對會隨時日、心境而改變。如果你的所謂最愛離開你，請耐心地等候一下，讓時日慢慢沖洗，讓心靈慢慢沉澱，你的苦就會慢慢淡化。不要過分憧憬愛情的美，不要過分誇大失戀的悲。

add oil.

Cheer up! Enjoy every Little Thing in LIFE

私人傳訊

super888

水晶宮

積分: 55656

畀面勳章 BK Milk勳章

243^#

發表於 12-2-2 21:03 |只看該作者

Cheer up! Enjoy every Little Thing in LIFE

私人傳訊

karlilau

伯爵府

積分: 15416

畀面勳章

244^#

發表於 12-2-2 21:06 |只看該作者

我很好!

吾好見小三呀!到時你做醜人佢扮慘你仲心痛。你老公家人算啦!一定有日企係佢地個邊。你對佢地都死埋心啦

私人傳訊

ivymeoow

男爵府

積分: 5160

245^#

發表於 12-2-2 21:12 |只看該作者

我很好!

為左阿女，為左你自己，加油！

私人傳訊

blue2012

大宅

積分: 3925

畀面勳章

246^#

發表於 12-2-2 21:14 |只看該作者

支持支持!

私人傳訊

Ivy07

伯爵府

積分: 19409

畀面勳章環保接龍勳章

247^#

發表於 12-2-2 21:28 |只看該作者

樓主加油，這種男人唔使恨，沒有你是佢的損失

私人傳訊

Ivy07

伯爵府

積分: 19409

畀面勳章環保接龍勳章

248^#

發表於 12-2-2 21:29 |只看該作者

樓主加油，這種男人唔使恨，沒有你是佢的損失

私人傳訊

藍藍

伯爵府

積分: 15377

249^#

發表於 12-2-2 21:50 |只看該作者

樓主,支持你~~我都好明白你心情,因為我上年先經歷完小三事件...
件事好長,SORRY各位...借個位講下

我同老公係4月份時分左居,c6梗係唔認有第2個喇,佢死都話係我地2個之間既問題,同埋佢覺得頭家令佢有好大壓力處理唔到喎~(其實係1月份時我發現佢個女同事日日都搵佢,唔係夜媽媽打黎傾電話就係不停SMS(依個女同事都結左婚,而且仲有2個同我2個細仔差唔多年紀既女,不過條女得22歲死靚妹一名)2月份同佢為左依個女人既野嘈左3次大獲,之後3月份開始好返d...但c6同時開始成日借故夜返...直到27號通頂唔返,仲要打唔到比佢,為左依件事我真係發癲係FB留言狂鬧佢....到左4月2晚佢就突然同我講要分開(果日仲係我地慶祝完結婚6周年既第2日)4日後4月6號佢就同隻賤人搬走左(我係親眼睇住佢地2個搬,因為我要知真相所以偷偷去佢新地址偷睇佢)果時我心情都好差,但我無踢破佢地既事...因為佢搬前佢叫我比d時間佢,佢話等多一年後等佢讀埋書先再決定我地點(依家讀緊夜校幫助升職)...之後佢都係久唔久就會返黎睇仔(但其實係上黎我地道等埋隻賤人收工,佢地工作地點係我地屋企附近)加上我有係佢手機安左追蹤,所以我知佢每次係我地道走後都係返公司接隻賤女人!!!但我為左d仔同埋我既不甘心,所以我都繼續扮唔知!!!(因為佢走左留底3個仔比我自己照顧,而佢亦都無錢比返黎,有時仲久唔久問我借幾百蚊...我都會照樣幫佢,對佢仲好好添,只要佢返黎我都會客客氣氣(係佢唔點彩我)有時我仲會買埋d什物比佢帶返屋企用,到左8月頭佢突然打黎叫我盡快攪離婚,佢仲講左好多傷我心既說話..事源係因為佢係我fb見到我同佢講既留言,佢知我其實都知佢已經有第2個女人,我話佢依d所謂既愛只係激情,係剎那間出現亦都係好短暫既野,而依d野佢7年前都比過我,今時今日佢同果個賤人做緊野野咪姐係我地結婚前都發生過,只不過係時間令佢忘記左依種感覺,令到佢依家覺得好愛果個女人!!所以佢先同我去左睇一次戲,之後佢就趕住走..但我c6同我講"佢對我真係一d感覺都無,又話佢睇到我既留言所以先會同我去睇戲,但佢睇完之後只想即刻走,陪都唔想陪多我一陣,姐係証明佢對我係一d感覺都無!!!!我聽到佢咁講終於忍唔住x佢!!我話佢養隻狗都有感情喇,何況我跟左佢7年...依家竟然話對我一d感覺都無,而且佢依家有第2個女人等緊佢返屋企,佢梗係對我無感覺想快d返去瘟女喇...我地係電話對峙左1個鐘,佢點都係話要離婚..之後個賤人打比佢先收左我線(佢地既所有野我都知,因為佢部電話係我開既,有好多野都係我自己查出黎)聽到佢咁講,我都打算離婚所以第2日去左搵社工拎意見,但社個叫我地再考慮清楚先...佢話佢接觸個好多個案,通常d男人其實都唔係真係想離婚,一定係個第3者迫佢,佢先會咁同我講...社工仲話通常事後2年d男人都話後悔做錯事喎~佢都係男人佢話佢明男人面對感情事同女人係有唔同,所以叫我地諗清楚先決定....所以之後同c6見面講左社工叫我地諗清楚既事,c6聽完又無再提離婚亦都同我返左屋企睇仔...

到左8月11日佢返左黎我道突然話要過夜,我唔知點解佢會咁做,但都估到佢同隻野應該係發生左d事,所以由得佢...到左半夜佢就開口同我講話佢要搬返黎...我就話佢(因為係8月頭佢都開口講過話想付返對d仔既責任,想1星期搬返黎住3晚,但同我就各自各唔係夫妻)我當時已經say no,我話我要既係一個老公唔係同屋主,今次佢再講所以我又再話佢,點知佢今次就話..佢諗得好清楚,話我講得岩...如果我地就咁分開左遲早就真係會無,所以佢想搬返黎住試下同我地仲有無感覺喎~~~我就問佢個女人點,佢就話關佢乜事....我就話梗係關喇,一段關係裡面無可能3人行,之後佢就答我同果個女人會無,又話會叫佢轉長工,轉左條女就會調舖等等......所以我由得佢返左黎,點知亦比我發現佢同佢女無斷到,而且仲背住我帶埋我地仔出去見個賤女人同佢2個女去左玩....我知道後好嬲,所以搵左晚我叫我爸爸幫我睇住d仔,我就係出面同佢傾依個問題...佢知我知道左反而話返我,佢話都無一齊囉,唔通見下面都唔得咩!!又話果日只係d細佬仔出黎開心下都唔比!!!!我梗係x佢唔尊重我..之後佢先死死氣話佢同條女真係無可能架喇,我就問佢點解...佢就話比我聽"原來係7月中時條女比佢媽咪叫左返去佢老公道,因為D女無人睇,所以條女留低左,返左佢老公道住.....我就問佢咁如果條女出返黎跟佢,咁佢係咪會走????我老公話條女個阿媽一定唔會放人,所以佢地無可能...而且條女個阿媽唔係善男信女,佢勾晒佢地2個線同埋fb,佢阿媽知道佢地有無聯絡,同埋條女個老公會接佢放工,總之就係唔會比佢地見面...我就串佢話,你地唔係好愛既咩!!係好愛就唔會比人分開到,如果我就條女我唔會理屋企人都會跟你,唔好比自己有遺憾,跟住我c6話佢依家就係有遺憾,因為同條女唔係自願分手而係比迫!!所以都仲好愛佢,唔捨得唔再搵佢同佢斷晒,又話就算唔係一齊都可以做朋友,又話相信時間會令佢淡忘依段情,所以叫我比時間佢唔好迫佢....我見佢個人都走唔到出去,所以我決定忍多排!!

到左月尾我真係頂佢唔順要趕佢走,因為果日佢下午4點半就放左工,但我打比佢時佢扮野話仲係公司,但我聽到佢後面有d 7-11門口既咚咚聲,跟住佢就話依家返黎陪我同d仔食野,過左十分鐘佢又打比我話都係唔返黎住,我問佢點解,佢話公司叫佢返去幫手整埋d手尾喎~~佢真係當我傻架,佢份工一定唔會咁囉...我肯定佢又係同個賤人一齊,而且早幾日又比我知道佢開多左個新NO,係拎黎同條女聯絡..但佢就無通知我,我只知成日打比佢都唔通,係有一晚我偷睇佢個袋見到有張電話合約先知,但我都係無踢爆佢...佢仲係FB開左個新A/C,ADD左條女,條女個頭像仲用佢地既合照,係有一次佢唔記得登出比我入到去睇先知佢同條女日日都講情話,佢仲衰到同我行埋既第2日一早就留言比條女,仲話一世最愛係條女......好在男人既賤野我見得多知唔少,所以頂得住無痴線!!!但我真係唔想再忍佢,所以SMS佢叫佢唔洗返黎,我要佢走...但佢覆我話佢依家返左出長沙灣執野,夜晚會將d野全部搬返黎,佢話佢講左係咁就咁...我真係超嬲!!所以我打比99講,其實由我老公一搬走我已經通知左99,c6個伯娘佢地,99佢好嬲我老公,唔再聽佢既電話...但我叫我99係件事未爆之前都唔好比我c6知佢地知道左....我99就叫我不如打比果條女既媽咪問清楚件事,同埋條女同我c6想點...果面應該會知,所以我就膽粗粗打左比人地媽咪問,我一打去佢已經知我係邊個,果面果然真係查晒我地d電話no....之後佢話我知好多我唔知既野,佢都係1月份時發現我c6同佢個女有聯絡,佢知係佢個女搵我老公先既..但之後佢地既對話內容開始唔對路,所以佢媽咪都警告過佢個女叫佢唔再好搵我c6,但佢個女任性覺得無問題喎,所以就同我c6開始偷偷見面...而我c6放左工仲會去條女屋企樓下等佢出黎,有時話去跑步,有時就出左去唱k/睇戲~(我真係好傷心,因為我c6同我自有小朋友後我地真係好少出去玩,我叫佢佢都好少陪我去,佢係屋企就係由朝到晚都玩電腦,但依家同人地個老婆去街就成日借故夜返,6年喇我老公都無話去夜街果D架,而且平日佢都無朋友打黎搵佢,所以當佢有問題時我先可以咁快留意到)條女個媽咪仲話佢8月頭係街打過我老公,因為7月中時佢叫左個女返左屋企,問過個女揀要d女定係我c6,條女話要d女..所以今次佢要條女係佢面前打比我c6講分手,但8月頭係街比佢捉到佢2個偷情,我老公仲鬧佢地2老多事,所以佢媽咪就打我老公...而且係4月4日果時(姐係我c6同我講分開既第2日,佢無返黎訓..原來係上左條女道訓,第2朝仲比人地個老公放工返黎捉到,條女仲同佢老公講,佢都可以帶第2條女返黎訓架!!!)

佢媽咪都話佢愛莫能助,佢叫我最好就係我去打醒佢個女..又話佢地應該密謀緊10月再走...因為佢地屋企請左工人揍女,10月會到,到時條女就有藉口走....佢媽咪話佢個女果日返下午5點幾收10點半,我c6應該係係條女返工前偷偷見面,依家應該返左工...而我c6返左長沙灣執野,所以我即刻去左等條女收工,但等唔到...條女個老公就幫我call佢,但條女話佢早走左依家返緊屋企(我無估錯,條女真係同我老公一齊,佢梗本就無返工,佢地返左長沙灣個屋企攪野就真)條女同我地住同區既,佢話返緊屋企姐係我c6都返緊黎...所以我趕返屋企,11點無耐我c6就返到黎扮無野,但佢乜都無搬返黎喎~我唔彩佢就落左街打比條女,條女都講左好多我老公同佢既事,又話佢地3月27號通頂果晚唱K後先開始...又話以為我同c6同佢地夫妻一樣都係無晒感情想分開果d,佢先至同我老公一齊(佢話我c6同佢講同我無左好耐,又話我地係屋企係各自各果隻)我講比佢聽,我同c6係好恩愛,雖然有小朋友後我地少左時間2個人,但我同c6晚晚等d仔訓晒就一齊打機/睇劇,而且我地結婚6年都好少鬧大交...係自從條女成日搵佢,佢先開始變...之後同條女傾左好耐,大家都講左各自夫婦間發生左既事,我覺得佢可能真係唔係有心想破壞我地既...所以都無乜點鬧佢,同埋我打比條女係叫佢帶我老公走,唔好再係我道住...之後我c6走落街搵我,一見到我就xyz話我唔理d仔走出街係衰老母果種等等...我就表明我係避開佢先去走落街,我要佢走佢又唔走,咁我咪走囉...果時條女係無收線架,佢聽到我c6鬧我,佢就話即刻過黎....跟住我跟c6上到樓,佢就係道講廢話氹我,又話佢無再搵條女喇,又話個新電話no都無比佢等等...又話條女10月會轉舖唔會再見到....點知條女同佢老公一到,我去開門...我老公見到佢地又即時變臉...同條女講話依家就係同我講清楚緊,話所有野都係我一廂情願,佢根本無諗過同我復合,仲話一直都等緊10月份同條女再走....

條女就串佢話佢2頭呃,又問佢同我有無行埋,我c6話無....我即時x佢,佢就指住我大大聲叫我唔好屈佢!!!我真係好傷心...佢明明有做過既事,依家係咁多人面前話我屈佢,條女話佢信我無需要講依D野呃佢,我C6竟然話我咁講有幾出奇,佢係我老公,我同人講同佢行埋唔會醜...又話我又唔係講同其他男人行埋,而且我咁講就係想拆散佢地,因為大家都係女人知道講依D野實會死.....果時我真係覺得C6好恐怖,我好似一D都唔識佢咁...佢仲對住我講左好多唔係人講既野,但條女都係話要同佢散,佢仲係我面前喊晒口話唔好,又話點解條女要咁對佢...又話好愛佢等等....果時連人地個老公都可憐我,佢都忍唔住出聲X我C6話佢講D野唔係人講,但我C6佢可以傷我傷到一D感覺都無!!!!件事攪到咁我C6佢都仲話唔走架,仲同我講話要係道住多排先走,我地梗係X佢喇...之後條女同佢老公幫我迫走左我C6,佢地就走左....跟住第2日條女個老公SEND訊息比我話,佢老婆跟左我老公走左...佢又再SEND埋我C6 SEND比佢老婆既訊息比我睇,原來我C6走左之後就SEND左一大段野搵條女,又話我地尋晚既事係我同條女個媽咪合謀,又話為條女付出左咁多條女點解唔信佢要信我地,又話我心腸黑,自己得唔到既野唔會比人得到等等...又講埋8月1同佢去海洋公園玩時應承左條女會同我離婚佢8月4就即刻同我講,話係我話社工叫我地諗清楚先佢先至入局,又話我比佢返黎住就係要等依日攪D野出黎拆散佢地.....

對佢我已經差唔多死心,我就同條女個老公講,,算喇...你都係離婚喇,你老婆根本唔係想知我老公呃過我地D乜,由佢尋晚上黎時我已經知,條女要攞威...佢要係我面前比我知我老公揀果個係佢,就算我老公同我有無行埋佢都唔會介意,因為條女返左老公道,佢咪一樣照同佢老公行埋(條女講我知架,佢話係想睇下同佢老公仲有無FEEL喎,而且佢有講我老公知架)我只係覺得佢地都痴左線...已經唔係正常人會理解同接受,就係咁我同人地個老公做左朋友,而我老公事後竟然仲有面打黎同我講廢話,佢問我做乜要攪D野出黎迫佢,又話佢真係打算返黎住係想同我地開始過,佢話佢諗住條女如果10月都唔跟佢走,佢就放棄要返我地頭家...但依家攪成咁,係我迫佢傷害我..仲話依家係佢咁愛條女既時候迫佢揀,答案只得一個.....我都廢時彩佢,2日後佢又上黎睇仔,仲想問我借錢..因為佢話佢搬左返黎我道時無交出面間屋D租,佢話無諗過我會咁突然趕佢走,所以佢依家唔夠錢交租..我梗係唔會再幫佢喇,幫佢既話我連自己都覺得白痴!!!之後我就係FB公開佢同我講既野同件事,跟住所有人都留言X佢...第2日佢睇到就DEL左我同埋我地之單鬧佢既朋友,佢仲打比我叫我唔好再留言話佢,又話件事都發生左,過左就由得佢喎~~~

事後佢又再扮無野,9月11日突然半夜4點上黎按門鐘,我見佢飲醉酒...入屋後乜都無講,只問我可唔可以比佢留低,我就由佢(我估佢同條女又唔知發生左乜喇)第2晚佢又打比我問我可唔可以再上黎我道睇仔,(當時我已經放開懷抱,開始自己既新生活,我同緊個朋友出去食飯,過得好開心,但因為我出去就要我爸爸幫我睇仔,所以C6自動請纓話要上黎揍仔我都唔會唔比,我唔想大人既事攪到D小朋友,係D仔面前我無講過C6一句不是,所以果晚佢打黎問我可唔可以上黎我就由得佢,加上果晚我同朋友一齊無咁早返,C6上黎睇仔我爸爸可以早D走)點知果晚我返到黎佢又唔走,又話想留係道..佢仲不停講佢唔想自己一個人出返去,我又一時心軟比佢留低過夜,跟住幾日佢都借故走返黎睇仔,我睇得出佢同條女應該散左,但我無問過佢....雖然我嬲佢咁對我,但始終同佢酩多年感情,我見到佢咁又唔忍心趕佢走,所以我係FB SEND訊息比佢個同事(佢係我老公個上司,其實我唔識佢,只知佢係個女人,佢係4月時ADD過我,比我老公入左黑名單,9月C6走後我無意中發現所以ADD返佢)我知依位同事同條女有係FB傾開計,佢仲同條女講件事攪成咁唔怪得人,但唔做都做左,謂有將個傷害減到最低,又話最慘係2家既小朋友...(因為之前條女個老公將佢地FB既對話比過我睇,所以我知)我就同佢依位同事講我C6近排又成日走左黎我道,我希望佢轉達條女一聲,好心佢唔好玩玩下...攪到咁大家都好痛苦,叫條女如果真係想同我C6一齊就認真D...點知佢個同事就覆我,佢地全公司好多同事都唔想幫條女,佢地一早睇到條女姣媾我C6,其實佢地都提醒過我老公叫佢小心依條女同埋唔好破壞自己既大好家庭,點知最後都係發生左,佢地都覺得好可惜..跟住佢就講左好多條女既野比我知,又話條女之前同我講我老公係同事面前中傷我話我係衰老婆,唔理佢成日鬧仔果D係條女吹水,佢話我老公係佢地面前從無講過我唔好,反而仲係佢地面前講我有乜好,佢放工就會返黎陪我等等...佢話係條妖女引誘我老公,我老公抵受唔住中左招...仲話條女係公司都係咁勾引其他男同事,不過果D男同事定力夠所以無事...所以公司D同事都唔LIKE條女,仲話好冀待條女轉舖...佢就同我講話如今我C6真係浪子回頭咪比多次機會佢囉~但我同佢講返之前既事,我現在都打算放棄想離婚,我只求佢地對賤人既事唔好再煩到我~

大b駿逸

細b駿晞

私人傳訊

藍藍

伯爵府

積分: 15377

250^#

發表於 12-2-2 21:51 |只看該作者

過左1日既一朝早,我C6無拿拿坐係我床邊叫醒我,問我做乜要同佢個同事咁講...我以為佢想鬧我之際,佢竟然話點解我話要離婚,又話做過D乜我唔比機會佢....我心諗,你無野呀??你做過D乜自己心知喇,跟住佢就話依排佢返多左黎就係想同返我一齊,不過經過上次件事..佢唔敢開口住,諗住做多D野出黎比我睇到佢改變先.....之後我就同佢落左街傾,我問佢又想點...上次走左大家都已經好清楚,依家過左半個月又話再返黎,係咪玩野...佢話比我知今次係佢同條女講散,因為條女跟佢走左幾日又返左老公道,佢覺得唔想再咁落去...而且佢話我地鬧得佢岩,總之又係講左一大堆野想叫我比機會佢喇,跟住佢就即時係我面前SEND訊息比條女叫佢以後唔好再搵佢,而佢亦都唔會同條女再聯絡,跟住我就比多次機會佢...點知第2晚半夜我醒左行出廳唔見佢,原來佢係廚房傾電話,睇C6個樣應該係條女打黎話佢...其實我係嬲佢唔守諾言,但我諗依家嘈都無用,反而佢依家係觀察期,我想睇定D先...咁見到佢無耐就收左線我就無理佢...到左第2晚我見C6電話不停有SMS,但佢無理...到左半夜C6訓左,2點果時條女直情係咁打黎...不過比我不停CUT線,之後我就打比條女個老公問佢條女想點,佢老公話條女落左街話想靜下喎~佢老公就同我講返我老公SEND左個訊息比條女叫佢唔好再搵佢之後條女就唔肯食野,仲成日飲酒添..而佢老公果時就係屋企煮左野食比佢等佢返黎...佢老公仲話尋晚係條女打比我老公鬧佢,佢偷聽到....聽到佢咁講,所以我都安心D...同佢老公收線之後一直係女都係咁SEND野黎搵我老公,到左5點又不停打黎...我終於忍唔住叫我C6起身睇下條女想點(其時我其實係想睇下我老公會點做,反正佢地要搵要見都唔會比我知架喇,我係想我老公可以係我面前堅決D對條女)但我老一聽完佢電話就即刻換衫,我問佢做乜..佢話條女行到黎我地屋企附近話要見佢,仲話如果我老公唔出現佢會死比佢睇,跟住我又拎返我老公應承我既野出黎講,佢就話依家係出去見佢同佢再講清楚,又話前日SEND個訊息無講得清楚...咁我就問佢如果依家我都同你講如果你出去見佢我就死比你睇,你仲會唔會出黎...C6只係答我"你唔好迫我喇"就出左去喇~隔左陣我就打比C6問佢點,佢話岩岩去到見佢,我就問佢係咪真係會講清楚,佢話係..我叫佢講完好即刻言黎,佢話好...到左7點半我打比佢,佢話傾完依家送埋條女返屋企就會返黎,我又話佢..都講清楚左喇,仲要送埋佢返屋企!!佢自己唔識返咩...C6就EE哦哦咁答我好快返,跟住收左我線....我又再打比人地個老公同佢講聲,佢就話左我知其他野,係佢偷聽到既事..到左8點半C6就返到黎,佢又扮無野,乜都唔同我交代一聲就去訓,我問佢..佢就答我話講清楚左囉...但我踢爆佢應承左條女30號會陪佢去總部簽約轉長工,我就話佢點解仲要見條女,係咪應承左我既野講下就算,C6好奇怪點解我會知..我就話佢知係條女個老公講我知,而且我仲知尋晚條女打比佢表妹話如果叫唔返我C6同佢一齊佢就唔會返屋企!!!我問佢依家條女肯返屋企,係咪你話會同返佢一齊!!!跟住我C6就唔出聲不停咁SMS,我唔知佢想點...我走左落街,1個鐘後上返樓佢已經訓死左喇..之後佢返左工,下午條女個老公打比我話我知條女打去鬧佢黎,話佢做乜咁多事要講佢既野比我知,又話依家我C6 SMS佢叫佢真係唔好再搵佢同埋叫條女唔好再同佢老公,表妹果D講佢地既事,佢唔想D野再傳返去我耳邊....所以條女好嬲,話要接我老公收工去鬧佢打佢,條女個老公叫我小心D喇....我話無野可以做,如果我老公都係揀返佢我都無計...

之後我只係SMS我C6留左D支持佢,望佢唔好令我地再失望既留言就算....我如常應約同個朋友去食飯,一路等消息(果晚我C6收9點半)正常10點就返到黎,但我10點半返到去唔見佢,到左11點幾人地個老公打比我話佢老婆走左喇,我就同時收到我C6 SMS,佢話"對唔住,藍藍,我真係好想同佢係埋一齊,我想比多次機會佢"我收到即時打比C6,佢仲問我係咪收唔到SMS,我話收到...佢問我想點,我XZY佢一輪佢CUT我線...之後就SMS我話係依件事上面唔想再多解釋,佢揀左....我就一輪既SMS鬧佢,到左半夜2點幾佢又SMS我話,我依家應該好開心睇到佢比人周街打.....我唔知乜事,我咪打比人地個老公囉...但果面有人聽我電話,但我又唔知佢講乜,佢好似喊緊,講野一段段...到左4點幾人地個老公WHAT APP我話我知佢地上左差館,跟住又無左聲...到第2朝我C6又SMS我問我拎62個電話NO,下午人地個老公打比我講我知,原來佢地(外母同個朋友)一齊出去長沙灣打佢地對9男女...因為佢外母暈左所以CALL左警察,佢地就上晒差館.....聽到C6同個賤女人比佢地打,我係幾心涼架,~單野仲上晒報9月28蘋果動新聞..但就係因為咁,條女同我C6又有新發展~

單野發生頭果幾日條女都SMS佢老公鬧佢地既...但直到30號佢上到總公司,果面話唔同佢簽約仲要停佢職...之後條女既態度又轉,佢開始SMS佢老公講埋D,後悔,知錯,問佢老公會唔會原諒佢既說話....佢老公同我傾過之後決定睇下條女想玩乜就覆佢...跟住條女又開始返屋企睇女,又同佢老公日日SMS講我老公壞話....又話想返返老公道等等...其實我地全世界都預左條女會咁,因為佢一直都係食慣著慣,佢老公好就佢...佢洗錢由佢洗,屋企野唔洗佢做,女又唔洗佢揍..佢想出街玩就出街....我太了解我C6...條女唔會係佢杯茶,而且條女都唔會忍到我C6樣樣野都要管同埋我C6慳家婆既性格架,我地都話唔洗我地攪散佢地,佢地遲早都會大打出手~~但最估唔到係我C6 10月14日夜晚又突然不停CALL我,之後我打返去問佢做乜..佢就話要返黎我道,又話如果我肯原諒佢,佢就即刻搬晒D野返黎...我梗係唔肯喇,但佢死都唔收線,不停咁講講講....我就話唔知你地既野,你攪掂到條女先講喇,唔係一陣你返黎幾日條女一搵你,你又死返走~點知1點幾C6就出現係我門口....真係算命既都無我地咁準...我個朋友一早都睇死佢10月中左右又會講一大堆廢話之後又話要返黎~所以我果時見到佢返左黎,我一D都唔驚訝....但果晚條女就係咁SMS我講我都公係衰人,又叫我唔好信佢,又話佢本來都諗住飛我老公,不過比我C6開左口先,又話咁都好..我C6走左佢落得清閒....我C6就用我手機X佢,本來我地都好似無乜野咁...18號仲打比我叫我出去搵佢同佢D同事一齊去打保齡~(佢轉左依份工之後都未試過約左同事會帶埋我出去)

但第2日19號佢地單野要上庭,我C6見完條女佢既口敏又變,係咁同我條女同佢講左乜,又話條女講既野同佢老講比我聽既有出入,但我X佢...叫佢食屎喇,條女講野都好信..佢見人講人話見鬼講鬼話,你可以唔信我地既說話,但條女SEND比佢老公既SMS我地都有留底,我有比C6睇條女自己講乜....條女真係賤人一個黎架,但我C6梗係幫條女多D喇...之後第2日佢出去攪清楚返間屋既野,因為條女見我老公走左佢又話唔會搬走,又話唔會返老公道...仲話佢愛既係我老公,之前點解攪左D咁既野出黎係因為佢覺得件事攪成咁,害到我老公比人打自己又無得返工,佢自己有責任..又話個心好亂先想做野出黎迫我C6走...但佢真係走左,佢又唔捨得~~我叫我老公醒下喇,如果條女真係好似自己講到咁偉大就唔會3番4次破壞我頭家,第一次就話自己唔知,咁第2第3次呢....佢直情上門攞人咁,加上如果真係好似佢咁講迫我C6離開佢係想佢返黎我道,佢就唔會SMS我講果D叫我唔好信我C6既說話喇...所以幾時都話男人係依D野面前,係低能架!!!!之後果段時間我都唔好受,因為C6對我又突然不秋不彩...早出晚歸,呃我話要返工..其實就係去左搵個賤女人,不過唔知佢地發生左乜事,咁樣維持左1個幾星期後C6突然同佢又斷左,我只係知條女成日都SMS黎,但我唔知內容...係有一晚(11月7)比我睇到佢SMS問我老公,佢地係咪真係完,又話佢4月等分居夠一年就會同佢老公離婚,又話係咪到時佢先肯同返番佢一齊等等...又話係咪佢傷得我C6太深而我就無傷害過C6,所以佢揀我唔揀返佢,又問佢可唔可以再比機會佢等等.....我睇到唔出聲,第2日就幫我C6轉左個新NO...亦都再3同C6表明我係唔會接受佢地仲有聯絡,雖然C6很不滿..但佢就無再搵條女,而我早幾日無意入左佢FB..睇到條女係11月10,12,16都訊息過佢,第一個訊息就係鬧佢好就我,怕我先唔搵佢,又話依家想見下我C6聽下佢把聲都唔得,話我C6同坐監無分別...跟住隔2日又再話我C6係FB得閒打機都唔覆佢....最後就話係咪情願佢憎我C6一世都唔理佢.....

好開心見到C6無理佢,雖然依家C6好似回復正常一樣,對我好左好多...但依件事係我人生既污點,我相信依世都唔會忘記到,就算依家諗返個心對佢地都有恨意!!!同時我對C6已經無舊時咁信任,對佢既感覺亦都放開左好多好多.....雖然件事好似完左,但我同佢亦都為左個賤女人送比佢既野佢仲帶係身邊嘈過幾次,我覺得佢地就算無一齊但C6個心都仲有佢係道...依家我已經唔會再同佢嘈,而且我都學精左...有好多野唔好再信男人,我亦都唔會比佢知我有幾多錢,總之就係對佢會有保留...亦都唔會為佢地2個賤人既野去勞氣,如佢為果個賤女人既野激到我,我會用自己既方法去平衡心理...例如佢死都要袋住果個女人送比佢既個張心型十蚊紙係銀包,我同佢講過幾次佢都唔肯收起佢...咁我就照樣收人地老公送比我既聖誕禮物帶係身,當然我C6唔知係人地個老公送比我,因為佢同我講如果我仲同人地個老公做朋友佢就會搵返個賤女人喎~所以我依家有好多野都唔會比我C6知...總之我無對佢唔住就得,而且見到D仔同個爸爸咁FD,我先會再比機會佢...但如佢佢令我失望我都唔排除會同佢離婚,可能下次就係我開口先.....依家個心就係諗,99講得無錯,比佢係出面佢都唔會比錢返黎養仔架喇,咁不如比佢盡返老豆既責任要佢出返份錢養仔,我自己養3個真係好辛苦...咁咪等D仔大D先算囉...而且向好諗,我又唔差得去邊,要男人實有架...佢走左半年我一個女人都係咁頂起頭家,依家就無左佢我都唔會死,雖然無左個男人係身邊少左D支持同埋係屋企寂寞D之外,其實果時新生活都唔錯...起碼我身邊有一大班支持我既朋友,係我最PK既時候班朋友真係幫左我好多~所以我依家唔會怕無左佢,我仲感謝佢走左果段時間我由160磅,1個月就趺返落120磅...我想減肥咁多年都減唔到,攪單咁既野一下子就瘦...我依家只知道做女人幾時都要有錢係身,一定要靚...無老公唔會死,我情願將我所有投資係D仔既身上,當初C6走左既時候都係我大仔生性(雖然佢得6歲但佢知發生乜事,係我日日以淚洗面既時候佢真係好乖,佢知我心煩好多野都唔會打擾我,好似D細佬倒到成地水,老2叫我時..老大話唔好乜都叫媽媽喇,跟住佢就自己入廁所拎左成卷廁紙抺地,依家諗返都想喊..老2就成日同我講佢會保護媽媽,唔比人傷害我..聽到個心真係好甜)我好慶幸果時我捱過左無做傻事,所以我都支持你...樓主你要加油,無論最後結果係點,我都希望你要為你既囡囡支持落去,依個世上只有佢最值得自己愛護~~

唔好意思講左咁多自己野....