我回來了，今次旅程可說是 {三亞驚險之旅}

驚險一被酒店接送丟在機場（記住帶酒店電話）

到達三亞機埸後、我們是最後的一隊人出關，因為個女要去廁所和寫報關紙（機上空姐無派），但出來後，不見Hilton的人在接機，出到機場外面的停車場，都吾見Hilton的車，回到機場大樓，全個接機大堂空無一人，只有的士佬同我地，而的士佬圍住我地一路依依哦哦，好依烏蠅一樣咁討厭，不斷遊說：接你地機的人和車都走了，我車你地去酒店！邊間酒店呀？車費好平架。
我地定一定神，揾左個機場的茶水站坐下來，買了幾支汽水、因為其實都幾驚，我叫我太太拿出ＫＡＤ單，好彩有Hilton個電話，立刻打電話給礼賓部，問佢點解不接我地，佢話查一查卽回電、幾分鐘後回電，話十分鐘後有人到，十五分鐘後，見一個着黑衣黑褲（Hilton制服）滿頭大汗的人出現，周處去揾我地，Ｄ的士佬立刻走去，話佢聽我們的所在地，佢攞住印左我地名牌，問楚清我地後，又鎖你，又對不起、然後用¥１００包了架的士送我們去酒店！
有少少得着
1. 一定要帶酒店電話號碼
2. 電話要有漫遊或大陸電話咭
3. 一定要定，因為可能只有你自己幫自己
4. 不要理Ｄ的士佬講物，因為他只想賺你Ｄ錢！

驚險二被酒店的士丟在貝殼館（不要包回程，每程清）
驚險三港龍飛機回港緊急降落（嚇到成架飛機Ｄ人鼻哥洞都無肉，空姐面都青）

第一日（餐單）

午餐豐園東山羊煲（不要叫，辣）四角豆（ＯＫ）姜冲蒸生

私人傳訊

男爵府

積分: 5443

253^#

發表於 06-7-17 10:42 |只看該作者

Re: 三亞的度假酒店

老豆,

機場接送真係安排得好差, 好彩酒店都識做, 即係包車接你去.
我上次回程都差D趕唔切上機, HILTON 個 GM 覆我話雖然接送係由出面間agent做, 不過佢地都認衰話佢地要負責, 會認真同agent傾希望有所改善.

我覺得hilton d service係未得, 不過佢地的remedial action又做得幾好, 即係managerial level ok, 但係下面班staff就no good.

[size=small]驚險二被酒店的士丟在貝殼館（不要包回程，每程清）
你係咪唔多上大陸? 包車一定唔可以俾錢先, 我老公教我, 如果包來回, 可以完晒全程, 返到酒店先一次過俾錢. 佢話大陸的士係要咁對佢.

驚險三港龍飛機回港緊急降落（嚇到成架飛機Ｄ人鼻哥洞都無肉，空姐面都青）
點驚險呀? 快d講啦.

私人傳訊

jclee

大宅

積分: 4469

254^#

發表於 06-7-17 13:46 |只看該作者

Re: 三亞的度假酒店

我都返o黎啦!

三亞o既藍天碧海, 清新空氣, 幼滑沙灘, 水質都令我o地(一行男女老幼共11人)非常懷念!

我o地住喜來登, 佢o地o既房間, 花園, 游泳池都好靚, 花園樹蔭處處(早午晚都唔覺有蚊), 游泳池有5個, 其中一個兒童池有滑梯, 另一個環嶕湖游泳池很適合一家大小泳術不精o既人, 而且因為有酒店遮陰, 下午3點已經可以開始游。
游泳池離沙灘好近(有一個泳池仲對著沙灘), 所以可以o係沙灘玩一陣,再去泳池游一陣, 又再返去沙灘, 非常方便!

喜來登o既服務亦好好, 我o地有人於入住期間生日, 同前台講, 佢o地免費送生日蛋糕到房。

我o地都有去蝴蝶谷及貝殼館, 原來小朋友1.2米以下免費(我個仔1.25米都無收費), 1.2米以上或長者60歲以上(需回鄉證證明)兩處入場卷共45元, 普通成人68元, 蝴蝶谷好陰涼, 貝殼館有好多貝殼製成品買, 可以當手信。

我o地由酒店坐的士去蝴蝶谷10元(3架的士要30元); o係蝴蝶谷見到有當地司機, 介紹包麵包車(坐晒11人)去貝殼館只需5元, 仲肯o係貝殼館出面等我o地返酒店, 亦只收10元, 司機係山東人, 幾老實, 我父母出去食海鮮都搵返佢o地。

我父母最後一晚到明潤食海鮮(環境比春園好小小), 叫左清蒸一條芝麻班, 帶子, 雞蛋蒸海膽, 啤酒, 椰子糯米飯, 椰子煎餅(仲打包返酒店), 埋單100元有找.
不過, 我o係網上攻略睇到話最好自己帶稱,以免被海鮮擋小販壓稱, 所以係香港Dr. Kong買o左個書包稱(HK$35), 細細個幾好用。

我同老公就去喜來登白雲中菜廳撐檯腳, 食左文昌雞(OK, 但似白切雞); 干扁東山羊(叫左少辣, 好好味), 燉螺頭湯 (好鮮味), 烏雞湯(OK), 椰子飯等, 埋單要$400, 同香港價。

我o地仍想再去三亞，家人一致同意下次再去仍住喜來登!