Re: 清河邨(part 2)
kitty,
小朋友有病一家好辛苦,大人都唔會好過,我囡囡發展遲緩同埋痒癇症係一場長期戰爭,由佢3個月大開始,我地已經時時出出入入醫院,到到今時今日都係,挪打素兒童病房,無論發燒病房定普通病房裡面既姑娘,醫生,亞姐大部份都認得我地,都已經成為習慣,由雪雪8-9個月大都未識轉身,到而家2歲半都淨係識得轉身(未識坐穩),我地負出左唔少努力,一方面要對住女兒開心笑,當佢正常bb看顧,俾信心佢,一方面要面對家人既壓力,旁人既指點,擔心佢將來智能發展,大d仲要面對旁人既歧視,要盡量讓必人了解雪雪只係發展遲緩,唔係殘廢,唔係弱智...身心都疲累~~!做父母既可常唔心痛呢~~!!我明白你同先生既感受,你要支持住呀~~!雪雪既病同遲緩都係搵唔出原因,所以我地都同你一樣有一種說不出的無奈同心痛~~~!而且,暫時睇黎你囝囝既病應該係暫時性既,所以要有信心,佢一定可以好快康復,有你地既堅持,佢好快就會好,唔好傷心呀!加油呀!只要你唔開心果陣,諗吓有我墊低,咁你就會冇咁難過,其實聽過雪雪既事既人都會同我講,覺得我好堅強,諗得開,其實有時我都覺得自己已經好叻,上天賜俾我里一個小朋友,要我照顧佢,我必定有里個能耐,上天至會委以重任,同埋我有佐佑銘架,我亞姨話過 一句說話,里句說話令我熬過唔少關口~~[你覺得自己慘,但係世界上有人比你更慘],里句說話深深咁刻左喺我心裡面,唔知對你黎講有冇用,但係希望會令你好過一d~~!
真係唔好意思,講左一大堆嘢添,希望大家唔會覺得煩啦~~~!
仲有呀kitty,你有冇睇返之前d post,我睇2006年11月親子便利見睹一個病例有d似你囝囝既情況,手腳,手指腳指關節腫脹,微燒達2周...,你可以問吓醫生意見,因為見你話小朋友而家都未搵睹原因,或者你搵個私家醫生睇睇吖,因為挪打素醫生既質素真係唔係咁好,我都試過強行出院同亞囡去搵私家專科醫生再睇~~!kittylam 寫道:
ching.bb
喊我同佢dady不知喊了幾多次,但就算大人點樣擔心都要令bb開心,一樣要好開咁逗佢玩等佢減少痛苦,bb仔根本不知道唔開心,佢現在行得好慢,我時時要提點佢細佬唔好跑唔好行太快,會撞到哥哥,佢笑笑口咁講:"我行得好慢咖!"聽完後我好內咎,小朋友的世界真是單純得讓人心痛!
http://hk.myblog.yahoo.com/snowy-tsang
歡迎參觀~~雪雪 & 釨鏸's Blog
[IMG]http://i278.photobucket.com/albums/kk114/babymaggieleung/BBB.jpg[/IMG]
發表於 
返回列表
