大仔大女媽媽會 今日: 0 | 主題: 177860

積分: 643

2582^#

發表於 09-2-3 06:48 |只看該作者

我個囡柔柔今日14日大啦.

多謝各媽咪的關心.

由於我係順產變urgent開刀, 所以醫院個
package有送束腹帶. 我一落床就戴住, 至少戴一個月.

我會開令一個post講餵人奶.
有好多疑問同埋想知道大家的情況, 彼此支持.

依家好累呀, 餵奶同埋各樣, 休息唔多夠. 我無請陪月, 見到媽咪同爸爸照顧我同bb好忙好累, 好心痛.

同埋我奶奶同媽咪有心病, 好煩呀. 我老爺煲湯俾我, 又跌親好大件事. 我同老公都為左呢d事喊了一大場.

真係難忙的牛年.

各位媽咪, 好認同tantanma之前講, 真係成日會諗埋d無謂野. 聽到bb喊又會手忙腳亂. 如果我夠勇生下胎, 我一定請陪月之後加工人, 唔會再俾屋企人照顧因為佢地真係辛苦, 同埋有時大家的方法唔同, 又係頭痕.

私人傳訊

積分: 1298

2583^#

發表於 09-2-3 11:17 |只看該作者

係呀，我請陪月的主要原因都係唔想我媽咪辛苦，叫佢同兩個孫玩吓咪好law。我99更加無影，佢平時連飯都唔煮，唔通至意佢會煲嘢比我咩？！

原帖由 榛子果仁 於 09-2-3 06:48 發表
我個囡柔柔今日14日大啦.

多謝各媽咪的關心.

由於我係順產變urgent開刀, 所以醫院個
package有送束腹帶. 我一落床就戴住, 至少戴一個月.

我會開令一個post講餵人奶.
有好多疑問同埋想知道大家的情況, 彼此支 ...

私人傳訊

anniewmau

禁止訪問

積分: 8080

2584^#

發表於 09-2-3 15:25 |只看該作者

提示: 作者被禁止或刪除內容自動屏蔽

私人傳訊

snoopymom

積分: 3653

2585^#

發表於 09-2-4 14:56 |只看該作者

十萬分同意榛子果仁" 如果我夠勇生下胎, 我一定請陪月之後加工人"
我估唔到順產都會咁鬼累
每日係屋企行幾行就好似行山行左一日咁根本無可能自己全力take care bb

私人傳訊

mamaminu

積分: 572

2586^#

發表於 09-2-4 17:16 |只看該作者

我都無請陪月工人, 自己搞掂,
而媽咪同奶奶就得閒整野上黎我地食,
譬如媽咪一次過會蒸定四隻雞, 俾我儲糧,
奶奶又煲下湯, 整定d送或買定乾糧上黎,
所以三餐我都係整煲飯炒菜同整番熱d送食, 總算ok.

bb全由我湊, 我細個時湊過細佬妹, 有d經驗, 都應付得黎, 不過餵埋人奶,就要安排休息時間. 家務我交晒俾我老公喇, 兩個人夾手夾腳, so far都ok :)

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

2587^#

發表於 09-2-4 17:54 |只看該作者

原帖由 snoopymom 於 09-2-4 14:56 發表
十萬分同意榛子果仁" 如果我夠勇生下胎, 我一定請陪月之後加工人"
我估唔到順產都會咁鬼累
每日係屋企行幾行就好似行山行左一日咁根本無可能自己全力take care bb ...

你後來有冇請陪月呢? 餵人奶真係好忙好攰, 你要爭取時間休息多d呀.

我個陪月完工走咗喇, 今日開始我媽咪黎我屋企照顧我, 但佢幾十年未湊過bb, 連換片都唔識, 呢幾日要由頭教佢湊, 仲忙過我自己一個人. 不過, 多個人喺度, 個心都定d嘅.

私人傳訊

積分: 1298

2588^#

發表於 09-2-5 10:07 |只看該作者

mamaminu,

你真係勁勁勁

無陪月無工人，又可以全人奶(真羨慕)！

原帖由 mamaminu 於 09-2-4 17:16 發表
我都無請陪月工人, 自己搞掂,
而媽咪同奶奶就得閒整野上黎我地食,
譬如媽咪一次過會蒸定四隻雞, 俾我儲糧,
奶奶又煲下湯, 整定d送或買定乾糧上黎,
所以三餐我都係整煲飯炒菜同整番熱d送食, 總算ok.

bb全由我湊, ...

私人傳訊

積分: 643

2589^#

發表於 09-2-5 15:50 |只看該作者

Snoopymom,

我由順產變開刀, 原來生理心理都增加了不少壓力.

同埋自己產前少做運動, 依家好鬼後悔, 覺得自己身體真係好"炸"呀.

mamaminu你真係super勁, 可以自己搞掂. 我最初連自己都要人照顧, 但係因為母性, 所以都可以幫忙照顧下bb. 開刀真係好傷... 但無法子啦.

我媽咪照顧bb都有情緒, 真係下胎我一定唔會叫佢再照顧.佢又硬頸唔肯俾我請工人, 又話自己搞得掂... 我依家真係勁頭痕...

我媽媽同奶奶仲要吵大鑊, 唉, 呢d係我勢估不到的...

私人傳訊

積分: 1298

2590^#

發表於 09-2-5 17:05 |只看該作者

榛子果仁，

唔好想咁多，relax！好好休息。
有咩唔開心同我哋講，唔好惗埋一邊呀！

原帖由 榛子果仁 於 09-2-5 15:50 發表
Snoopymom,

我由順產變開刀, 原來生理心理都增加了不少壓力.

同埋自己產前少做運動, 依家好鬼後悔, 覺得自己身體真係好"炸"呀.

mamaminu你真係super勁, 可以自己搞掂. 我最初連自己都要人照顧, 但係因為母性, 所 ...

私人傳訊

dorisfung

積分: 4702

2591^#

發表於 09-2-5 17:29 |只看該作者

hello，各位媽咪盡量休息，唔使太大壓力。你哋一定可以做到個好媽咪，BB喺你哋既努力之下，一定可以健康成長o架。

我記得自己生一胎時，都係乜都唔識，又係自己一個人坐月，BB喊吓我又緊張、佢打個乞痴我又驚、餵人奶又餵到癲。而家諗番，都係因為自己太過緊張，搞到坐月都休息唔好。就算BB瞓咗，我都瞓唔著。

我呢胎一樣自己坐月，仲要湊埋個大女添。但我呢胎就唔同喇，BB同大女瞓晏覺我又瞓，凡事都放鬆咗好多。而家全人奶、陪大女做功課玩遊戲，都無問題。家務就由老公做晒囉，哈哈。

所以以我既經驗之談，大家放鬆啲、盡量爭取時間休息，真係好重要o架，無論對康復同對餵人奶都有幫助，大家加油呀！

私人傳訊

snoopymom

積分: 3653

2592^#

發表於 09-2-6 09:04 |只看該作者

tantanmama
我最後無請到陪月呀
我臨時見過兩個陪月
第一個後生d既我覺得同佢唔夾
第二個60幾歲我覺得好貴,貴得萊又好outdate,連 chuchu奶樽都未聽過佢話佢湊親d bb都肥肥白白仲俾D相我睇, 一睇嚇死我,個個都係癡淝既, 我仲點敢俾佢湊?
最後我order左天然康d產後餐,日日送來,解決左食個度,湊b都係自己湊,依幾日我訓得好d, 比較有精神去照顧bb啦, 有時爺爺麻麻婆婆輪流抱下bb我都輕鬆d。如果請的話,又要諗請外傭定請local part time,各有各好..

原帖由 tantanmama 於 09-2-4 17:54 發表

你後來有冇請陪月呢? 餵人奶真係好忙好攰, 你要爭取時間休息多d呀.

我個陪月完工走咗喇, 今日開始我媽咪黎我屋企照顧我, 但佢幾十年未湊過bb, 連換片都唔識, 呢幾日要由頭教佢湊, 仲忙過我自己一個人. 不過, 多個 ...

私人傳訊

heha345

積分: 1220

好媽媽勳章

2593^#

發表於 09-2-6 23:42 |只看該作者

唔好意思, 各位1月媽媽, 你地好..請問你地個陪月OK嗎? 可否介紹給我呀(可pm我)? 我expected date 係今年6月。正頭痛揾陪月...:cry:

[ 本帖最後由 heha345 於 09-2-6 23:48 編輯 ]

私人傳訊

積分: 643

2594^#

發表於 09-2-7 07:47 |只看該作者

各位媽咪好戰友,

tantanma,
你媽咪肯俾你教都好呀, 一陣再講我媽咪d野......

snoopymom,
原來你為左請陪月同工人已煩. 我想請工人呀, 但係我阿爸阿爸堅決反對....

不如俾個機會我講下我個勢成水火的情況...

原來搵阿爸阿媽湊b, 係好辛苦佢地. 我媽咪體力透支, 搞到發哂脾氣, 我又被罵, 老公又被罵. 情況好得人驚. 最慘係... 我奶奶話我媽好俾說話佢聽, 我亞媽又覺得奶奶屈佢, 佢根本就無, 所以奶奶同亞媽分別係我同我老公面前勁數對方的不是...

我奶奶係我生左之後, 唉, 居然去左大陸玩, 無來我家探過我... 我媽已經好勞氣, 其實我同我老公已經騙她話佢其實唔係去旅行... 我媽發脾氣時, 講過話我奶奶無照顧過我, 又乜都唔理. 咁我同老公咪請奶奶煲湯過來, 諗住補鑊.

點知佢無番來香港, 我老爺居然自發煲湯俾我, 但係街跌倒, 半邊面腫哂, 手指骨裂, 眼睛血管爆哂... 咁我老公爆喊, 我又一齊喊, 仲即刻叫奶奶同老公的家姐同細佬立刻回港... 我老爺當時又唔肯去急症室照x-ray...搞到我同我老公都勁擔心.

發生呢件事後, 我媽咪猛問, 點解你地要叫佢煲湯... 佢仲唔認話唔妥我奶奶乜都無理... 到我奶奶同老爺年初八終於上來探我... 我媽咪話 "我都係做場戲架咋", 點知俾我老公聽到, 我老公唔開心到依家.

我媽咪堅持一手一腳湊bb, 唔准我地請工人, 佢話 "我依家湊得你個女唔好咩"... 但其實我地覺得佢係度死頂... 我老公同我幫手, 佢又成日話我地唔掂... 有時仲會撥開我地隻手, 我老公極度難受...

再咁搞落去, 我真係驚我老公都產後depression.... 佢已經對住我日日講心事, 我都唔知可以點開解佢...

老實講, 我以後諗住呢兩家人唔好聯絡, 搞到野, 好煩.
我奶奶又對住我講 "我唔會頂你媽咪架", 我媽咪又對住我講 "你個奶奶亂諗人, 好有問題". 好女真係兩頭瞞...
我覺得我夾係中間, 真係就快crazy.

私人傳訊

積分: 643

2595^#

發表於 09-2-7 07:52 |只看該作者

如果我一早請工人番來, 我就唔駛好似依家咁煩.

我媽咪只需要坐月去我屋企睇我同bb, 之後睇住工人睇bb, 咁就ok.

依家我同我老公諗住, 希望我地快d得手湊到bb, 就自己夜晚湊番bb係自己屋企, 減我媽咪壓力之餘, 也可以享受真正3個人一個家一條狗(我屋企有隻哥基)的家庭生活.

育兒應該係好開心, 都唔明點解會搞到今日咁複雜, 兩家人又吵大鑊.

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

2596^#

發表於 09-2-9 16:14 |只看該作者

原帖由 榛子果仁 於 09-2-7 07:47 發表
各位媽咪好戰友,

tantanma,
你媽咪肯俾你教都好呀, 一陣再講我媽咪d野......

snoopymom,
原來你為左請陪月同工人已煩. 我想請工人呀, 但係我阿爸阿爸堅決反對....

不如俾個機會我講下我個勢成水火的情況...

...

我媽咪已經幾十年冇湊過BB, 佢做咩都要問過我先敢做, 好聽我話嘅. 不過, 要老人家湊BB佢地真係好辛苦架. 你媽咪發脾4都係因為太辛苦同錫你啫, 你多D同佢講你99點對你好囉. 另外, 你要安慰下你老公就真, 佢壓力可能大過你呀.

私人傳訊

積分: 1298

2597^#

發表於 09-2-10 20:50 |只看該作者

榛子果仁，

我都好明白你的感受，因為我上一胎又係返咗阿媽屋企坐月，d問題就開始出現，始終阿媽老一輩和我哋新一輩的觀念不同，我也明白阿媽是為咗我同bb好，最後一滿月老公就要我同bb搬返屋企住。之後公公婆婆每日都會嚟我屋企同大囡玩一陣，工人就去買餸，這樣公公婆婆唔駛咁辛苦又可以同個孫玩，最緊要是爭坳少咗。

遲d係咪都係婆婆揍？如果婆婆唔肯請工人，不如請家務助理幫手做吓家務or清潔，咁婆婆咪無咁辛苦囉！

原帖由 榛子果仁 於 09-2-7 07:52 發表
如果我一早請工人番來, 我就唔駛好似依家咁煩.

我媽咪只需要坐月去我屋企睇我同bb, 之後睇住工人睇bb, 咁就ok.

依家我同我老公諗住, 希望我地快d得手湊到bb, 就自己夜晚湊番bb係自己屋企, 減我媽咪壓力之餘, 也可 ...

私人傳訊

QRB

積分: 1730

2598^#

發表於 09-2-16 16:52 |只看該作者

hello... 大家好... 好耐冇上來因為做咗媽咪之後真係忙到嘔... 連瞓覺都冇時間仲邊有心情時間上網...
我bb一月廿二號出咗世喇... 順產加無痛分娩... 不過因為係我果個係大碼bb (重3.87kg身長54cm)... 兼且遇著個唔pro嘅醫生... 所以過程都有complication有驚有險... 好彩bb依家情況好好... 真係好彩...
我生完之後一直都好攰... 好辛苦... 雖然已經有工人有陪月... 而媽咪奶奶都有幫手... 不過我都覺得好辛苦... 尤其係要捱眼瞓... 因為我想餵人奶... 但係bb又大食... 佢依家每餐食5oz... 而我人奶由始至終都只可以pump到2oz... 根本無辦法滿足到bb... 搞到我都好氣餒...
兼且我bb大大隻隻... 連啲喊聲都大聲過人.... 佢每次一喊... 我就唔知點算好... 而佢依家把聲已經沙哂... 唉...
點解我做阿媽做得咁渣嘅???????????????

私人傳訊

積分: 643

2599^#

發表於 09-2-16 19:32 |只看該作者

QRB,

我都有你呢個感覺, 最初我諗住全人奶, 搞到自己辛苦到發燒.

依家我compromise左, 同埋用電泵泵得出, 每4個鐘頭食一餐, 有時連續兩餐可以有4oz, 有時60-80ml咁我就即補奶粉. 咁樣自己身體先可以捱得住, bb又可以有人奶食.

我都係成日覺得好累好累, 家陣已經自己餵奶+掃風+tum bb睡, 好彩的45分鐘搞掂, 唔好彩就要勁tum bb一擺落床就喊.

我試過有兩晚, 累到8點幾就訓, 到夜奶先起到身. 真係好累好累.

所以, 我好佩服各全人奶的媽咪, 體力可以支持到, 其實就算係4個鐘, 我都係勉強支持到, 可能我仲未跟到bb睡我就睡, 所以永遠都唔會休息得夠呀.

我諗緊, 下個月中我要番工咁點算...

私人傳訊

sasakaka