原帖由 楊桃 於 09-2-18 14:04 發表
令我諗起讀書時, 有個女同學好鍾意同明星合照, 所有會有明星出沒既地方佢都去潮拜, 儲起哂佢係佢既嗜好, 果時佢成日攞俾我地睇, 又話我地知邊個真人靚啲, 邊個衰格格, 邊個好 nice .........
佢提過話梁朝偉真人好 ...
原帖由 laamling 於 09-2-18 15:37 發表
咁話時話, 你地有冇見過好多藝人呀???
係喎, 講開啲藝人好唔好人, 你地有冇响自由果到睇度一個 post 叫"大家有沒有遇過一些沒禮貌的明星或人"當中有提及哥哥~~~
以下就係一個媽咪所講既~~~
"至於最nice既係華仔同哥哥,果陣我大住個肚,1個人響中環某商場行街突然見暈扶住幅牆,剛剛哥哥行過(我估佢唔係去shopping就係約左唐唐),哥哥見我暈暈地扶住我(攪到我暈晒大浪),又幫我拾跌響地下d野,跟手問我要唔要去醫院,我話唔駛,佢仲幫我打電話比我老公叫佢快d黎接我,仲扶左我去一間名店,同dsales講我唔舒服比我坐低休息下等我老公黎,臨走仲問多我一次有冇事,係咪真係唔駛去醫院?如果要去佢可以車我,我話唔駛喇,麻煩你唔好意思,佢就話:咁你小心d喇,下次唔好一個人行街喇,大住個肚有咩事冇人響身邊好危險嫁,byebye喇,你記住等埋你先生黎先好走呀.走完冇耐就有2個secu黎,話張先生剛剛同佢地講有個大肚婆響xx名店好暈坐低休息緊,要等屋企人黎接,麻煩佢地黎照顧我一陣.令我感慨既係女女出世2個月之後佢就......唉.....,我成日都諗起佢曾經幫過素未謀面既我...
嘩,完全冇巨星既架子,我暈果陣d OL呀,西裝友全部彈開9呎,好似我有傳染病咁,我真係好感動呀,最可惜係...哥哥打電話比我老公係冇來電顯示既- -,呵呵
至於華仔有次響某商業大廈見到佢,佢並冇因為自己係明星而唔同佢地人一架電梯,反之入到電梯仲會問人去幾多樓,又同大家傾計,人地問佢野都笑笑口答人,出電梯果陣仲大家講BYEBYE添呀
發表於 
返回列表
