影視娛樂 今日: 14 | 主題: 16138

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2603^#

發表於 22-6-17 01:01 |只看該作者

w.c.chong 發表於 22-6-16 01:53
佢嘅劇我唯一有睇而又睇哂嘅係今夕何夕，其他真係無睇過，喺我心目中佢一直係叱雲南，無可厚非佢做奸角真 ...

我都係最根深蒂固係趙西風，冇睇錦繡未央。後來見小趙帶佢演你和我的傾城時光，果實佢可以演到有軍人嘅勇同狠，又有種戇直感，角色人設幫佢唔少，最衰係套劇注水變成葛瑞絲傳。後來今夕何夕，故事設定有少少新意，但第一集就有女主望住佢發呆（被驚艷到）加懶帥情節，打晒折扣。

金瀚仲有幾套待播劇，一套烏雲遇晈月，我好鍾意呢套小說，但男女主都唔係我心目中人選，應該都唔會花時間去睇，相信唔會頂得順。另一套《甜小姐與冷先生》拍王子文，又係霸總小奶狗人設。。。《雷霆令》拍秦海璐、劉端端、袁冰妍，講輯毒警，呢套可以試下睇。《許你歲月靜好》拍宣璐，講海軍陸戰隊中隊長伍肆與記者唐歆之間愛情故事，男女主都冇興趣。有套《西出玉門》女主定咗倪妮，男主好有機會係白宇，男二原本經超，好似話俾金瀚截糊，不過呢套波折多多，原著尾魚出嚟內涵咗一波。

花旗太太生活在花旗國，留意時差，你問我未必即時答到。

私人傳訊回覆引用

w.c.chong

侯爵府

積分: 22596

2025勳章蛇年勳章好媽媽勳章

2604^#

發表於 22-6-17 09:05 |只看該作者

rose-mag 發表於 22-6-17 01:01
我都係最根深蒂固係趙西風，冇睇錦繡未央。後來見小趙帶佢演你和我的傾城時光，果實佢可以演到有軍人嘅勇 ...

金瀚我真係無乜睇佢，其實佢唔耍帥係ok嘅，但下下都要做啲靚仔角色真係好難投入，今夕何夕係個故事吸引，但金瀚出場嗰幕又係好型咁我就好出戲

私人傳訊回覆引用

積分: 174325

2605^#

發表於 22-6-17 11:28 |只看該作者

w.c.chong 發表於 22-6-16 17:05
金瀚我真係無乜睇佢，其實佢唔耍帥係ok嘅，但下下都要做啲靚仔角色真係好難投入，今夕何夕係個故事吸引， ...

佢唔耍帥係ok嘅＞＞呢句真，奈何佢走火入魔，以為自己真係好型好帥。今夕何夕佢出浴果場真係睇到

君九齡最經典果幕由樓上跳落嚟，果條肥腿同肥臀，加埋果個妝同頭

，美男呢個名詞冇可能用落金瀚身上，仲有一幕講佢喊，真係醜出框，喊喊吓用手指抹眼C。。。

另一個尹正，俾人鬧佢肥，佢去減肥，但肥又唔見減到，P圖搞到不男不女咁，披荊斬棘的哥哥果陣果把頭髮加衣不稱身見到都想死，居然有人搵佢拍遮天，消息一出，D書迷反枱割蓆，仙俠劇點可能尹正適合，有人心水清話見到有開機消息唔見有殺青，究竟有冇拍到，或者有冇中途停拍？

花旗太太生活在花旗國，留意時差，你問我未必即時答到。

私人傳訊回覆引用

w.c.chong

侯爵府

積分: 22596

2025勳章蛇年勳章好媽媽勳章

2606^#

發表於 22-6-17 11:35 |只看該作者

rose-mag 發表於 22-6-17 11:28
佢唔耍帥係ok嘅＞＞呢句真，奈何佢走火入魔，以為自己真係好型好帥。今夕何夕佢出浴果場真係睇到 :sickmil ...

你個回覆笑死我

好有畫面

出浴嗰幕真係…………無奈佢自我感覺良好，我見近期佢有套新劇拍陳喬恩，又係做啲靚仔有型，霸道總裁角色，佢真係對呢類角色情有獨鐘

尹正唔知有無睇過呢？！仙俠劇一定要揾啱演員，除了顏值，氣質都好重要

私人傳訊回覆引用

凌陵綾

珍珠宮

積分: 39672

2025中秋節勳章 2025勳章蛇年勳章 2024年龍年勳章

2607^#

發表於 22-6-17 14:48 |只看該作者

w.c.chong 發表於 22-6-17 11:35
你個回覆笑死我好有畫面
出浴嗰幕真係…………無奈佢自我感覺良好，我見近期佢有套新 ...

尹正?我以為是喜劇演員
至少我睇過的都是喜劇多

私人傳訊回覆引用

翡翠宮

積分: 76159

2025勳章蛇年勳章

2608^#

發表於 22-6-17 21:54 |只看該作者

rose-mag 發表於 22-6-15 03:33
你睇粵語版定國語版？粵語版親切D，估唔到黃覺D廣東話咁好，劇情。。。冇得講，講番以前香港舊時光，總係 ...

夢華錄我睇到第十集，男女主好有CP感，陳曉D眼神有火花

風景+建築物+擺設都好靚，第一次睇劉亦菲，我以為佢係木美人，原來唔係，演技都可以。劇情有小小誇張，收斂一下會好D。

私人傳訊回覆引用

翡翠宮

積分: 76159

2025勳章蛇年勳章

2609^#

發表於 22-6-17 22:00 |只看該作者

Sweetbabymom 發表於 22-6-16 17:48
本帖最後由 Sweetbabymom 於 22-6-16 17:49 編輯

唔知係咪我先入為主，睇完楚喬傳，覺得佢個樣奸奸地。 ...

睇完楚喬傳真係冇辦法接受金瀚做男一，佢個樣唔使扮都覺得奸，佢做配角嘅劇我睇唔少，但佢做男一嘅，一齣都冇睇過，冇劇睇都唔想開

私人傳訊回覆引用

積分: 174325

2610^#

發表於 22-6-21 05:14 |只看該作者

《我叫劉金鳳》6月24日開播，主演：辣目洋子、李宏毅、陳欣予、白澍、郭丞、陸宇鵬。

原名《皇后劉黑胖》，仙葩村少女劉金鳳意外接旨入宮成為皇后，在森嚴無趣的皇宮生活中激起了層楷波瀾。憑借着自信真誠的態度和樂觀豁達的心態，金鳳打消了皇帝段雲嶂對她的懷疑。二人從誤會鬥氣到相知相愛，聯手粉碎了西玥國的陰謀，書寫了一段歡喜冤家式的愛情童話。

** 女主唔賣樣，男主樣都麻麻，呢套要睇下故事點樣，走輕喜劇路線，呢套劇2021年4月14日於横店開機；7月12日殺青，唔駛一年已經播出算幾快。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

2611^#

發表於 22-6-22 14:17 |只看該作者

《幸福到萬家》6月29日開播，共40集，每周日至周五更2集，周六更1集，主演：趙麗穎、劉威、唐曾、羅晉、曹征、張可盈。

根據長篇小說《秋菊傳奇》改編，跟電影《秋菊打官司》有近似內容。何幸福嫁到萬家庄，婚禮上，妹妹被“鬧婚”受辱，情急之下，幸福砸傷了村支書萬善堂的兒子萬傳家。一波未平一波又起，村里建保健品廠，要征用幸福婆家的耕地，幸福勇敢與萬善堂對簿公堂，最後得到合理補償。幸福生孩子大出血，萬善堂組織村民獻血，救了幸福的命，幸福萬分感恩。不料，她之前寄出的舉報信却引來了紀檢人員，萬善堂生氣發病，引起村民的眾怒，幸福兩口子不堪壓力，進城打工。在城市生活中，幸福和丈夫衝突不斷，婚姻亮起紅燈。幸福回鄉辦民宿，希火了萬家庄的旅游產業。不料，保健品廠污染案發，幸福再披戰袍，帶回村民跟利益集團對抗，蠃得了大家的尊重和擁護，萬善堂主動讓賢，幸福當選萬家庄新的帶頭人。

花旗太太生活在花旗國，留意時差，你問我未必即時答到。

私人傳訊回覆引用

翡翠宮

積分: 76159

2025勳章蛇年勳章

2612^#

發表於 22-6-24 21:42 |只看該作者

rose-mag 發表於 22-6-16 12:49
《愛情應該有的樣子》6月17日開播，共30集，主演：楊穎、賴冠霖、田依桐、劉怡潼。

看似擁有完美人生的尹 ...

我開咗呢齣，AB演技有進步，好自然，同賴冠霖真實年齡相差12歲，不過睇唔出，睇咗5集，劇情暫時OK

私人傳訊回覆引用

積分: 174325

2613^#

發表於 22-6-25 06:30 |只看該作者

whywhite22 發表於 22-6-24 05:42
我開咗呢齣，AB演技有進步，好自然，同賴冠霖真實年齡相差12歲，不過睇唔出，睇咗5集，劇情暫時OK ...

我一直都覺得D人黑開就黑，AB演技係麻麻，佢唔係科班出身，衰在之前冇將要提高演戲能力放上心，成日一邊拍戲一邊上綜藝出活動，最為人詬病係孤芳不自賞，綠幕加替身，不過亦唔怪得晒佢。

最近嘅風起隴西，AB只係配角仔，戲份唔多，佢出場表現都算合格，又係俾人鬧到飛起，感覺有D為鬧而鬧。賴冠霖個樣好油，完全補晒同AB之間嘅年齡差。

花旗太太生活在花旗國，留意時差，你問我未必即時答到。

私人傳訊回覆引用