大仔大女媽媽會 今日: 0 | 主題: 177861

積分: 1991

2641^#

發表於 09-12-3 09:30 |只看該作者

翹翹學校都好鬼忙, 開學至今, 測過一次驗, 評估過一次. 平均每星期要默兩次書(中英). 總之無一個禮拜有得休息下. 考試會係假期後.
我同翹翹溫默書都溫到好沮喪, 開學都好D, 中英都有9X, 而家唔知係咪範圍多左, 深左, 加埋D唔小心, 每況越下, 7X, 6X, 5X, 越默越差, 天呀!

私人傳訊

積分: 8211

2642^#

發表於 09-12-3 09:48 |只看該作者

今日細佬講左句說話, 我覺得好甜蜜.

今朝一家人出門, 送小朋友上保母車, 出門時, 細佬送上一塊bear bear熊木牌給我, 他說: 媽咪, 送比你, 你放係公司, 見到佢就好似見到我咁!

我覺得佢好似我男朋友咁, 好sweet. 我問: 你係咪真係送比我架? 咁捨得?
細佬唸了一陣: 係呀, 借你放到星期五la! 唔係好快個星期五wor , 係第二個星期五wor!
我: 即係下星期五呀?
細佬: 係呀!
我: 即係借比我幾多日呀?
細佬沉默了一會: 9日.
家姐: 唔係呀, 8日炸
我自己都數下手指: 計埋今日, 真係要9日wor!

估唔到人仔細細, 心水咁清.

私人傳訊

積分: 8211

2643^#

發表於 09-12-3 10:08 |只看該作者

betty,
我又無留意係咩色wor, 不過係有熊貓, 應該係同一出版社la. 有我幫爺爺穿鞋子呢課係咪呀?

我記得阿女小一時, 要背黙先叫阿女背, 唔駛背個d就梗係無理la, 但我同另一家長傾開先知佢每課都叫佢個女背黙, 所以d成績好好. 我心唸, 阿女黙得到老師指定個d已經好安慰嘞, 真係唔敢奢望其他呢. 所以到long long開學時, 我就用呢招, 咩都背黙, 佢初初唔肯, 因為佢話老師無叫, 我強迫下先肯黙晒. 後來習慣左, 無再投訴.

尋晚long long煞有介事地分別同我, daddy講, 話佢普通話考到91分. 佢有少少驚咁, 可能真係驚我鬧, 但我無鬧到, 因為我覺得普通話真係唔易 (我讀書時最弱呢科). 佢錯既全部係聆聽個part, 扣左9分, 其他拚音啱晒, 咁我要比多d普通話佢聽下先得.

可惜我以前唔識, 無keep起家姐d exam paper. 唔係可以比佢試下.

尋晚返屋企, 細佬係房做緊exercise, 但係課外既exercise, 我問佢邊個比佢做, 佢話自己攞黎做, 我真係覺得每個人性格唔同, 我唔係話將家姐同細佬比較, 相反, 因為細佬既表現, 我對家姐更加包容, 因為家姐資質有限, 我要特別教佢. 比多d耐性. 呢條漫漫長路, 真係有排行呢.

私人傳訊

積分: 8211

2644^#

發表於 09-12-3 10:10 |只看該作者

原帖由 CKBBQ 於 09-12-3 09:30 發表
翹翹學校都好鬼忙, 開學至今, 測過一次驗, 評估過一次. 平均每星期要默兩次書(中英). 總之無一個禮拜有得休息下. 考試會係假期後.
我同翹翹溫默書都溫到好沮喪, 開學都好D, 中英都有9X, 而家唔知係咪範圍多左, 深左, ...

ckbbq,
唔緊要la, 慢慢黎, 偶有失手姐. 小朋友有時大意, 寫錯少少又扣分. 而家只係小一, 打好基礎先la.

私人傳訊

積分: 2245

2645^#

發表於 09-12-7 15:34 |只看該作者

littlepigpig,

睇完你講longlong，我都覺得佢好正呀，係合適的男朋友啊！

你講得啱，每人的天資唔同，唔好比，費事自己同小朋友都唔開心．只要家姐已經盡左力，就由得佢啦！

我一向都無叫童童背書，只係好多時同佢默書時，佢話自己識默，唔使我講，我由得佢，間中有唔記得再提下佢囉！

CKBBQ,
一星期兩次默書真係幾密，溫習時間唔夠，都係令佢成績唔好的原因，加上得六歲人仔一定係大意．

童童都係咁，同一個字，居然一個寫啱，一個寫錯，仲唔係大意．．．．

或者早少少同翹翹溫定ｄ內容，等佢得心應手．不過我都知你一個揍兩個，又係好難專心幫翹翹溫書．有無諗過比佢去補習班溫書呀？我朋友個囡補左一個月，朋友輕鬆好多，每日仲有時間玩，都唔錯架！

私人傳訊

積分: 8211

2646^#

發表於 09-12-8 17:05 |只看該作者

Dear all,

因為好少人confirm bbq, 可能都攪唔成.

其實我12/13 & 12/20都仲free. 如果大家都有興趣, 可以照bbq, 如果無人有反應, 唯有cancel了.

私人傳訊

積分: 1991

2647^#

發表於 09-12-8 21:57 |只看該作者

szeszebetty,

呢個星期兩科默書佢又拿番9x分

. 不過溫習過程真係c好多細胞

其實問題係根本放學至訓覺前時候唔夠用,
洗澡, 做功課, 食飯, 溫習..., in my case 故補習班只係將個責任俾左人, 仲要d補習班, 定要夠近(都唔講口碑), 否則一送一接得不償失. 仲有我係full time mom, 自己唔教(又唔係要做野), 假手於人, 我過唔到自己果關. 結果自己繼續氣頂

私人傳訊

積分: 8211

2648^#

發表於 09-12-9 09:52 |只看該作者

原帖由 CKBBQ 於 09-12-8 21:57 發表
szeszebetty,

呢個星期兩科默書佢又拿番9x分 . 不過溫習過程真係c好多細胞

其實問題係根本放學至訓覺前時候唔夠用,
洗澡, 做功課, 食飯, 溫習..., in my case 故補習班只係將個責任俾左人, 仲要d補習班 ...

搵人補都有個好處, 因為小朋友一定聽老師講多過自己既. 我以前都覺得自己教到, 點解要搵補習, 但而家都有搵補習, 一來, 個老師真係好pro, 二來我勞氣少左, 同個女d關係都好d.

私人傳訊

積分: 2245

2649^#

發表於 09-12-9 10:13 |只看該作者

CKBBQ
咁又係，你已經係全職揍仔，仲要搵補習又真係好似有ｄ那個．但見你一個照顧兩個，真係好慘．
我自己有時都要一對二（因為工人姐姐做家務），我都係唔理個細，是但比ｄ佢玩又好，早ｄ叫佢瞓又好，總之要顧住個大的功課和溫習先．

littlepigpig
我朋友又係好似你咁講，比個女去補習社，大家衝突少左，關係都好ｄ．不過我老公就好似CKBBQ咁諗，既然自己有時間教到，當然自己教好啦！所以暫時為止，我地仲未比童童去補習，不過遲ｄ就唔知啦！

私人傳訊

野兔

積分: 1511

2650^#

發表於 09-12-9 10:18 |只看該作者

CKBBQ
楠楠現在反而只是1個星期中默,第2個星期英默.
中文今個星期要背默.老師在堂上教學生背.怕他們唔識.
楠楠上次測驗成績

差.
我只要求各科合格已可以,點知...英文,常識just唔合格.
而家無得玩哪,要讀書.
全級排名先頂唔順~
學校好多新移民,成績重比楠楠好,
楠爸過唔到自己個關.
1月總測,我們會努力.
好多friend都放小朋友去補習,做完功課才回家.
回家只是溫習,ok喎,5:30已做清功課.
在家一定唔得.
不過楠爸又話唔好.

[ 本帖最後由野兔於 09-12-9 10:26 編輯 ]

私人傳訊

sandylam

積分: 2640

2651^#

發表於 09-12-9 10:28 |只看該作者

咁唯有下次再去你到. maybe 一月尾cny前?

原帖由 Littlepigpig 於 09-12-8 17:05 發表
Dear all,

因為好少人confirm bbq, 可能都攪唔成.

其實我12/13 & 12/20都仲free. 如果大家都有興趣, 可以照bbq, 如果無人有反應, 唯有cancel了.

私人傳訊

sandylam

積分: 2640

2652^#

發表於 09-12-9 10:35 |只看該作者

ckbbq,

你係FTM, 我估時間會夠用d添. 因起碼可睇住d功課. 唔使好似我咁晚上先睇, 有時仲要做過....

同埋阿仔都好鬼唔專心, 攞左d功課出黎, 攪下呢, 攪下老. 成30min都未開到波....嘔血....

原帖由 CKBBQ 於 09-12-8 21:57 發表
szeszebetty,

呢個星期兩科默書佢又拿番9x分 . 不過溫習過程真係c好多細胞

其實問題係根本放學至訓覺前時候唔夠用,
洗澡, 做功課, 食飯, 溫習..., in my case 故補習班只係將個責任俾左人, 仲要d補習班 ...

私人傳訊

積分: 1991

2653^#

發表於 09-12-9 11:35 |只看該作者

szeszebetty & sandylam,

其實放學至夜晚有婆婆係度幫手的, 放學一返到黎, 兩個一齊沖涼後, 就婆婆煮飯騫騫係廳度玩/睇tv. 我就同翹翹入房搞掂d功課. 一般食飯前搞掂. 食飯後就小息

(因我要食飯沖涼..).之後就溫習, 9:00左右訓教.
但一週2次默書, d溫習時間唔夠, 溫唔熟, 好大壓力呢! 仲有thur, fri晚翹係要去上普通話同d興趣班, 時間仲唔夠用.
不過我都知好彩我係ftm, 在職mom仲慘, 有個同學要等mom放工後執功課, 溫習, 搞到12:00訓呀

mouth:

私人傳訊

積分: 1991

2654^#

發表於 09-12-9 11:43 |只看該作者

野兔,
我講果個12:00訓教同學仔就係讀楠楠幼稚園, 好唔適應小學生活, 喊哂口.

翹翹有個荃浸同學就係去仁紀, 新移民家庭, 但教得同學仔好好(幼稚園時已睇得出), 可能屋企無物質, 同學仔早早睇好多書, 識寫好多字呢

私人傳訊

積分: 2245

2655^#

發表於 09-12-9 14:33 |只看該作者

童童都無時間每日溫習，只係做功課，網上每日一篇，溫定默書，已經夠鐘瞓覺啦．．．．

加上一，三，五，她都有興趣班，時間就更加唔夠用．有時諗其實佢好似仲辛苦過我，又早過我起身返學，放學仲要忙做功課及溫習，好慘！

私人傳訊

積分: 8211

2656^#

發表於 09-12-9 15:22 |只看該作者

sandylam,
1月尾都ok呀, 1月30? 星期六會唔會好d, 黃昏玩到夜晚, 唔駛趕住走.

szeszebetty,
阿女小一時我都係咁唸, 我家姐都話, 咁細個唔好補la, 又辛苦, 又花錢, 自己又教到, 唔駛靠人. 但最後, 今年開始有補中文, 真係差好遠. 我個女對中文信心大左, 有進步, miss都話佢有左自信. 我後悔遲左同佢補tim呀!

尋晚見阿仔剛教完秘密屋,我見佢背又識背, 就要佢背黙. 點知佢喊晒口話老師無叫黙, 唔駛黙, 又話唔識, 又話無溫過, 點黙? 又唔知標點符號, 我話標點符號唔計分, 佢死都唔肯, 係都要我寫定d標點符號出黎.

結果篇黙書黙左1個鐘, 期間又去飲湯, mememomo. 佢黙書期間, 我阿哥打電話比我, 傾傾下我話佢個"愛"字寫錯左"受"字, 我細細力打左佢一下手仔, 點知佢扮喊, 喊到拆天咁大叫: 哎呀! 媽咪打我呀! 嗚..........呀...........

我話佢唔好再扮野! 佢話: 哎呀! 我無扮野呀! 嗚......................當然, 無眼淚既! 真係比佢激死. 學左pip話劇咁耐, 呢d就係收成嘞.

私人傳訊

積分: 2245

2657^#

發表於 09-12-9 16:14 |只看該作者

littlepigpig

longlong都好難應付喎，叫佢默書都講好耐數，依家ｄ細路真係難對付．

童童比較怕我，基本上我要佢做咩，佢都肯做，不過又係攪呢攪路，慢吞吞個種囉！

私人傳訊

cherrychung

積分: 3820

醒目開學勳章

2658^#

發表於 09-12-10 09:16 |只看該作者

講到唔夠時候我諗Matthew仲更加唔夠,星期二,三及四,7-9要去操水,回家後我先同佢改功課,基本上沒有時間溫書,好在學校今個月先開始默書,一星期中文一星期英文,仲要一次過派全年的默書範圍,現在星期六及日就係溫番過去一星期教過的書,見佢之前的考試好差諗過放棄游水因為實在用太多時間,但Matthew又唔肯加上佢真係好喜歡游水,暫時應付到就由佢先,我都有考慮搵補習班,不過時間上安排唔到.晚晚改完功課溫少少書及做完網上功課都要11點,幸好的是佢可以7:30才起身,起初都見佢起身會好攰,不過現在已經習慣了,每日起身都不知幾精神.
不知是不是已經打算比佢留班,所以沒有沒有太介意他的成績,總之盡力而為啦!

原帖由 szesze.betty 於 09-12-9 16:14 發表
littlepigpig

longlong都好難應付喎，叫佢默書都講好耐數，依家ｄ細路真係難對付．

童童比較怕我，基本上我要佢做咩，佢都肯做，不過又係攪呢攪路，慢吞吞個種囉！ ...

＊歡迎參觀Matthew　blog＊

私人傳訊

積分: 8211

2659^#

發表於 09-12-10 09:47 |只看該作者

szeszebetty,
long long係一個好固執既人, 如果老師有叫佢背黙, 佢好樂意去做, 如果無叫, 佢覺得唔應該去做.

前晚同家姐溫常識, 有一個圖係有"鼻", "氣管", "支氣管", 和"肺", 家姐做練習時填錯左, 所以我特別同家姐溫習返. 點知細佬八八卦卦地行埋黎話佢又要學定先. 咁咪講左一次比佢知.

昨晚我問家姐, 家姐就慢吞吞先講出呢4個名稱, 我問細佬, 佢好快就講出黎. 我同細佬講, 你記得清楚呢d名稱, 第二時大個可以做醫生.

細: 下, 點解要做醫生呀?
我: 做一個有醫德既醫生, 唔會只係賺錢, 去醫有需要既病人.
細: 但我唔知d咩病架wor.
我: 醫生都有分好多種, 牙醫都係醫生黎. 就算係身體每部份都有專科, 腦有毛病就係腦科, 又有內科, 外科....
細: 下, 咁我選邊科好呀? 讀咩好姐?
我: 你讀好d書, 到大個d先算la! 不過你驚唔驚打針架? 係你幫人打, 唔係人幫你打wor!
細: 唔驚!
我: 咁血呢? 見到血驚唔驚架?
細:唔驚!

其實仔女將來做咩都唔重要, 希望佢地對社會有貢獻, 唔好犯錯事就好了.
**********************************
星期二晚, 我同細佬講: 媽咪今日好卦住你, 坐小巴時又唸起你, 返到公司又唸起你, 返緊屋企時又唸起你, 你有無卦住媽咪呀?
細: bear bear 熊!
我: 下, 我都有望住佢, 不過依然好卦住你!
細: 仲有4日!
我心唸, 駛唔駛下下計住借我幾耐呀? 孤寒鬼!
***********************************
尋晚兩姊弟寫聖誕卡, 細佬寫左一張比個女同學, 寫祝佢聖誕快樂, 學業進步, 之後問家姐: 家姐, 可唔可以借d女仔貼紙比我呀?
之後, 佢貼左好10幾張大大張既貼紙係信封度. 我問佢係咪送比女朋友? 佢好大反應話唔係女朋友.
我: 係咪女仔黎架?
細佬點頭.
我: 係女仔,又係你朋友, 仲唔係女朋友? 唔同男朋友呀?
我再問多次, 咁係咪係女朋友呀?
細佬又d尷尬地點頭.
哈哈...........
***********************
尋晚細佬問我21號可唔可以去同學屋企玩? 我問同學仔媽咪知唔知? 要人地家長批准先可以.
daddy: 男同學定女同學先?
細: 男同學.
daddy: 唉, 咁唔好嘞, 你只可以去女同學屋企, 家姐都係, 只可以去女同學屋企. 你地2個都只可以去女同學屋企.
我心唸, 第二時大個阿仔真係去女同學屋企, 有咩行差踏錯你就知衰嘞, 咁樣教仔!
***************************
大家唔好嫌棄我長篇大論, 因為我打完係save起當日記, 平時我唔上blog, 唔用facebook, 所以全部都打完save起佢, 咁又copy比大家分享下.

私人傳訊

sandylam